2 Pet̯ero 2:12 - Pokomo

¹² Hawa waalimu wa nsuwe wanadzihendea mambo ḅasi dza binensa, pfasipfo kut̯ara. Wanadzinenea ḅasi uzuka wa mambo wasiyoyaimuka. Dza binensa weonavyaijwa kugijwa na kuyagwa ḅasi, nao pia wananangwa.

2 Pet̯ero 2:12 Iomraidhean Croise

Marko 7:22

uhamileni, ḍibvani, makulekuleni, ubabad̯eni, ḍeani, kuneneani wangine mazuka, kudzionani na kutsowa akili.

Yohana 8:21

Kisa Yesu kanena na hawa wantu kawii kawamba, “Mimi nijwakumuyatsa. Nanywi munanilacha na kunilacha ela munafwa nabvise mwenu. Huku nikokwendani mimi nywinywi ntamuwezi kwenda.”

Wagalatia 6:8

Akiima kuuḅana na t̯amaa zakwe nzuka nzuka za kiwanaad̯amu, anavuna mananzi kuyawana na hizi t̯amaa zakwe. Ela eyenaima kuuḅana na huyu Ruhu, anavuna maisha ya kuunga na yuungo kuyawana na huyu Ruhu.

Wakolosai 2:22

Haya haya yonse ni masharia ya kiwanaad̯amu dzuu ya vyakuḍya na vija vingine, vivyonatumika iyo saa na iyo saa vikasia ḍyakwe.

2 Pet̯ero 1:4

Na kwa dzambo ḍya haya haya maremboye na memaye, kahuahid̯ia kuhupfa mambo makuu muno ya thamani. Na haya ahuahid̯iiyeyo kayahupfa ili kwamba muweze kuishi dza wana wa Muungu. Haya haya kayamumpa ili muweze kupfona kuyawana na haya mambo yeyonawananga wantu wa huju lumwengu, yeyonayehegwa ni t̯amaa nzuka nzuka.

2 Pet̯ero 2:19

Wanawaahid̯ia wantu uhuru, na hali wao wenye ni wahumwa wa mambo yeyonayeha mananzi. Kwa dzambo ḍya kwamba muntu anawa muhumwa jwa dzambo ḍiḍeḍyonse ḍimut̯awaliyeḍyo.

Yud̯a 1:10

Ela hawa waalimu wa nsuwe wanatsezea kula wasichokiimuka. Wanadzihendea mambo dza binensa pfasipfo kut̯ara na wakadzingiza mananzini wao wenye.