2 Pet̯ero 2:10 - Pokomo

¹⁰ Hi adhaḅu inawa haswa kwa hawaḍe weonauḅa t̯amaa zao nzuka nzuka za kimwii na kubalifa uwezo wa Muungu. Hawa waalimu wa nsuwe wanadziona, na ni wavikodzo. Wala ntawa hila kwa viumbe vya mbinguni. Ishinu wanakaa na kuvitsola-tsola.

2 Pet̯ero 2:10 Iomraidhean Croise

Luka 11:25

Ela ikigala inaona kwamba hapfaḍe ipfoikikaa d̯ura, pfapfejwa na pfaelekanywa urembo.

Luka 19:14

Ela wantu wa hiḍe nsiye wemukeva. Ndookomu wahuma wantu nyumaye na ḍaamisa ya kunena kwamba, ‘Ntahumut̯aki huyu muntu awe haju jwehu.’

Mahendo 23:5

Paulo kambukuya kamba, “Sikuvimanya hat̯a wandugu zanguni, kwamba huyu ndiye huyu *Mukohani Mukuu. Koro haya matsoro yamba, ‘Nkudzomuneneye mazuka haju jwa wantu wenu.’ ”

Warumi 8:1

Ndookomu sasa hawaḍe weokuishini hariani mwa Kirist̯o Yesu ntawawezi kuhukumigwa.

1 Wakorint̯o 6:9

Ntamudzi kwamba wonse weonahenda mazuka ntawawezi kupfokea mvoni za uhaju wa Muungu? Namutsedzikulakula hat̯a, koro wantu wonse weo waḅari, weonayomba masanamu, weonavunza ukwe, weonayaana na nyuma,

2 Wakorint̯o 10:3

Gula hwakuishini humu lumwenguni ḍugha, ela viha vyehu hwivyokujwanani si viha vya kilumwengu.

Waefeso 4:19

Wao ntawa yutswa kawii wakwakuhendani mazuka. Muḍa wao wonse unasiiya kuhendani haya mazuka weyonat̯amani kuhenda. Wakigija kuhenda uḅari ntawasikiye.

Waefeso 5:5

Ni mumanye hakika kwamba, muntu muḅari ambu eye na mahendo machafu machafu ambu muntu muhamile, huyo nkawezi kuwa na uḍalo Uhajuni mwa Muungu na Kirist̯o. Koro muntu muhamile ni sawa na muntu eyenayomba masanamu.

Wakolosai 3:5

D̯ubva yatsani t̯amaa zenu na mahendo yenu mazuka mazuka mwiyokuwa nayo. Yatsani mambo ya uḅari, mambo machafu machafu, na t̯amaa nzuka nzuka zonse za kimwii na muyatse kumiiya mahe vya wantu. Koro kuwa muntu jwa kumiiya mahe vya wantu ni sawa na kuwa muntu jwa kuyomba miungu ya nsuwe.

1 Watesalonike 4:7

Koro Muungu nkakuhuhana huishi maisha ya kuhenda uḅari, ela kahuhana huishi maisha ya udheru.

2 Timoteo 3:2

Wantu wadzawa na umimi, uhamile, kudziona na uchikodzo. Wadzawa wantu wa vitsolo, wasiowasikia wavyazi wao, wasio ḍuḍa, na kuwa wanabvise wasio ḍini.

Tito 1:7

Na kwa kwamba muyongozi jwa tsanganiko ni muntu jwa kusumamia kazi ya Muungu, nka ruhusa ya kuwa na t̯amba zuka. Na ni had̯i atseewa muntu jwa kudziona, atseewa muntu jwa ngoro za mpuyani, atseewa muntu jwa kuruma, atseewa muntu mundwani ambu muntu muhamile jwa kudzilachia fwedha.

Waeburania 13:4

Ndoa naihilwe ni kula muntu! Ntaku ruhusa ya muke ambu muyume kuyawa nze, maanaye Muungu anawahukumu hawaḍe wonse weo waḅari na wantu wa ranga.

2 Pet̯ero 3:3

Cha d̯ura ni had̯i muimuke kwamba ngera za mwiso kudzawa wantu wabalifit̯u, weonat̯awaligwa ni t̯amaa zao t̯u. Wadzamunonza

Yud̯a 1:10

Ela hawa waalimu wa nsuwe wanatsezea kula wasichokiimuka. Wanadzihendea mambo dza binensa pfasipfo kut̯ara na wakadzingiza mananzini wao wenye.

Yud̯a 1:16

Hawa hawa waalimu wa nsuwe ao meshi kazi yao ni kuḅuguma-ḅuguma na kualat̯a wantu wangine. Wanakaa na kuuḅa hizi t̯amaa zao nzuka nzuka na kudziona kwinji, na wakashad̯a wantu ili waweze kuonegwa wema.

Yud̯a 1:18

Wamwamba, “Ngera za mwiso kudzawa na wantu weo na baladha weonat̯awaligwa ni t̯amaa zao nzuka nzuka pfasipfo hat̯a kumushooga Muungu.”

Yud̯a 1:4

Nyakunenani hivi kwa kwamba kuna wantu wangine wasiomumanya Muungu wadzinyeezeyeo-nyeezeyeo wakinjia kahi yenu. Hawa hawa wantu wakuyongweezani kwamba, at̯i hunaweza kugija kuishi maisha ya kuuḅa t̯amaa nzuka nzuka za kimwii koro Muungu anahufwiya t̯ei. Hukumu ya hawa hawa wantu iyavigwa hangu kae na kae, koro wamukana huyu Ḅwana jeje heket̯u hwiyenae, yani Yesu Kirist̯o.