2 Pet̯ero 1:20 - Pokomo

²⁰ Na zaid̯i ya hayo yonse, natsaka muimuke kwamba ntaku yuḍejwonse eyenaweza kuyaimuka haya matsoro ya hawa manabii na akili yakwe jeje mwenye, pfasipfo kuyongojwa ni Ruhu jwa Muungu.

2 Pet̯ero 1:20 Iomraidhean Croise

Warumi 12:6

Ndookomu kwa kwamba Muungu kahupfa t̯ola garagara, ni had̯i huzitumiye kuuḅana na namuna ahuvodhyeyevyo. Muntu eye na t̯ola ya kuyavya maagu ya Muungu, ni akikaa na kuyayavya haya maagu akiwa na faro yonse kwamba kayapfegwa ni Muungu ḍugha.

Warumi 13:11

Hendani hivi mukimanya kwamba sasa hwaa ngera ga. Hizi ni ngera za kwamba muyamuke na sinzizini, kwa kwamba hi nsiku ya Muungu ya kuhupfonya, sasa imaawa hafufi kuchia hiviḍe ivyokuwa, hwipfomuhikiza *Kirist̯o.

Warumi 6:6

Na humanya kwamba hu ubenaad̯amu wehu wa d̯ura upfatsikwa hapfaḍe muhini mwa mpatsa pfamodza na Kirist̯o, ili kwamba nabvise itseewa na nguvu kawii maishani mwehu. Ntahukwaa wahumwa wa nabvise kawii.

1 Timoteo 1:9

Na ni had̯i huimuke ya kwamba, sharia iḍeyonse iyonawekwa, ntaiwekwe kwa dzambo ḍya wantu wahachi hat̯a. Inawekwa kwa dzambo ḍya wavunza sharia na wahenda mazuka, wasiomumanya Muungu, wanabvise wasiokuwa na ḍini, na weo walumwengu. Na pia, inawekwa kwa dzambo ḍya wantu weonayaga wababa zao na wamama zao, na kwa dzambo ḍya wayaji wangine.

2 Timoteo 3:16

Matsoro yonse yana nguvu za Muungu, na yana maana kwa kuyongweezea, kumukanyia muntu, kumuyangia muntu njia na kwa kumufundia muntu apate kuishi maisha ya kumutsakiza Muungu.

Yakobo 1:3

koro ni mumanye ya kwamba, kupimigwa kwa hi faro yenu kunamukumiiza myojo, na munagija kumuserefat̯a Muungu.

2 Pet̯ero 3:3

Cha d̯ura ni had̯i muimuke kwamba ngera za mwiso kudzawa wantu wabalifit̯u, weonat̯awaligwa ni t̯amaa zao t̯u. Wadzamunonza