1 Yohana 5:13 - Pokomo

¹³ Mimi nyakumworeani nywinywi haya mambo, nywinywi mumuhikiziyeo Yesu Kirist̯o Mwana jwa Muungu. Nyakumworeani mupate kumanya hakika ya kwamba muna maisha ya kuunga na yuungo.

1 Yohana 5:13 Iomraidhean Croise

Yohana 1:12

Ela hawaḍe wonse wamupfokeeyeo, yani hawaḍe wamuhikiziyeo, kawapfa hachi ya kuwa wana wa Muungu.

Yohana 2:23

Yesu epfokuwa Yerusalemi ngera ya hi jila ya Pasaka, wantu wenji wamuhikiza kwa dzambo ḍya kwamba waona haya mafara ya kumakisa ahendeyeyo.

Yohana 20:31

Ela haya yorejweyo, yoregwa ili mupate kuhikiza kwamba Yesu ni Mwana jwa Muungu na ndiye huyu *Masiya. Yoregwa ili kwamba, kwa kumuhikiza jeje muweze kuwa na maisha ya kuunga na yuungo.

Yohana 21:24

Huyu ni huyu mwanafund̯i ayaoneye haya mambo na matsoye mwenye na akiyora. Naswi humanya ya kwamba haya aneneyeyo ni ḍugha.

Yohana 3:18

Ndookomu kula amuhikiziye nkahukumigwe, ela kula asiyemuhikiza huyo kesakuhukumigwa kwa dzambo kadziza kumuhikiza Mwana madiani jwa Muungu.

Yohana 5:24

Hachi nyakumwambiani, huyuḍe eyenasikiiya vyuuwo vyangu na akimuserefat̯a huyuḍe anihumiye, huyo ana maisha ya kuunga na yuungo. Muntu dzae nkawezi kuhukumigwa, koro kesakuyawa kufwani na kanjia kuishini maisha yasiyosia.

Mahendo 3:16

Nguvu za sariḍye ndizo zimumpiyezo huyu kihewi mumanyiyee na mwiyekuonani, kukumiiya maguuye. Faro yehu kwa Yesu ndiyo imumpiyeyo kuwa na matsea, dzevihivi mwivyokumuonani nyonse.

Mahendo 4:12

Mupfonyo ntaupatikane kwa yuḍejwonse yungine lamud̯a kwakwe jeje heket̯u. Koro lumwengu yuzima, ntaku yuḍejwonse yungine jwa Muungu ayavize sariḍye kuwa Mupfonyo wehu.”

2 Wakorint̯o 5:1

Koro humanya ya kwamba, ikiwa kwamba hiḍi hema ḍya hi mii yehu hapfa lumwenguni ḍikujwa, huna nyumba ya Muungu mwenye ahumbakiiyeyo mbinguni. Wala iyo ntaikumbakwa na mikono ya wanaad̯amu, na inakaa maishi.

Wagalatia 4:6

Kwa dzambo ḍya kwamba hu wanawe, Muungu kamuhuma huyu Ruhu jwa Mwanawe myojoni mwehu. Ndiye huyu Ruhu eyenahuhendeza humuhane Baba.

1 Pet̯ero 5:12

Nyakumworeani hi hii ḅaruwa mfufi kwa ugijo wa Sila, nimuserefat̯ie dza ndugu. Nyakumworeani kumungiza mojo na nikishuhuḍia kwamba haya ndiyo matsako ya ḍugha ya Muungu. D̯ubva yagijeni na nguvu.

1 Yohana 1:4

Hwakumworeani hivi, ili kwamba mukiviuḅa, myojo yehu inapata kutsaika.

1 Yohana 2:1

Wanangu watsakwa, nyakumworeani hivi mupate kutsahenda nabvise. Ela ikiwa kwamba yuḍejwonse kahenda nabvise, huna muntu jwa kuhunenea kwa Baba. Huyu ni Yesu *Kirist̯o, eye muhachi.

1 Yohana 2:21

Sikwakumworeani kwa dzambo ḍya kwamba ntamuidzi hi hachi, ela nyakumworeani kwa dzambo ḍya kwamba muimanya, na pia, mumanya ya kwamba pfepfo hachi nsuwe inadzikemba.

1 Yohana 2:25

Na cha Kirist̯o mwenye aahid̯iyecho kuhupfa, ni maisha ya kuunga na yuungo.

1 Yohana 2:26

Nimworea haya haya kwa dzambo ḍya hawa weokuḍemani kumwaarya.

1 Yohana 3:23

Eyokuhuamuruni huhende ni kwamba, humuhikize Yesu Kirist̯o, huyu Mwanawe, na hutsakane dza vya Kirist̯o ahuamuriyevyo.

1 Yohana 4:9

Muungu kayanga tswee matsakoye kwehu, kwa kumuhuma lumwenguni Mwanawe madiani. Kamuhuma ili kwamba kuchiiya na kwakwe, hupate maisha ya kuunga na yuungo.

1 Yohana 5:10

D̯ubva yuḍejwonse amuhikiziye huyu Mwana jwa Muungu, kamanya hakika ya kwamba haya haya ni ḍugha. Ela yuḍejwonse asiyemuhikiza, kesakumuhendeza Muungu kuwa munsuwe, kwa kwamba nkakuhikiza haya ya Muungu aneneyeyo, dza ushaahiḍi dzuu ya huyu Mwanawe.

1 Yohana 5:11

Na hu ushaahiḍi hwiwo nao ni huu wa kwamba, Muungu kahupfa maisha ya kuunga na yuungo. Na haya haya maisha kayahupfa na kwa Mwanawe.

1 Yohana 5:20

Na pia humanya ya kwamba huyu Mwana jwa Muungu kadza, na kahupfa kuimuka hupate kumumanya huyu Muungu jwa ḍugha. Naswi hwakuishini kuzimuni mwa huyu Muungu jwa ḍugha, koro hwaa kuzimuni mwa huyu Mwanawe, Yesu Kirist̯o. Na huyu ndiye huyu Muungu jwa ḍugha na ndiye eye na haya maisha ya kuunga na yuungo.