1 Yohana 3:8 - Pokomo

⁸ Ela kula agijiye kuhenda nabvise, huyo ni mwana jwa Shaat̯ani, kwa dzambo ḍya kwamba Shaat̯ani kaḍabva kuhenda nabvise hangu pfapfaḍe ḍabvu. D̯ubva maana ya huyu Mwana jwa Muungu adziiyeyo, ni kunanga-nanga hizi kazi za Shaat̯ani.

1 Yohana 3:8 Iomraidhean Croise

Matayo 12:28

Ela mimi nyakuyavyani mpepfo nzuka kwa nguvu za Ruhu jwa Muungu, kuyanga kwamba Uhaju wa Muungu umamudzia.

Matayo 13:38

Maana ya hi nkonde ni huju huju lumwengu. Hizi mbeju nyema ni hawaḍe wantu weo wa Uhaju wa Mbinguni. Na hiḍi pfaiya ni hawaḍe weo wa Muzuka Shaat̯ani.

Matayo 4:3

D̯ubva Shaat̯ani kamwendea kamwamba, “Ikiwa kwamba wewe u Mwana jwa Muungu ḍugha, yaamuru haya mawe haya yawe mikahe.”

Marko 1:24

“Unaswini, Yesu jwa Nazareti? Dze, kumakudzia kuhunanga? Nikumanya tswee kwamba u ga! Wewe u Mutsanwa jwa Muungu.”

Luka 10:18

Yesu kawamba, “Nimuona Shaat̯ani kagwa nsi kuyawa mbinguni dza yupfepfe.

Yohana 12:31

Ngera ya Muungu ya kujuhukumu lumwengu imaafika, na huyu haju jwa huju lumwengu anakujwa.

Yohana 16:11

Wantu wadzaona hakika ya kwamba hukumu yakudzani, kwa kwamba huyu haju jwa huju lumwengu kesakuhukumigwa.

Yohana 8:44

Nywinywi mwa dza huyu baba jwenu Shaat̯ani. Mutsaka kuhenda haya mazuka ya huyu baba jwenu eyonahenda. Jeje Shaat̯ani, ni muyaji hangu ḍabvu na kaikeva hi hachi, koro jeje katsaka nsuwe meshi. Na epfonanena nsuwe anawa kakuyangani hivi aivyo, koro jeje ni munsuwe na ni baba jwa wansuwe.

Warumi 16:20

Ndookomu mukihenda hivi, huyu Muungu eyenangiza naghea kahi yenu anazitsaratsara nguvu zonse za Shaat̯ani si hat̯a kae, na anamumpa uwezo dzuuye. T̯ei ya Ḅwana jwehu Yesu naiwe pfamodza nanywi.

Waefeso 2:2

Mwikiuḅa mazuka ya wantu wa huju lumwengu na kumut̯ii mut̯awala jwa hizi mpepfo nzuka zizonaishi humu angani. Hii ndiyo ruhu ya mazuka iyokuwat̯awalini hawaḍe wonse wasiotsaka kumut̯ii Muungu.

Wakolosai 2:15

Epfohenda hivi, Muungu kazishinda nguvu zonse za mpepfo nzuka na sirikali zonse za lumwengu jwa kiruhu. Kazishinda na kaziajaisa na hivi vya Kirist̯o afwiyevyo muhini mwa mpatsa.

1 Timoteo 3:16

Na ya kwamba hi ngadzi ye faro yehu ni nkuu, hayo hayo ntaya kajela. Kirist̯o kadza lumwenguni dza mwanaad̯amu, na kayanganywa ni huyu Ruhu kwamba ni muhachi. Kaonegwa ni malaika, na nsumwiizi dzuuye zisumwiijwa kwa vyeet̯i vingine vyonse. Kahikizwa ni wantu wa lumwengu yuzima, na kahwajwa kwenda kwa Muungu mbinguni dzuu.

Waeburania 2:14

Kwa dzambo ḍya kwamba hawa wana wa Muungu ni wanaad̯amu waumbijweo na mwazi na nyama, Yesu nae kawa dzao. Kahenda hivi ili kwamba, kwa kufwakwe aweze kumunanga-nanga Shaat̯ani eye na nguvu za kuyaga wantu.

Waeburania 9:26

T̯ambere si hivyo, Kirist̯o andeewa kwamba kafwa myeedha minji na minji hangu kuumbwa kwa lumwengu. Ela hivi adziyevyo, kadza mweedha mumodza t̯u hizi hizi ngera za nsiku za mwiso hwizokuishini, apate kuhunwiiya nabvise zehu kwa kudziyavya jeje mwenye dza mvuugiya.

2 Pet̯ero 2:4

Koro ikiwa kwamba malaika wagwiyeo nabviseni t̯u, Muungu nkakuwayatsa, ishinu kawafunga-funga na minyoro na kawafat̯ula simo ḍya kiza. Na humuhumuḍe ndimo wemokuindiiyani hi Nsiku yao ya kuhukumigwa.

1 Yohana 1:2

Kayanganywa kwehu, naswi humuona. Ewapfo pfamodza na Baba jwehu na humumanyiswa. Ndookomu hwakuvimushuhuḍiani nywinywi na kumusumwiiya dzuu yakwe jeje eyenapfa wantu maisha ya kuunga na yuungo.

1 Yohana 3:10

Ugaragara kahi ya wana wa Muungu na wana wa Shaat̯ani hunaumanya hidzaa: yuḍejwonse asiyehenda yeyo ya hachi, ambu yuḍejwonse asiyemutsaka ndugujwe, huyo si mwana jwa Muungu.

1 Yohana 3:5

Mumanya ya kwamba Kirist̯o kadzia kuhunwiiya nabvise zehu, na mumanya ya kwamba jeje nka nabvise.

1 Yohana 5:19

Humanya ya kwamba hu wana wa Muungu, ela lumwengu jwonse jwaa mikononi mwa Muzuka Shaat̯ani.

Yud̯a 1:6

Na pia natsaka kumukumbusya kwamba hawaḍe malaika wayayatsiyeo haya mamulaka ya Muungu awapfiyeyo, na wakikuyatsa hukuḍe kuntu kwao wapangiijweko kukaa, Muungu kawafunga-funga na minyoro isiyohunika meshi. Kisa kawangiza simo ḍya kiza wemokuindiiyani Nsiku ya kuhukumigwa.

Upfenuo wa Yohana 20:10

Huyu Shaat̯ani awaariye kafat̯ulwa humuḍe mwa hiḍi ziwa ḍiḍyonawaka moho wa maḅiliḅili. Humuḍe ndimo kufat̯ulijwemo huyuḍe binensa na huyu *nabii jwa nsuwe. Wadzakuntiswa d̯ina siku na musikahi, maishi na maishi.

Upfenuo wa Yohana 20:15

Na yuḍejwonse asiyekworegwa sariḍye kuzimuni mwa Chuo cha maisha, huyo kafat̯ulwa humuḍe mwa hiḍi ziwa ḍya moho.