1 Yohana 3:21 - Pokomo

²¹ D̯ubva watsakwa, ikiwa kwamba myojo yehu ntaikwakuhuḍiani, ntahuwezi kuwa na oga hukwakumuyombani Muungu.

1 Yohana 3:21 Iomraidhean Croise

Warumi 14:22

Ndookomu, hikiḍe uhikiziyecho wewe mwenye kwamba ni sawa, nakiwe siri yako na Muungujo. Kadzawa na tsekea iyodze huyuḍe ahikiziye kwamba hivi evyokuhendani ni sawa, na nkakwaa kuhukumikani mojoni mwakwe!

1 Wakorint̯o 4:4

Mimi mwenye sidzi tsowa ḍiḍeḍyonse nihendeyeḍyo, ela hiḍyo hiḍyo ntaḍiyange kwamba mimi ni muhachi. Koro Ḅwana ndiye jwa kudzanikizia hukumu.

2 Wakorint̯o 1:12

Hwichonadziona nacho na hwicho na uhakika nacho ni kwamba, maisha yehu humu lumwenguni na uhusiano wehu nanywi, wiwa mbwa kuhikizika na wa kwambiana dza vya Muungu evyonatsaka. Hivi hivi huvihenda kwa nguvu za matsako ya Muungu, na wala si kwa mvidhyo ya kibenaad̯amu.

Waefeso 3:12

Kwa dzambo ḍya Kirist̯o na hivi humuhikiziyevyo, hunamwendea Muungu pfasipfo oga, hukiwa na uhakika kwamba anahusikia.

1 Timoteo 2:8

D̯ubva, kula saa ya mayombo, natsaka hawa wayume wadziyaviyeo kwa Muungu wawe ndiwo wa kuyomba. Na wepfonanwiiya dzuu mikono yao kuyomba, nawatseewa na ngoro ambu ngongea.

Waeburania 10:22

D̯ubva nahutsegeeye hafufi na Muungu na mojo mumodza pfasipfo kuwa na kajela. Ni huwe na myojo idheresejweyo mazukaye na mii idheresejweyo na madzi masafi.

Waeburania 4:16

D̯ubva nahumudzie Muungu mut̯ei pfasipfo oga. Jeje anahuyanga wemawe na t̯eiye hwipfonawa mad̯inani.

1 Yohana 2:28

Ndivyo, wanangu watsakwa, ikaani kuzimuni mwakwe ili adzepfokudza mupate kuwa na ujangina wa kusumamia usoni yakwe pfasipfo yutswa.

1 Yohana 2:7

Watsakwa, hi amuri niyokumworeani si amuri mpya hat̯a, ni iiḍe amuri ya kae mwiyokuwa nayo hangu iiḍe. Hi hii amuri, ni haya maagu ambayo mwisakusumwiijwa.

1 Yohana 3:2

Watsakwa, hi saasambi hu wana wa Muungu, ela ntavidzahuyangaiya ya kwamba hudzawa wantu ga. Humanyiyecho t̯u ni kwamba, *Kirist̯o adzepfokudza, hunawa dzae, kwa dzambo ḍya kwamba hunamuona jeje dza aivyo haswa!

1 Yohana 3:20

Kula pfa myojo yehu ipfonahuḍia, hunamanya ya kwamba Muungu kamanya zaid̯i ya hivi humanyiyevyo, koro kamanya kula kintu.

1 Yohana 4:17

Maana ya matsako ya Muungu kungoreswa kuzimuni mwehu, ni kwamba, hutsekudzawa na oga nsiku ya kuhukumigwa wantu. Na ntahukudzawa na oga kwa kwamba haya maisha yehu humu lumwenguni, yaa dza haya maisha ya Kirist̯o.

1 Yohana 5:14

Swiswi hunadzimukwat̯ya Muungu, kwa kwamba, huna hakika ya kwamba, hukimuyomba kiḍechonse kuuḅana na miroye, jeje anahusikia.