1 Yohana 3:1 - Pokomo

¹ T̯ayowani namuna ya huyu Baba ahutsakiyevyo! Matsakoye ni makuu hat̯a hunahanwa wana wa Muungu. Na ndivyo, hu wana wa Muungu ḍugha! Hawa walumwengu ntawahuimuke, kwa dzambo ḍya kwamba ntawadzamumanya Muungu.

1 Yohana 3:1 Iomraidhean Croise

Luka 20:36

Ntawakudzafwa kawii koro wadzawa dza malaika. Wanawa ni wana wa Muungu kwa kwamba wafufujwa kuyawa kwa wafu.

Yohana 1:12

Ela hawaḍe wonse wamupfokeeyeo, yani hawaḍe wamuhikiziyeo, kawapfa hachi ya kuwa wana wa Muungu.

Yohana 11:52

Na nkakut̯aḅiri kwamba Yesu anafwa kwa dzambo ḍya Wayahud̯i t̯u, ela pia kwa dzambo ḍya wana wa Muungu wonse wat̯amisaiyeo-t̯amisaiyeo ili awahendeze kuwa kintu kimodza.

Yohana 15:21

Haya haya yonse, wanayamuhendea kwa kwamba mu wantu wangu. Na wanayamuhendea kwa kwamba ntawamudzi huyu anihumiye.

Yohana 16:3

Wao wanamuhendea dza hivyo, kwa kwamba ntawanidzi mimi wala Baba.

Yohana 17:25

E Baba wiye muhachi, gula lumwengu ntajukudzi, ela mimi nikumanya. Na hawa wanafund̯i wangu wamanya kwamba ndiwe unihumiye.

Yohana 3:16

Koro Muungu kajutsaka lumwengu hat̯a kamuyavya Mwanawe madiani, ili kula amuhikiziye atsekwaara, ela awe na maisha ya kuunga na yuungo.

Warumi 5:8

Ela t̯ayowani namuna ya Muungu ahuyangiyevyo kwamba kahutsaka. Koro ingawa hwikiishi nabviseni, Kirist̯o kadza kafwa kwa dzambo ḍyehu!

Warumi 8:19

Koro kula kiumbe cha Muungu aumbiyecho chakuindiiyani na hamu muno hiyo hiyo nsiku ya Muungu adzeyowayanganya hawa wanawe.

Warumi 8:21

Na ndiyo maana nsiku modza viumbe vyonse navyo vidzapfonywa kuyawana na hu uhumwa wa kwamba ni had̯i vinangike, ili viweze kuupata hu uhuru wa mafara, wa hawa wana wa Muungu wadzeowa nao.

Warumi 8:32

Huyu Mwanawe jeje mwenye t̯u, Muungu nkakumuhofea, ela kamuyavya dza mvuugiya kwa dzambo ḍya nabvise zehu hwonse. D̯ubva ikiwa kwamba huyu Mwanawe t̯u, kamuhupfa dzevihivi, dze, nkawezi kuhupfa mema yonse hat̯a?

2 Wakorint̯o 6:18

Kawii, Ḅwana mwenye nguvu zonse kamba, “Mimi nawa baba jwenu, nanywi munawa wanangu wa kike na wa kiyume.”

Wagalatia 3:26

Nyonse mu wana wa Muungu kwa njia ya faro hariani mwa Kirist̯o Yesu.

Wagalatia 3:29

Na kwa kwamba mu wamodza na Kirist̯o, ḅasi mu wana wa Iburahimu, na mudzaipfokea hi ahad̯i aimuwekeeyo Iburahimu hangu iiḍe.

Wakolosai 3:3

Hiviḍe mwivyomukiishi d̯ura visakusiya, na sasa haya maisha yenu mapfya yaa kuzimuni mwa Kirist̯o eye pfamodza na Muungu.

1 Yohana 3:10

Ugaragara kahi ya wana wa Muungu na wana wa Shaat̯ani hunaumanya hidzaa: yuḍejwonse asiyehenda yeyo ya hachi, ambu yuḍejwonse asiyemutsaka ndugujwe, huyo si mwana jwa Muungu.

1 Yohana 3:2

Watsakwa, hi saasambi hu wana wa Muungu, ela ntavidzahuyangaiya ya kwamba hudzawa wantu ga. Humanyiyecho t̯u ni kwamba, *Kirist̯o adzepfokudza, hunawa dzae, kwa dzambo ḍya kwamba hunamuona jeje dza aivyo haswa!

1 Yohana 4:17

Maana ya matsako ya Muungu kungoreswa kuzimuni mwehu, ni kwamba, hutsekudzawa na oga nsiku ya kuhukumigwa wantu. Na ntahukudzawa na oga kwa kwamba haya maisha yehu humu lumwenguni, yaa dza haya maisha ya Kirist̯o.

Upfenuo wa Yohana 21:7

Kula ashindiye nayamumpa haya haya yonse. Muntu dzae, mimi mwenye nawa Muungujwe, nae anawa mwanangu.