1 Yohana 2:5 - Pokomo

⁵ Ela yuḍejwonse agijiye chuuwoche, matsako ya Muungu yangora hachi mojoni mwakwe! Na kwe hi njia ndipfo hwipfonamanya kwamba hwakuishini Muunguni.

1 Yohana 2:5 Iomraidhean Croise

Luka 11:28

Ela Yesu kamwambukuya kamwamba, “Tsekea kindindi nza hawaḍe weonasikia chuuwo cha Muungu na kuchigija.”

Yohana 14:21

Huyuḍe eyenahenda hayaḍe nimuamuriyeyo, huyo ndiye anitsakiye. Na kwa dzambo ḍya kwamba kanitsaka, Baba nae anamutsaka. Nami pia namutsaka, na nadziyanganya kwakwe.”

Yohana 14:23

Yesu kamwambukuya kamwamba, “Muntu akinitsaka mimi, anayagija haya mayongweezo yangu. Na muntu dzae, Baba anamutsaka. Na mimi na Baba hunahenda makao yehu kwakwe.

Yohana 15:5

Mimi ndimi hu muzabibu, nanywi ndinywi haya mahambi. Muntu akikaa kuzimuni mwangu nami nikikaa kuzimuni mwakwe, huyo anavyaa matunda ya kut̯osa. Koro pfasipfo mimi, muntu nkawezi kuhenda kintu.

Yohana 6:56

Kula eyenaḍya mwii wangu na kunwa mwazi wangu, anawa na uharia nami, nami nawa na uharia nae.

Warumi 8:1

Ndookomu sasa hawaḍe weokuishini hariani mwa Kirist̯o Yesu ntawawezi kuhukumigwa.

1 Wakorint̯o 1:30

Muungu ndiye ahungiziye hariani mwa Kirist̯o Yesu, huyu ahuyangiye mvidhyo ya Muungu. Kirist̯o ndiye ahupfiye kuhwajwa dza wantu wahachi ni Muungu. Ndiye ahupfiye kuwa wadheru na ndiye ahuwekeye huru.

2 Wakorint̯o 5:17

Muntu yuḍejwonse akinjia hariani mwa Kirist̯o, kagala kiumbe kipfya. Hayaḍe ya kae yasia, kunjia maisha mapfya.

2 Wakorint̯o 5:21

Kirist̯o nkakuhenda nabvise iḍeyonse, ela Muungu kamuhendeza kuwa mvuugiya ya nabvise zehu, ili kwamba, kwa njia ya Kirist̯o, Muungu ahuhendeze kuwa wadheru, dza vyakwe jeje aivyo mudheru.

Yakobo 2:22

Kwakuonani? Iburahimu ewa kamuserefat̯a Muungu chima cha kwamba, ewa t̯ayari kuhenda kiḍechonse cha Muungu amwambiiyecho. Ndookomu hi faroye ikamilika na haya mahendoye.

1 Yohana 3:24

Kula eyenagija amuri za Ḅwana, anawa na haria na Ḅwana na Ḅwana anawa na haria nae. Hunavimanyadze ya kwamba ana haria naswi? Hunavimanya na huyu Ruhu Mudheru amuhupfiye.

1 Yohana 4:17

Maana ya matsako ya Muungu kungoreswa kuzimuni mwehu, ni kwamba, hutsekudzawa na oga nsiku ya kuhukumigwa wantu. Na ntahukudzawa na oga kwa kwamba haya maisha yehu humu lumwenguni, yaa dza haya maisha ya Kirist̯o.

1 Yohana 4:18

Pfepfonawa matsako, oga ntauwepfo. Matsako yangoreyeo yanamuyavya muntu oga. Koro muntu akishooga hukumu, vinayanga wazi kwamba matsakoye ntayadzangora.

1 Yohana 5:2

Ikiwa kwamba humutsaka Muungu na huzigija hizi amuri zakwe, hunamanya hakika kwamba huwatsaka hawa wanawe.

1 Yohana 5:20

Na pia humanya ya kwamba huyu Mwana jwa Muungu kadza, na kahupfa kuimuka hupate kumumanya huyu Muungu jwa ḍugha. Naswi hwakuishini kuzimuni mwa huyu Muungu jwa ḍugha, koro hwaa kuzimuni mwa huyu Mwanawe, Yesu Kirist̯o. Na huyu ndiye huyu Muungu jwa ḍugha na ndiye eye na haya maisha ya kuunga na yuungo.

2 Yohana 1:6

Haya matsako niyokunenani ni kwamba, ni had̯i huzigije hizi amuri za Muungu. Na dza musikiiyevyo hangu ḍabvu, hi amuri yakwe ni hii ya kwamba, muishi maisha ya matsako.

Upfenuo wa Yohana 12:17

Ndookomu hiḍiḍe ḍyoka ḍimurejea huyuḍe muke muno na ḍihuna kwendajwana na hawa wana wangine wa huyuḍe muke. Hawa ni hawaḍe weonaziuḅa hizi sharia za Muungu na kuyavya ushuhuḍa dzuu ya Yesu.

Upfenuo wa Yohana 14:12

Kwa hali dzehii, hawa wantu wa Muungu weonaziuḅa sharia zakwe na wagijiyeo kumuserefat̯a Yesu, wanamala kuwa wantu wa kuit̯isa.