1 Yohana 2:21 - Pokomo

²¹ Sikwakumworeani kwa dzambo ḍya kwamba ntamuidzi hi hachi, ela nyakumworeani kwa dzambo ḍya kwamba muimanya, na pia, mumanya ya kwamba pfepfo hachi nsuwe inadzikemba.

1 Yohana 2:21 Iomraidhean Croise

Yohana 18:37

Nae Pilato kamuuza kamwamba, “Kwa hivyo wewe u haju?” Yesu kamwambukuya kamwamba, “Wewe kuvinena na kanwako mwenye! Mimi nidza nivyajwa lumwenguni niisumwiiye hi hachi. Na kula aitsakiye hi hachi, ananisikia.”

Yohana 8:44

Nywinywi mwa dza huyu baba jwenu Shaat̯ani. Mutsaka kuhenda haya mazuka ya huyu baba jwenu eyonahenda. Jeje Shaat̯ani, ni muyaji hangu ḍabvu na kaikeva hi hachi, koro jeje katsaka nsuwe meshi. Na epfonanena nsuwe anawa kakuyangani hivi aivyo, koro jeje ni munsuwe na ni baba jwa wansuwe.

Yakobo 1:19

D̯ubva wandugu zangu watsakwa, kula mumodza jwenu nawe mupesi jwa kusikiiya, ela natseewa muharaka jwa kut̯amuka ambu jwa kudzirejea ḅasi ḅasi.

2 Pet̯ero 1:12

Ndiyo maana nisiyoyatsa kumukumbusya kawii na kawii dzuu ya haya haya mambo, ingawa muyamanya, na muigija na mikono miwii hi hachi muisumwiijweyo.

1 Yohana 3:19

Hukihenda hivi, ndipfo hudzepfomanya hakika ya kwamba hu wantu wa hi hachi, na ntahuwe na oga usoni kwa Muungu.

Yud̯a 1:5

Natsaka kumukumbusya kwamba ingawa Ḅwana ewa kakipfonya kyeet̯i cha Muisiraeli kuyawa Misiri, ḅaad̯aye kadza kawananga-nanga hawaḍe wonse wayatsiyeo kumuserefat̯a. Gula nimanya ya kwamba haya haya ni mambo muyamanyiyeyo urembo muno, ela nikitsaka kumukumbusya t̯u.