1 Yohana 2:18 - Pokomo

¹⁸ Wanangu watsakwa, nsiku za mwiso zimaawa hafufi. Mwiisikia kwamba kujwakudza Mupfinga Kirist̯o! Ne saasambi kwisakut̯upuka wapfinga Kirist̯o wenji na wenji. D̯ubva haya haya yakuhuyangani kwamba nsiku za mwiso zaa hafufi.

1 Yohana 2:18 Iomraidhean Croise

Matayo 24:11

Hizo hizo ngera kudzat̯upuka manabii wa nsuwe wenji na wenji, na wadzawaarya wantu wenji.

Matayo 24:24

Koro kudzat̯upuka manabii wa nsuwe na wantu wadzeodzihana Kirist̯o. Wadzahenda mafara ya kumakisa na kuyanga vihambwiizo garagara, ili t̯ambere indewezekana waweze kuwaarya hat̯a hawa watsanwa wa Muungu.

Matayo 24:5

Koro wenji wadzadzifwariza kudza kwa sari ḍyangu wakyamba, ‘Mimi ndimi huyu *Masiya.’ Nao wadzawaarya wantu wenji muno.

Marko 13:6

Koro wenji wadzadzifwariza kudza kwa sari ḍyangu wakyamba, ‘Mimi ndimi huyu *Masiya.’ Nao wadzawaarya wantu wenji muno.

Yohana 21:5

Yesu kawakulisa na kawamba, “Wanangu, ntamudzagiza visembe hat̯a?” Nao wamwambukuya wamwamba, “Moro, ntahudzagiza kintu.”

Warumi 13:11

Hendani hivi mukimanya kwamba sasa hwaa ngera ga. Hizi ni ngera za kwamba muyamuke na sinzizini, kwa kwamba hi nsiku ya Muungu ya kuhupfonya, sasa imaawa hafufi kuchia hiviḍe ivyokuwa, hwipfomuhikiza *Kirist̯o.

Warumi 13:12

Hu siku umakuchiani na hi nsi imakuchani. Dza vivyo, hi hii ngera ya mambo mazuka mazuka imakuchiani, na Kirist̯o kamaawa hafufi kuuja. D̯ubva nahuyatseni kuhenda mambo ya kiza na hutsukuye vyeera vya kuhuwezesa kujwania muyangani.

Waeburania 1:2

Ela hizi hizi nsiku, ziizo nsiku za mwiso, Muungu kakunenani naswi kuchiiya na kwa Mwanawe. Hangu lumwengu ntajudzaumbwa, Muungu kamutsana kudzamumpa kula kintu kiwe chakwe, na kajuumba huju lumwengu kuchiiya na kwa huyu huyu Mwanawe.

1 Pet̯ero 1:20

Eetsanwa ni Muungu hangu kae, kaḅila kuumbwa kwa lumwengu, ela kayanganywa hizi hizi ngera za mwiso kwa dzambo ḍyenu.

1 Pet̯ero 1:5

Kwa dzambo ḍya kumuserefat̯a kwenu, Muungu kakumwamiani na uwezowe, hat̯a saa kudzepfokudza hu mupfonyo wiwo hafufi kuyanganywa kwenu ngera za mwiso.

1 Pet̯ero 4:7

Mwiso wa lumwengu umaawa hafufi. Ndookomu ni had̯i muzigwaze akili zenu na muwe wantu wa kudzimiza ili muweze kukaa na kuyomba.

2 Pet̯ero 2:1

Dza kwivyokuwa na manabii ya nsuwe kahi ya wantu wa Muungu ngera zichiiyezo, ndivyo kudzevyot̯upuka waalimu wa nsuwe kahi yenu. Wadzadzinyeeza na mayongweezo ya nsuwe ya kumwaarya. Na wadzamukana huyu Ḅwana awapfonyeye nabviseni mwao. Ndookomu Muungu nkat̯owainda, kadzawahukumu vyumuni.

2 Pet̯ero 3:3

Cha d̯ura ni had̯i muimuke kwamba ngera za mwiso kudzawa wantu wabalifit̯u, weonat̯awaligwa ni t̯amaa zao t̯u. Wadzamunonza

1 Yohana 2:22

Mani d̯ubva ayu muntu munsuwe ni ga? Ni huyu eyenakwamba Yesu siye huyu *Masiya. Na muntu dzae ni mupfinga Kirist̯o, koro kakumukanani Baba na Mwanawe.

1 Yohana 4:1

Watsakwa, namutsemuhikiza kula muntu eyenakwamba ana Ruhu. Ishinu waḍemeni nguzi muwaone kwamba huyu ruhu jwao weyenae njwa Muungu ḍugha ambu hat̯a. Koro humu lumwenguni, kwisakuhandaiya manabii wa nsuwe wenji na wenji.

1 Yohana 4:3

Ela yuḍejwonse ambiye Yesu Kirist̯o nkakudza dza mwanaad̯amu, huyo nka Ruhu jwa Muungu. Hiyo ni ruhu ya mupfinga Kirist̯o. Muisikia kwamba ijwakudza, na hi hii saasambi imaawa humu lumwenguni.

2 Yohana 1:7

Humu lumwenguni kuhika waalimu wenji na wenji weo na makulekule. Hawa ni wantu weokudzizani kuhikiza ya kwamba Yesu *Kirist̯o kadza dza mwanaad̯amu. Wantu dzao ni wapfinga Kirist̯o na ni wantu weonakulakula.

Yud̯a 1:18

Wamwamba, “Ngera za mwiso kudzawa na wantu weo na baladha weonat̯awaligwa ni t̯amaa zao nzuka nzuka pfasipfo hat̯a kumushooga Muungu.”