1 Yohana 2:12 - Pokomo

¹² Nyakumworeani nywinywi wanangu, koro nabvise zenu muziyatsijwa kwa dzambo ḍya Kirist̯o.

1 Yohana 2:12 Iomraidhean Croise

Luka 24:47

Na kwa sariḍye, haya Maagu ni had̯i yasumwiijwe kwa vyeet̯i vyonse vya lumwengu, yakiḍabva na Yerusalemi. Na haya maagu ni kwamba, wantu wapfyehuze mama na Muungu anawayatsia nabvise zao.

Luka 5:20

Yesu epfoona faro yao, kamwamba huyu ahinamfiye, “Ḅamu jwangu, nabvisezo kuziyatsijwa.”

Mahendo 10:43

Manabii wonse wanena dzuuye, kwamba kula muntu amuserefat̯iye anayatsijwa nabviseze kwa nguvu za sariḍye.”

Mahendo 13:38

Wandugu zangu, ni mumanye tswee kwamba mwakusumwiijwani haya maagu ya mayatsiyo ya nabvise kwa njia ya Yesu. Ni mumanye ya kwamba kula muntu amuhikiziyee anayatsijwa nabviseze zonse na anawa muhachi usoni kwa Muungu. Dzambo ḍya kwamba hi Sharia ya Musa ntaindeweza kuḍihenda.

Mahendo 4:12

Mupfonyo ntaupatikane kwa yuḍejwonse yungine lamud̯a kwakwe jeje heket̯u. Koro lumwengu yuzima, ntaku yuḍejwonse yungine jwa Muungu ayavize sariḍye kuwa Mupfonyo wehu.”

1 Wakorint̯o 6:11

Na hivi ndivyo vya wangine wenu mwivyokuwa. Ela sasa mudhereswa nabvise zenu, mugala wadheru wa Muungu, na Muungu kakumuhwaani kuwa wantu wahachi kwa sari ḍya Ḅwana Yesu *Kirist̯o na kwa nguvu za Ruhu jwa Muungu jwehu.

Waefeso 1:7

Muungu kahukombowa na mwazi wa Kirist̯o ehiyeo epfofwa muhini mwa mpatsa na kahuweka huru. Yani kahuyatsia nabvise zehu. Na kwa hi hii njia, Muungu kahuyanga namuna aivyo mut̯ei kwehu

Waefeso 4:32

Ishinu wani wantu wa kuhendea wenzenu mema na muwe wat̯ei kwa wangine. Wani wantu wa kuyatsiana dza vya Muungu amuyatsiiyevyo kuchiiya na kwa Kirist̯o.

Wakolosai 1:14

Kuchiiya na kwa mwazi wa huyu Mwanawe, Muungu kahukombowa kuyawana na uhumwa wa nabvise, na kahuyatsia nabvise zehu.

1 Yohana 1:4

Hwakumworeani hivi, ili kwamba mukiviuḅa, myojo yehu inapata kutsaika.

1 Yohana 1:7

Ela hukiishi muyangani dza hivi vyakwe aivyo muyangani, hunawa na kuhariana swiswi na swiswi. Na mwazi wa Yesu, Mwana jwa Muungu, unahudheresa nabvise zehu zonse.

1 Yohana 1:9

Ela hukidzit̯olela nabvise zehu kwa Muungu, anahuyatsia nabvise zehu na kuhudheresa na mazuka yehu yonse, koro jeje ni muhikizika na muhachi.

1 Yohana 2:1

Wanangu watsakwa, nyakumworeani hivi mupate kutsahenda nabvise. Ela ikiwa kwamba yuḍejwonse kahenda nabvise, huna muntu jwa kuhunenea kwa Baba. Huyu ni Yesu *Kirist̯o, eye muhachi.

1 Yohana 2:21

Sikwakumworeani kwa dzambo ḍya kwamba ntamuidzi hi hachi, ela nyakumworeani kwa dzambo ḍya kwamba muimanya, na pia, mumanya ya kwamba pfepfo hachi nsuwe inadzikemba.

1 Yohana 2:7

Watsakwa, hi amuri niyokumworeani si amuri mpya hat̯a, ni iiḍe amuri ya kae mwiyokuwa nayo hangu iiḍe. Hi hii amuri, ni haya maagu ambayo mwisakusumwiijwa.