1 Wakorint̯o 9:1 - Pokomo

¹ Munamba mimi sikwaa muntu huru hat̯a? Ambu munamba mimi sikwaa *ntumi hat̯a? Ayu Yesu Ḅwana jwehu, mimi sikumuona hat̯a? Dzaambia, nanywi nywinywi wenye, ntamukwaa matunda ye kazi yangu nimuhendeeyo Ḅwana?

1 Wakorint̯o 9:1 Iomraidhean Croise

Mahendo 13:2

Wepfowakimuyomba Ḅwana na kufunga, Ruhu Mudheru kawamba, “Munitsaniyeni Baranaba na Sauli, kuhenda hi kazi niwahaniiyeyo.”

Mahendo 14:14

Baranaba na Paulo wepfoona haya ya hawa wantu weyowakitsaka kuhenda, waziḅaa hizi nguo zao na wad̯aramia humu mwa hi t̯ut̯a wakiḅaa madzwi wakyamba,

Mahendo 14:4

Hawa wantu wa humu mudzini waḅaikana vit̯aro viwii. Wangine wewa ḍanda ya hawa Wayahud̯i na hawa wangine wewa ḍanda ya hawa ntumi.

Mahendo 23:11

Huḍe sikuwe Ḅwana kasumama hafufi na Paulo na kamwamba, “Dzipfe mojo! Dzevi usumwiiyevyo dzuu yangu hapfa Yerusalemi, ni had̯i Rumi nako wende ukahende dzevi.”

Mahendo 9:15

Kenge Ḅwana kamwambia Anania, “Enda t̯u koro nimutsana kwa kazi ya mud̯a, aḍihendeze sari ḍyangu ḍimanyikane kwa wantu wa vyeet̯i na kwa mahaju, na kwa wantu wa Isiraeli.

Mahendo 9:17

D̯ubva, Anania kenda kanjia humuḍe nyumbani, na kamuwekea mikono Sauli. Kamwamba, “Ndugu Sauli, Ḅwana kanihuma, Yesu mwenye akut̯upukiyee humu njiani wipfokuwa kudzani hapfa. Kanihuma ili upate kuona kawii na kudzazwa Ruhu Mudheru.”

Mahendo 9:3

Kenge humu njiani, epfokuwa hafufi na Damasiko, ḅwikira kumwala muyanga na yuwinguni, umuyangaiyeo ḍanda zonse.

Mahendo 9:5

Sauli kauza kamba, “Ndiwe ga, Ḅwana?” Hiḍi idzwi ḍimwamba, “Ndimi Yesu wiyekunionesani tsungu.

Warumi 1:1

Mimi Paulo, niiye muhumisi jwa *Kirist̯o Yesu, nyakumworeani nywinywi wantu wa Rumi mwiwo wahikiza. Muungu kanitsana dza *ntumi jwa Kirist̯o na kanimpa kazi ya kusumwiiya *Maagu Mema yakwe.

Warumi 1:5

Kuchiiya na kwa Yesu, Muungu kanivodhya niwe ntumi jwakwe, ili kwa dzambo ḍyakwe niwahendeze wantu wonse wasiokuwa Wayahud̯i wamuhikize na kumut̯ii jeje.

Warumi 11:13

Sasa nyakunenani nanywi nywinywi wantu musiokuwa Wayahud̯i. Muungu kanihuma niwe *ntumi kwa wantu wa vyeet̯i. Ndookomu nadzivunia muno hi kazi ya Muungu eyokuhendani kwa kunitumia mimi.

1 Wakorint̯o 1:1

Mimi Paulo nitsanijwee kuwa *ntumi jwa Yesu *Kirist̯o kwa miro ya Muungu, pfamodza na ndugu Sositene,

1 Wakorint̯o 10:29

Si kwa dzambo ḍya hi nia yako wewe, ela kwa dzambo ḍya hi nia ya huyu akwambiiye. Muntu anaweza kuuza ambe, “Hivi hivi nagijika-gijika kuhenda nivyonatsaka kwa dzambo ḍya nia ya muntu yungine kuna?

1 Wakorint̯o 10:30

Ikiwa kwamba mimi namuyaviza ḍuḍa Muungu kwa hichi chakuḍya nichonaḍya, muntu anawezadze kunialat̯a kwa dzambo ḍya chakuḍya nichonamuyavia Muungu ḍuḍa?”

1 Wakorint̯o 11:16

Ela muntu akiwa na yuḍaat̯o dzuu ya haya, swiswi na haya matsanganiko ya Muungu ntahudzi ad̯a ingine ya mayombo.

1 Wakorint̯o 3:6

Mimi niihodza hi mbeju, Apolo kaihiiya madzi ela Muungu ndiye aihendezeye ikimea.

1 Wakorint̯o 9:19

Mimi ni muntu niye huru, sikwaa muhumwa jwa muntu. Ela nadzihendeza muhumwa jwa kula muntu ili niweze kuwanuha wantu wenji mala ya kut̯osa kwa Kirist̯o.

2 Wakorint̯o 10:7

Nywinywi munayahwaa mambo kidzuu-dzuu. Ikiwa kwamba muntu kadziona kwamba jeje njwa Kirist̯o, navit̯arie urembo, na anaona kwamba naswi hu wantu wa Kirist̯o dzae.

2 Wakorint̯o 11:5

Nimanya ya kwamba mimi nina maana kuchia hawa ntumi wenu mwiwonawahwaa kuwa na maana muno.

2 Wakorint̯o 6:1

Swiswi hu wahenda kazi pfamodza na Muungu, ndookomu hwakumuyombani mutseyayatsa haya matsako ya Muungu amuyangiyeyo, yende ḅasi.

Wagalatia 1:1

Mimi Paulo, niiye *ntumi, pfamodza na hawa wandugu wonse weo pfamodza nami hapfa, hwakumworeani nywinywi wahikiza wa matsanganiko ya ḍyimbo ḍya Galatia. Humukedhya nto! Muungu Baba na Ḅwana jwehu Yesu Kirist̯o nawamuvodhye na kumumpa naghea nto. Ntaku benaad̯amu wala muntu yuḍejwonse anitsaniye mimi kuwa ntumi. Ela Yesu Kirist̯o na Muungu Baba, huyu amufufwiiye Yesu kuyawa kwa wafu, ndiye anitsaniye mimi kuwa ntumi.

Wagalatia 5:1

*Kirist̯o kahuweka huru hupate kutsaishi dza wahumwa. D̯ubva ni musumame urembo, na mutseishi dza wahumwa kawii.

1 Watesalonike 2:6

Swiswi ntahukudzilachia kushad̯wa ndinywi ambu muntu yungine yuḍejwonse.

1 Timoteo 2:7

Ndiyo maana nitsanijweyo dza *ntumi na mwaalimu jwa wantu wa vyeet̯i vingine, niwasumwiiye haya maagu ye faro ya hachi. Na haya niyokunenani ni ḍugha, si nsuwe hat̯a!

2 Timoteo 1:11

Muungu kanitsana mimi dza ntumi, nisumwiiye na kuyayongweeza haya Maagu Mema.