1 Wakorint̯o 7:11 - Pokomo

¹¹ Ela ikiwa kwamba kayawana nae, ni atsehwajwa, ambu sivyo auje kwa muumewe. Na huyu muyume nae nka ruhusa ya kumuyatsa mukaziwe.

1 Wakorint̯o 7:11 Iomraidhean Croise

Matayo 5:32

Ela mimi nyakumwambiani kwamba, kula amuyatsiye mukaziwe kwa tsowa ḍingine ḍiḍeḍyonse, isipfokuwa kwa tsowa ḍya kumugija na muyume yungine, anawa kwamba kamuhendeza mukaziwe anjie rangani ikiwa kwamba kahwajwa ni muyume yungine. Na yuḍejwonse adzeyemuhwaa huyo muke, nae pia anawa kanjia rangani.”

Marko 10:12

Dza vivyo, muke akimuyawa muumewe na akihwajwa ni muyume yungine, nae pia anawa kwamba kanjia rangani.”

Marko 10:2

*Mafarisayo wangine wamwendea na wekitsaka kumulevya na swali. D̯ubva wamuuza wamwamba, “Ḅwana, ai *Sharia ya Musa inamuruhusu muntu kumuyatsa mukaziwe?”

Luka 16:18

Kula amuyatsiyee mukaziwe na akihwaa muke yungine, huyo anawa kwamba kanjia rangani. Na yuḍejwonse ahwaiye muke ayatsijwee ni muumewe, nae pia anawa kwamba kanjia rangani.”

1 Wakorint̯o 7:10

Hawa wahwaananiyeo nyakuwapfani hi amuri hi (si yangu, nza Ḅwana): Muke ahwaijwe nka ruhusa ya kuyawana na muumewe.

1 Wakorint̯o 7:12

Hawa wangine nichokuwambiani (mimi si Ḅwana) ni hichi: Muyume Mukirist̯o akiwa na muke mulumwengu akuḅaliye kuishi nae, huyu muyume ni kutsamuyatsa huyu muke.