1 Wakorint̯o 4:9 - Pokomo

⁹ Koro vinikaiya dza kwamba, Muungu kahuweka swiswi *ntumi dza wantu wa nsii wa mwiso, huhukumijweo kufwa. Hwakuhwajwani dza mutsezo wa kuyojwa hukwakufwani. Hwakuyojwani ni lumwengu yuzima, hangu malaika hat̯a benaad̯amu.

1 Wakorint̯o 4:9 Iomraidhean Croise

Mahendo 19:29

Mudzi wonse unjia chuluwanyiko. Hawa wantu wamugija Gayo na Arisitako, Wamakedonia wawii weokuwa charoni pfamodza na Paulo na wenda nao kivuro cha mitsezo kwa uwamba.

Mahendo 19:31

Hat̯a wayongozi wangine wa hiḍi ḍyimbo weokuwa waḅamuzwe, nao wamupfiikia ḍaamisa ya kumusosobva atsekwenda hukuḍe kwa hichi kivuro cha mitsezo.

Warumi 8:36

Koro hat̯a haya matsoro yamba, “Kula nsiku hwaa hat̯arini ya kutsaka kuyagwa kwa dzambo ḍyako. Wantu wanahuhwaa sawa sawa na mbuzi za hako zizokupfiikwani kutsinzwani.”

1 Wakorint̯o 15:19

Ikiwa kwamba madzikwat̯yo yehu kwa Kirist̯o yana maana kwa haya maisha ye saasambi ḅasi, d̯ubva swiswi hu wantu hwiwo t̯ei wa mwiso kuchia wantu wangine wonse.

2 Wakorint̯o 11:23

Wakyamba wao ni wahumisi wa Kirist̯o, mimi ni muhumisi mwema zaid̯i kuwachia wao. Gula nyakunenani dza muntu jwa mat̯are, ela ikiwa kwamba ni kazi nyumu nyumu, nizihenda kuchia chima. Ikiwa kwamba ni kungizwa gerenzani, ningizwa myeedha minji kuchia chima. Ikiwa kwamba ni kubigwa na lucha, nibigwa myeedha minji zaid̯i kuwachia wao. Na ikiwa kwamba ni kusaa kuyagwa, nisaa kuyagwa myeedha minji zaid̯i kuwachia wao.

2 Wakorint̯o 6:9

Hunahwajwa dza wantu husiwomanyikana na huku wantu wonse wahumanya. Hunanjia hat̯ari ya kufwa kut̯wa, ela dza mwivyokuhuonani, amaale hwa mojo. Kubigwa hubigwa, ela ntahukufwa.

1 Watesalonike 3:3

na wala mutsesukuswa ni hizi d̯ina mwizokukuntiswani. Koro nywinywi wenye, mumanya kwamba, ni had̯i swiswi Wakirist̯o hukuntiswe d̯ina dzezohizo.

Waeburania 1:14

Mani d̯ubva awa malaika mbwa? Wao ni ruhu zizonamuvunzia nkuhi Muungu na zizonahumwa kuwahumikia hawaḍe wa Muungu adzeopfonya.

Waeburania 10:33

Myeedha ingine mwitsezejwa kacha ya wantu na kukuntiswa d̯ina, na myeedha ingine mwikigijana na hawaḍe wantu weowakihendegwa mambo dzayo.

Waeburania 11:36

Wantu wangine wabigwa na kutsezejwa, na wangine wafungwa na minyoro na kungizwa magerenzani.