1 Wakorint̯o 4:10 - Pokomo

¹⁰ Swiswi, hunahwajwa dza maḍyura kwa dzambo ḍya Kirist̯o, ela anywi mu makaro hariani mwa Kirist̯o! Swiswi ntahu nguvu, ela anywi zimudzaa t̯ipu! Nywinywi mwakuhilwani, ela aswi hwakubalifigwani!

1 Wakorint̯o 4:10 Iomraidhean Croise

Matayo 24:9

Makisa mudzagijwa na kukuntiswa d̯ina na kuyagwa. Lumwengu yuzima judzamukeva kwa dzambo ḍyangu.

Matayo 5:11

Mudzawa na tsekea iyodze, nywinywi mukitsolwa ni wantu, na kukuntiswa d̯ina na kunenejwa kula aina ya nsuwe kwa dzambo ḍyangu.

Luka 10:16

Makisa Yesu kanena na wanafund̯iwe kawamba, “Yuḍejwonse adzeemuhikiza nywinywi, kanihikiza mimi. Na yuḍejwonse adzeemudziza nywinywi, kanidziza nami. Na kula anidzizie mimi, kamudziza huyuḍe anihumiye.”

Luka 18:9

Makisa Yesu kawambia na inganyo wantu wadziserefat̯iyeo kwamba ni wahachi, na wabalifiyeo wangine.

Luka 6:22

Mudzawa na tsekea iyodze, nywinywi mukikevegwa ni wantu na kujibat̯wa na hat̯a kutsolwa na kwambigwa kwamba mu wazuka kwa dzambo ḍya kunihikiza mimi Mwana jwa Ad̯amu!

Mahendo 17:18

Waalimu wangine weonahanwa *Waepikuro na *Wasitoiko nao pia waḍaat̯iana nae. Wangine wamba, “Ḍyakunenani, aḍi karachacha aḍi?” Wangine wamba, “Kaa dza kwamba kakunenani dzuu ya miungu migeni.” Wanena dza hivi kwa dzambo ḍya kwamba Paulo ekisumwiiya dzuu ya Yesu na ufufuo.

Mahendo 17:32

Wepfomusikia Paulo akihadza mambo ya kufufuka kwa wafu, wangine wamubaladhaiya, ela wangine wao wamba, “Hunatsaka uhusumwiiye haya mambo kawii.”

Mahendo 26:24

Paulo kadzihehea dza hivi hat̯a ikifika pfantu Festo kamukelelea kamwamba, “Paulo, una mat̯are wewe? Huko kusoma kwako kwinji t̯o kwakukuyavyani kitswa!”

Mahendo 9:16

Na mimi mwenye namuyanga menji yadzeyomumala kukuntiswa d̯ina kwa dzambo ḍyangu.”

1 Wakorint̯o 1:21

Koro Muungu, kwa mupangowe mwenye, kavihendeza vitsewezakana kwa wantu kumumanya kwa njia ya mvidhyo yao ya kilumwengu. Ishinu, Muungu kahuna kuwapfonya hawaḍe weonahikiza, kwa njia ya haya maagu hwiyonasumwiiya, ya wangine weyonakwamba nza uḍyura.

1 Wakorint̯o 1:23

Ela swiswi hwakusumwiiyani dzuu ya Kirist̯o, apfatsikijwe muhini mwa mpatsa. Na hiḍi hiḍi dzambo, kwa hawa Wayahud̯i ni t̯ukio, na kwa wantu wasiokuwa Wayahud̯i ni uḍyura muhupfu.

1 Wakorint̯o 1:25

Koro chichonahwajwa dza uḍyura wa Muungu kina maana zaid̯i kuchia umanyi wa kibenaad̯amu. Na chichonahwajwa dza udhaifu wa Muungu, kina nguvu zaid̯i kuchia nguvu za mwanaad̯amu.

1 Wakorint̯o 10:12

D̯ubva, yuḍejwonse adzionee kwamba kasumama imara, nat̯unze atsekudzagwa.

1 Wakorint̯o 2:14

Ela muntu asiyekuwa na huyu Ruhu anazidziza hizi t̯ola zizonayawa kwa Ruhu jwa Muungu. Kwakwe haya haya ni uḍyura muhupfu, na nkayaimuke, kwa dzambo ḍya kwamba yanaimukika kwa ugijo wa Ruhu t̯u.

1 Wakorint̯o 2:3

Na nipfokudza kwenu, nidza ninkiwa nguvu zinisia, na nidza huku nikikuka kuhehema na oga.

1 Wakorint̯o 3:18

Muntu natsedzikulakula. Ikiwa kwamba yuḍejwonse kahi yenu kakudzihwaani dza karo jwa huju huju lumwengu, nadzihendeze ḍyura apate kuwa karo jwa ḍugha.

1 Wakorint̯o 3:2

Iwa ni had̯i nimumpe maziwa, nitsemumpa chakuḍya chumu chumu, koro mwiiwa ntamudzafika kuḍya chakuḍya chumu chumu. Na hat̯a saambi ntamudzafika kuḍya chakuḍya dzacho.

1 Wakorint̯o 4:8

Mwakut̯arani ya kwamba mumaawa na kula kintu mwichonatsaka! Mwakut̯arani ya kwamba mumaawa majabva! Mwakut̯arani ya kwamba mumaawa mahaju, hat̯a ingawa si pfamodza naswi! Bo, ni mala ya kwamba muweye mahaju ḍugha ili naswi hupate kut̯awala pfamodza nanywi!

2 Wakorint̯o 10:10

Koro wangine wanakwamba, “Ḅaruwa za Paulo ni nkali nkali na zina vyuuwo viziho viziho, ela jeje mwenye nka mwii wa maana na wala nka ud̯ubat̯a eo nao!”

2 Wakorint̯o 11:19

Nywinywi wenye mwakuit̯isani kusikiiya maḍyura, koro mu makaro muno!

2 Wakorint̯o 11:29

Muntu akisiijwa ni nguvu za kiruhu, nami pia nadziona si nguvu. Muntu akigwa nabviseni, mimi nanjijwa ni tsungu.

2 Wakorint̯o 13:9

Swiswi hwipfonatsowa nguvu nanywi mukiwa nazo, swiswi hunatsekea. Ndookomu hwichonamuyombea ni kwamba muweze kuwa warongaaro kawii.

2 Wakorint̯o 4:12

Swiswi hwakuuḅwani-uḅwani ni kufwa kwa dzambo ḍya kumusumwiiya nywinywi, ela kwenu nywinywi hiḍi hiḍi ḍinamumpa maisha ya kiruhu.

2 Wakorint̯o 6:8

Wantu wangine wanahunenea mema na wangine wakahunenea mazuka; wangine wanahuḍya na wangine wakahushad̯a. Hunakwambigwa hu wansuwe na huku hwakunenani hi ya hachi.

1 Watesalonike 4:8

D̯ubva, muntu akiyadziza haya haya mayongweezo, nkakwakudzizani mayongweezo ya benaad̯amu, kakudzizani mayongweezo ya Muungu mwenye. Na Muungu ndiye ahupfiye huyu Ruhu Mudheru jwakwe.

1 Pet̯ero 4:14

Munapata mvoni iyodze, mukitsolwa kwa dzambo ḍya kumuhikiza Kirist̯o, koro Ruhu ya marembo ya Muungu yaa pfamodza nanywi!