1 Wakorint̯o 3:5 - Pokomo

⁵ Hivi ami na aḍe Apolo munamba hu aḍe ga? Swiswi hu wahumisi t̯u wa Muungu humuhendezeyeo mukihikiza. Kula mumodza jwehu kakuhendani hi kazi ya Ḅwana amumpiyeyo.

1 Wakorint̯o 3:5 Iomraidhean Croise

Matayo 25:15

na kamugawia kula mumodza kuuḅana na uwezowe. Mumodza kamumpa t̯alant̯a nsano za fwedha, yungine kamumpa t̯alant̯a mbii na huyu jwa hahu kamumpa t̯alant̯a modza. Makisa jeje kanuka kagonzowa.

Luka 1:2

Wora dza hiviḍe husumwiijwevyo ni hawaḍe wayaoneyeo haya mambo yakwakuhendekani hangu ḍabvu. Hawaḍe wayaoneyeo ndiwo wawaḍe wantu wadziyeo wakilalabva haya maagu.

Yohana 3:27

Yohana kawambukuya kamba, “Muntu nkawezi kuhenda kintu ikiwa kwamba nkakuwezeswa ni Muungu.

Mahendo 18:24

Zizo ngera, Muyahud̯i mumodza eyeakihanwa Apolo, avyaijwe Alekizandaria, kadza Efeso. Ewa d̯ubat̯a jwa kunena na muntu ayamanyiye haya matsoro urembo muno.

Mahendo 19:1

Apolo epfokuwa Korint̯o, Paulo ekichia na ḍyimbo ḍya Asia. Kenda na gubani hat̯a kafika Efeso. Hukuḍe kenda kakumpwiiya wahikiza,

Warumi 15:16

kanimpa hi hii kazi ya kuwa muhumisi jwa Kirist̯o Yesu, kuwahumikia wantu wasikwaa Wayahud̯i. Nami nikwakusumwiiyani haya *Maagu Mema ya Muungu, nawa kwamba nyakuhendani kazi ya kikohani. Nahenda hivi ili wantu wa vyeet̯i vingine nao wakuḅalike usoni kwa Muungu, dza hiviḍe vya Muungu evyonakuḅali mvuugiya ya kutsomwa iyonayavigwa ni *mukohani. Na Muungu anawapfa Ruhu Mudheru jwa kukaa kuzimuni mwao na kuwadheresa.

1 Wakorint̯o 12:28

Humu tsanganikoni, Muungu katsana wantu. Wa d̯ura ni hawa *ntumi, wa pfii ni hawa weonasumwiiya Maagu ya Muungu, na wa hahu ni hawa waalimu. Kisa kuna na wahenda mambo ya mafara, wakiuḅwa ni hawaḍe weo na mat̯ola ya kupfoza wajwazi na hawaḍe weonaweza kusaiḍia wasiodziweza. Kisa kuna na hawaḍe weo na mat̯ola ya kusumamia wantu na hawaḍe weonaweza kunena na lugha ngeni.

1 Wakorint̯o 16:12

Na dzuu ya ndugu Apolo, ni hivi: Mala nineneyeo nae agijane na hawa wandugu wadze kwenu, jeje nkakutsaka kudza hi hii saasambi. Ela akipata namfasi anakudza.

1 Wakorint̯o 3:10

Kwa ubyeka wa Muungu animpiyeo, nihenda kazi ya byeka jwa kumbaka na niweka musinji, na wantu wangine wakumbakani dzuu ya hu huu musinji. Ela kula mumodza nat̯unze namuna evyokumbakani.

1 Wakorint̯o 3:22

hangu Paulo, Apolo na Pet̯ero, huju lumwengu, kuishi na kufwa, haya maisha ye saasambi na yadzeyokudza, yonse haya nzenu,

1 Wakorint̯o 3:7

Huyu muntu jwa kuihodza hi mbeju na huyu jwa kuihiiya madzi ntawa mud̯a hat̯a. Jwa mud̯a ni Muungu, eyenaihendeza hi mbeju imeye.

1 Wakorint̯o 9:17

Koro t̯ambere hi hii kazi nindeewa nyakuihendani kwa kutsaka kwangu, nindeewa na hachi ya kuipfwa; ela si kwa kutsaka kwangu mwenye, ni kazi Muungu kainimpa.

2 Wakorint̯o 11:23

Wakyamba wao ni wahumisi wa Kirist̯o, mimi ni muhumisi mwema zaid̯i kuwachia wao. Gula nyakunenani dza muntu jwa mat̯are, ela ikiwa kwamba ni kazi nyumu nyumu, nizihenda kuchia chima. Ikiwa kwamba ni kungizwa gerenzani, ningizwa myeedha minji kuchia chima. Ikiwa kwamba ni kubigwa na lucha, nibigwa myeedha minji zaid̯i kuwachia wao. Na ikiwa kwamba ni kusaa kuyagwa, nisaa kuyagwa myeedha minji zaid̯i kuwachia wao.

2 Wakorint̯o 3:3

Nywinywi muyanga kwamba mwaa dza ḅaruwa yorejweyo ni *Kirist̯o ahupfiyeyo swiswi huiyavye. Na ntaikworegwa viḍyaeni na wino, ela yoregwa ni Kirist̯o myojoni mwa wantu kwa njia ya huyu Ruhu jwa Muungu eye mojo.

2 Wakorint̯o 3:6

Jeje ndiye ahuwezesee kuwa wahumisi wa hiḍi ḍamano ipfya. Humu mwa hiḍi ḍamano ipfya wantu ntawat̯ii *Sharia yorejweyo, ela wanamut̯ii huyu Ruhu jwa Muungu. Hi Sharia yorejweyo inangiza wantu kufwani, ela huyu Ruhu anangiza wantu maisha ya kiruhu.

2 Wakorint̯o 4:1

Muungu kahupfa hu huu uhumisi kwa t̯eiye, ndookomu naswi ntahufwe mojo kuuhenda.

2 Wakorint̯o 4:5

Haya hwiyokusumwiiyani si dzuu yehu swiswi, ela hwakusumwiiyani dzuu ya Yesu Kirist̯o kwamba ni Ḅwana, na kwamba swiswi hu wahumisi wenu kwa dzambo ḍya Yesu.

2 Wakorint̯o 4:7

Swiswi hwaa dza nyungu za haka zizonawekwa nkandi ya kiruhu. Hi inayanga kwamba, hizi nguvu nkuu za hi injili ntaziyawe kwehu, zinayawa kwa Muungu.

2 Wakorint̯o 5:18

Haya haya yonse, Muungu kayahenda kwa dzambo ḍyehu. Na kwa dzambo ḍya hivi vya Kirist̯o ahendeyevyo, Muungu kahuhendeza waḅamuzwe kawii, na sasa kahupfa kazi ya kuwahendeza na wantu wangine kuwa waḅamuzwe.

2 Wakorint̯o 6:1

Swiswi hu wahenda kazi pfamodza na Muungu, ndookomu hwakumuyombani mutseyayatsa haya matsako ya Muungu amuyangiyeyo, yende ḅasi.

2 Wakorint̯o 6:4

Ishinu, hunayanga kwamba hu wahumisi wa Muungu kwa kula kintu hwichonahenda. Hunait̯isa muno hukwakukuntiswani d̯ina, hunait̯isa kwa maisha momu momu na kwa kula aina ya d̯ina.

Waefeso 3:7

Muungu kanihendeza muhumisijwe jwa kusumwiiya haya haya Maagu Mema. Kainimpa hi hii kazi kwa dzambo ḍya t̯eiye na kwa uwezowe mukuu eo nao.

Wakolosai 1:23

Ela ni had̯i mugije kuyahikiza haya Maagu Mema muyasumwiijweyo, na muyagije gu. Ni had̯i mutseyayekeza haya madzikwat̯yo ya Muungu ayamumpiyeyo kuyawana na haya Maagu Mema. Haya ni yayaḍe maagu mwiyosumwiijwa dzuu ya Kirist̯o, yeyokusumwiijwani lumwengu yuzima. Nami mimi mwenye ni mumodza jwa hawaḍe weokuhumikani kwa dzambo ḍya haya haya Maagu Mema.

Wakolosai 1:25

Muungu kanitsana niwe muhumisi jwa hiḍi tsanganikoḍye. Jeje kanimpa kazi ya kumusumwiiya nywinywi wantu wa vyeet̯i, kula kintu dzuu ya hichi chuuwo chakwe.

1 Timoteo 1:12

Namumpa ḍuḍa Kirist̯o Yesu, Ḅwana jwehu, animpiye nguvu za kuhendea hi kazi yangu. Namumpa ḍuḍa kwa kunihwaa nami dza muntu, akinitsana nimuhumikiye,

1 Pet̯ero 4:10

Kula mumodza ni had̯i awahumikie wangine na haya mat̯ola ya kiruhu apfegejweyo ni Muungu. Haya haya mat̯ola garagara muyapfokeeyo kwa t̯eiye ni had̯i muyatumie urembo.