1 Wakorint̯o 3:1 - Pokomo

¹ Wandugu zanguni, mimi sikuweza kunena nanywi dza wantu mwiwo na huyu Ruhu, ela iwa inimala kunena nanywi dza kwamba mu wantu wa huju huju lumwengu, mwiwo vilelehea faroni mwa *Kirist̯o.

1 Wakorint̯o 3:1 Iomraidhean Croise

Matayo 16:23

Ela Yesu kamuperukia Pet̯ero kamupfohosa kamwamba, “Ninukia hapfa Shaat̯ani we! Kwakunikaiyani machingama! Koro hayo wiyokunenani ni mat̯aro ya kibenaad̯amu, si mat̯aro ya kuyawa kwa Muungu!”

Warumi 7:14

Hwonse humanya kwamba hi Sharia nza mambo ya kiruhu, ela mimi ni mwanaad̯amu niyekut̯awaligwani ni mambo ya kimwii. Mimi nya dza muhumwa niguzijwee kuihumikia nabvise.

1 Wakorint̯o 14:20

Wandugu zanguni, mat̯aro yenu nayatseewa ya kiḍyana. Dzuu ya mazuka, wani dza wana wasiomanya kintu, ela mat̯aro yenu nayawe mat̯aro ya kiuntu ukuu.

1 Wakorint̯o 14:37

Muntu akwakudzihwaani kwamba ni *ntumi jwa Muungu ambu ana t̯ola ya kiruhu, ni had̯i aimuke kwamba haya niyokumworeani nywinywi ni amuri ya Ḅwana.

1 Wakorint̯o 2:6

Hat̯a vivyo, kwa hawaḍe wangoreyeo kiruhu, hivi hwivyokunenani ni vyuuwo vivyo na mvidhyo. Ela hi si mvidhyo ya wantu na wat̯awala wa huju huju lumwengu weokuyoweeyani mwiso wao.

Wagalatia 6:1

Wandugu, muntu akigwa nabviseni, nywinywi mwiwo wangoru kiruhu ni had̯i mumuudzye njiani na umpowe. Ela manyani nanywi pia mutseegwa maḍemoni.

Waeburania 5:13

Muntu yuḍejwonse jwa kwamba chakuḍyache chonse ni maziwa, huyo amaale ni mwana kalelehea, nkadzi yeyo sawa kuhenda.

1 Yohana 2:12

Nyakumworeani nywinywi wanangu, koro nabvise zenu muziyatsijwa kwa dzambo ḍya Kirist̯o.