1 Wakorint̯o 2:13 - Pokomo

¹³ D̯ubva, hukwakuyongweezani mambo ya kiruhu kwa hawaḍe weo na huyu Ruhu, ntahukae hukiyongweeza na vyuuwo vya ukaro wa kibenaad̯amu hat̯a, hunayongweeza na vyuuwo hupfegejwevyo ni huyu Ruhu.

1 Wakorint̯o 2:13 Iomraidhean Croise

Luka 12:12

Koro hiyo hiyo saa ikifika Ruhu Mudheru anamuyongweeza pfapfo hiviḍe vya kunena.”

Mahendo 2:4

Wonse wadzajwa ni Ruhu Mudheru na waḍabva kunena na lugha garagara, dza vya Ruhu awapfiyevyo kunena.

1 Wakorint̯o 1:17

Koro Kirist̯o nkakunihuma nikaiye kut̯opya wantu, ela kanihuma nisumwiiye haya *Maagu Mema. Na nikwakuyasumwiiyani, siyasumwiiye na ud̯ubat̯a wa kiwanaad̯amu nitsekudzakutsovya maana huku kufwa kwa Kirist̯o afwiyeko muhini mwa mpatsa.

1 Wakorint̯o 14:2

Muntu eyenanena na lugha ngeni wantu ntawamuimuke. Kwa nguvu za Ruhu jwa Muungu huyu muntu ananena mambo yasiyoimukika. Kunena kwakwe ndiye na Muungu t̯u, nkanene na wantu wangine.

1 Wakorint̯o 2:1

Wandugu zanguni, nipfokudza kwenu kumusumwiiya hi ngadzi ya mupfonyo wa Muungu, sikumudzia na ud̯ubat̯a wa kunena wala umanyi wa kibenaad̯amu.

1 Wakorint̯o 2:14

Ela muntu asiyekuwa na huyu Ruhu anazidziza hizi t̯ola zizonayawa kwa Ruhu jwa Muungu. Kwakwe haya haya ni uḍyura muhupfu, na nkayaimuke, kwa dzambo ḍya kwamba yanaimukika kwa ugijo wa Ruhu t̯u.

1 Wakorint̯o 2:4

Nipfonikiyongweeza na kusumwiiya, hivi vyuuwo vyangu ntaviiwa vya ukaro wa kibenaad̯amu, ela viiwa na ushaahiḍi wa nguvu za Ruhu jwa Muungu.

1 Wakorint̯o 9:11

Hukimahodza mbeju ya kiruhu kahi yenu, na hukivuna kuyawana na vija mwivyonavyo, kawii inawa ni fara?

Waefeso 5:19

Ngizanani mojo na meya ya zaburi na meya yangine ya kumushad̯a Muungu. Mushad̯eni Ḅwana na meya ya kuyawa myojoni mwenu.

Wakolosai 3:16

Hichi chuuwo cha Kirist̯o nachikae myojoni mwenu meshi. Yongweezanani na kufundana na mvidhyo. Ikaani mukimuyaviza ḍuḍa Muungu kwa kumukwimbia meya ya zaburi na meya yangine ya kumushad̯a.

1 Pet̯ero 1:12

Muungu kawapfenuiya hawa manabii kwamba haya haya mambo ntayakwakuhendeka ngera zao, ela yadzahendeka ngera zenu. Na sasa, haya *Maagu Mema yesakusumwiijwa kwenu ni wantu wayongowejweo ni Ruhu Mudheru asusijwe na yuwinguni. Haya ni mambo ambayo kwamba hat̯a malaika wakuyakamiani wayamanye.

2 Pet̯ero 1:16

Hwipfomwambia dzuu ya uwezo wa Ḅwana jwehu Yesu Kirist̯o na kudza kwakwe yupfii, ntahukumwambia mambo ya kamba na ambigwa hat̯a. Huyaona maremboye na matso yehu swiswi wenye.