1 Wakorint̯o 16:6 - Pokomo

⁶ Pfangine huku kwenu nidzakaa kit̯emo, pfangine nikae huyu sika jwonse, ili mupate kunimpa ugijo wa kugija kwenda na charo changu, kuḍekwonse nidzekokwenda.

1 Wakorint̯o 16:6 Iomraidhean Croise

Mahendo 15:3

D̯ubva tsanganiko ḍiwagonzoza. Na wepfowakichia na Foinike na Samaria wawapfa maagu hawa wantu dzuu ya namuna ya hawa wantu wa vyeet̯i vingine wamuhikiziyevyo Muungu. Haya maagu yawapfa tsekea nkuu hawa wandugu wonse.

Mahendo 17:15

Hawa wantu weowakimusindikiza Paulo wenda nae hat̯a Atene. Makisa wauja Beroya na ḍaamisa ya Paulo ya kumutsaka Sila na Timoteo warebve wende wakagijane nae.

Mahendo 20:38

Wewa wasikit̯iswa haswa ni vyuuwo awambiiyevyo, akiwamba kwamba ntawat̯oweza kumuona kawii meshi. Ndookomu wamusindikiza hat̯a chomboni.

Mahendo 21:5

Kenge muḍa wehu wa kukaa nao wipfosia hugija kwenda na charo chehu. Wahikiza wonse, na wakazao na wana wao, wahusindikiza hat̯a nze ya mudzi. Hwonse huvunza nkuhi hapfa geri ye ḅahari na huyomba.

Mahendo 27:12

Hi ḅand̯ari ntaiwa ḅand̯ari nyema ya kukaa ngera ya mpepfo. Ndookomu wenji wa hawa wantu wekitsaka hugije kwenda, huḍeme kufika Foinikisi ikiwezekana, ili huikae hi ngera ya mpepfo hukuhukuḍe. Hi iwa ḅand̯ari ya Kirete ipfandukiiyeyo moongo ya ḍanda ya nsini na moongo ya ḍanda ya dzuu.

Mahendo 28:11

Hukaa hapfa kiluluni kwa myezi mihahu, kisa hugonzowa na chombo cha kuyawa Alekizandaria, chichochikihanwa, “Miungu Mpatsa,” chichokaa hapfa kiluluni hi ngera ya mpepfo.

Warumi 15:24

sasa nyakutsakani kumut̯embeeya. Nyakupangani kwamba nidzepfonjia charo cha kwenda Uhispania nichiye na huko huko Rumi. Natsaka nidze nimukedhye na hutsaike pfamodza kwa nsiku mbii ntahu, d̯ubva rhefu, munimpe ugijo niweze kwenda Uhispania.

1 Wakorint̯o 16:11

Kwa hivyo nakutseewa muntu jwa kumubalifa. Mumpeni ugijo agije kwenda na charoche salama, apate kuuja huku niiko. Nyakumuyoweeyani auje jeje na hawa wandugu.

2 Wakorint̯o 1:16

Koro ninkitsaka kuchia na kwenu nikwakwendani Makedonia, na nikwakuujani napfo pia nichiye na kwenu mupate kunimpa ugijo wa charo changu cha Yud̯aya.

Tito 3:12

Nikisa kumuhuma Atema ambu Tukiko kwako, ḍema kula njia udze Nikopoli, huku nihuniyeko kwendakaa huyu sika.