1 Wakorint̯o 15:6 - Pokomo

⁶ Nyumae kadzakawat̯upukia wahikiza magana matsano kwa mweedha. Wangine wao wesakufwa, ela wenji wao amaale waa mojo.

1 Wakorint̯o 15:6 Iomraidhean Croise

Matayo 28:10

Makisa Yesu kawamba, “Namutseshooga. Endani mukawambe hawa wandugu zangu wende Galilaya koro wendaniona huko huko.”

Marko 16:7

Endani mukawambie hawa wanafund̯iwe wangine pfamodza na Pet̯ero kwamba, Yesu kesakuyongowa kwenda Galilaya mudzekokwendamuona nyonse dza evyomwambia.”

Mahendo 13:36

Ngeraze, D̯aud̯i kahenda miro ya Muungu. Makisa kafwa na kazikwa hafufi na wabibizwe, ela mwiiwe uwowa.

Mahendo 7:60

Makisa kavunza nkuhi na kaḅaa idzwi kuu kamba, “Ḅwana, nkudzoiwat̯alie nabvise yao hi!” Epfokwisa kunena haya kahuna nsoho.

1 Wakorint̯o 15:18

Na vindeewa na maana ya kwamba, hawaḍe wafwiyeo wakiwa wamuhikiza Kirist̯o, wao waara.

1 Wakorint̯o 15:20

Ela viivyo ni kwamba, Kirist̯o kafufujwa kuyawa kwa wafu dza hakikisho kwamba hawaḍe wafwiyeo wadzafufujwa.

1 Watesalonike 4:13

Wandugu, ntahut̯aki muwe kizani dzuu ya haya yadzeyohendeka kwa hawaḍe wayawiyeo lumwenguni, ili mutsekudzasikit̯ika kuchia chima, dza hivi vya hawa walumwengu wasio mat̯umaini wevyonahenda.

1 Watesalonike 4:15

Hichi hwakumwambiani chuuwo cha kuyawa kwa Ḅwana, ya kwamba, swiswi hudzeokaa mojo hat̯a nsiku ya Ḅwana adzeyouja kawii, ntahuwezi kuwayongowa hawaḍe wafwiyeo humut̯angere Ḅwana d̯ura.

2 Pet̯ero 3:4

na kumwamba, “Ḅwana nkakumuahid̯i kwamba anakudza kawii? Mani d̯ubva kaku? T̯ahwaa hawa wababa zehu wamaafwa, ela kula kintu chaa dza viviḍe chivyokuwa hangu kuumbwa kwa lumwengu!”