1 Wakorint̯o 14:3 - Pokomo

³ Ela muntu eyenasumwiiya Maagu ya kuyawa kwa Muungu, ananena na wantu vyuuwo vya kuwambaka, vyuuwo vya kuwangiza mojo na vyuuwo vya kuwaingamaza.

1 Wakorint̯o 14:3 Iomraidhean Croise

Luka 3:18

Ndookomu Yohana kawaera wantu kwa njia nyinji, akwakuwasumwiiyani maagu mema.

Mahendo 13:15

Hawa wakuu wa hiḍi sunagogi wepfokwisa kusoma chuoni mwa *Sharia za Musa na matsoro ya manabii, wawahumia muntu Paulo na Baranaba wawamba, “Wandugu, hunatsaka munene na hawa wantu ikiwa kwamba muna vyuuwo vya kuwafunda.”

Mahendo 14:22

Wawangiza mojo hawa wahikiziyeo na kuwafunda waigije muno hi faro yao. Wawamba, “Husidzanjia uhajuni mwa Muungu, ni had̯i hukunte d̯ina nyinji.”

Mahendo 15:32

Yud̯a na Sila, weokuwa manabii, wanena na hawa wandugu kwa muḍa muyeya, wakiwafunda na kuwangiza mojo.

Mahendo 4:36

Kwiwa na Mulawi jwa kuyawa Kupuro eyeakihanwa Yusufu. Hawa ntumi wekimuhana Baranaba. (Maana ya Baranaba ni muntu eyenangiza mojo.)

Mahendo 9:31

D̯ubva tsanganiko ḍiwa na ngera ya naghea Yud̯aya, Galilaya na Samaria yonse. Chima cha tsanganiko ḍimuhiliyevyo Ḅwana, ndiyo mala ḍikwiiyevyo na kwongezeka kwa kungizwa mojo ni Ruhu Mudheru.

Warumi 12:8

Eye na t̯ola ya kuwangiza mojo wangine, nakae na kuwangiza mojo. Eye na t̯ola ya kuwagijiija wangine weonawa na t̯uri, nakae na kuwagijiija na mojo mumodza. Eye na t̯ola ya uyongozi, nayongoze na hiḍu. Apfegejwe mojo wa kuwafwiya t̯ei wangine weo mad̯inani nawafwiye t̯ei akiwa na tsekea yonse.

Warumi 14:19

Ndookomu meshi nahuḍemeni kula hwivyonaweza ili huhende hayaḍe mambo yeyonayeha naghea na yeyonahuwezesa kumbakana swiswi na swiswi.

Warumi 15:2

Kula mumodza jwehu ni had̯i akihenda mambo ya kuwatsakiza wenzehu. Ni huhende hivi kwa manufaa yao, ili wapate kumbakika faroni mwao.

1 Wakorint̯o 10:23

Wangine wanakwamba, “Huna uhuru wa kuhenda kiḍechonse hutsakiyecho.” Ela si kula kintu kwamba kina maana. Munakwamba, “Huna uhuru wa kuhenda kiḍechonse hutsakiyecho.” Ela si kula kintu ya kwamba kinambaka.

1 Wakorint̯o 14:12

Nimanya ya kwamba muna hamu ya kuwa na haya mat̯ola ya huyu Ruhu. D̯ubva haswa, jwaniani kupata hayaḍe mat̯ola yeyonaḍimbaka hiḍi tsanganiko.

1 Wakorint̯o 14:17

Hat̯a ikiwa kwamba mayombo yako ya kumuyaviza ḍuḍa Muungu ni mema yeyodze, ntayamumbake na huyu muntu yungine.

1 Wakorint̯o 14:26

Wandugu zangu, mani d̯ubva nichokunenani ni kintu ga? Ni kwamba, mwipfonatsanganika kwa mayombo, muntu anaweza kuwa na wiya, yungine anaweza kuwa na yongweezo, na yungine anaweza kuwa na hayaḍe ayangijweyo ni Muungu. Muntu yungine anaweza kunena na lugha ngeni, na yungine aweze kuimusya wantu maana ya haya yeyokunenwani na lugha ngeni. Haya haya yonse nayahendeke kwa dzambo ḍya kuḍimbaka hiḍi tsanganiko.

1 Wakorint̯o 14:31

Koro nyonse munaweza kusumwiiya mumodza mumodza maagu ya Muungu, ili kula muntu apate kudziyongweeza na kunjia mojo.

1 Wakorint̯o 8:1

Sasa, dzuu ya mambo ya vyakuḍya viyavijwevyo mvuugiya kwa masanamu, ni hidzaa: Humanya ya kwamba hwonse huna umanyi, dza mwivyonanena. Ela umanyi dzao unayeha kudziona, hali matsako yanambaka wantu.

2 Wakorint̯o 1:4

Jeje anahuingamaza d̯inani mwehu mwonse, ili kwamba, kwa huku huku kuingamazwa kwehu hupfegejweko ni Muungu, huweze kuwaingamaza na wangine weo mad̯inani.

2 Wakorint̯o 2:7

D̯ubva ni had̯i mumuyatsiye na mumungize mojo, atsekudzanjijwa ni tsungu hat̯a afwe mojo.

Waefeso 4:29

Namutseewa wantu wa vyuuwo vizuka vizuka. Ishinu mwipfonat̯amuka kunena, nenani vyuuwo vya kuwambaka hawaḍe weonamusikiiya ili vipate kuwafaiḍi.

1 Watesalonike 2:11

Nywinywi wenye mumanya kwamba swiswi hwikimuhwaa dza hiviḍe vya babajwe muntu evyonawahwaa wanawe.

1 Watesalonike 2:3

Swiswi kusumwiiya kwehu ntahukumusumwiiya mambo ya nsuwe, wala ntahwiiwa na nia nzuka ambu hutsake kukulakula muntu.

1 Watesalonike 4:1

D̯ubva wandugu zangu, zaid̯i ya yonse, hwakumuyombani na kumuriria kwa sari ḍya Ḅwana jwehu Yesu, muishi maisha ya kumutsakiza Muungu dza humuyongweezeyevyo. Gula humanya ya kwamba ndivyo mwivyokuishini, ela hunatsaka mumutsakize Muungu zaid̯i na zaid̯i.

1 Watesalonike 4:18

D̯ubva ngizanani mojo na hivi hivi vyuuwo.

2 Watesalonike 3:12

Hwakuwaamuruni na kuwafunda hao hao wantu kwa sari ḍya Ḅwana jwehu Yesu Kirist̯o, ya kwamba waḍabve kudzihendea kazi na mikono yao kudzilachia riziki na waingamae.

1 Timoteo 1:4

Wambe watsekaiya ngano za nsuwe na milongo miyeya miyeya ya masari ya wabibi zao. Haya yanayeha yuḍaat̯o jusijo maana. Ntaiwapfe wantu kuimuka mupango wa Muungu, wiwonaimukika kwa njia ya faro.

1 Timoteo 4:13

Gija kuḍisomea hiḍi tsanganiko haya matsoro madheru, ukiḍifunda na kuḍiyongweeza, hat̯a nidzepfokudza.

1 Timoteo 6:2

Na hawaḍe wahumwa weo na maḅwana Wakirist̯o, ni kutsawanyira, at̯i kwa dzambo ḍya kwamba wonse ni wandugu. Ishinu, ni wawahumikie urembo zaid̯i, kwa kwamba hawa maḅwana zao, weokufaiḍikani na hi kazi yao, ni watsakwa wenzao sarini mwa *Kirist̯o. Ni had̯i uwayongweeze na kuwafunda hawa wantu, dzuu ya haya mambo haya.

2 Timoteo 4:2

Sumwiiya hichi chuuwo. Wewe gija kukisumwiiya ngera zonse, uwe wakatiwe ambu utseewa wakatiwe. Kisumwiiye kuwafunda wantu, kuwabusa na kuwangiza mojo, na wayongweeze na umpowe.

Tito 1:9

Ni had̯i akigije gu hichi chuuwo chichonahikizika dza viviḍe chivyoyongweezwa. Na kwehii namuna anawangiza mojo na wantu wangine kwa haya mayongweezo ya hachi na kuwakanyera hawaḍe weokuyapfingani haya mayongweezo.

Tito 2:15

Haya ndiyo haya mambo wiyonamala kuyongweeza. Na kwa uwezo wako wonse wiwo nao, wafunde na kuwabusa hawa weonakusikiiya. Dziza muntu jwa kukubalifa.

Tito 2:6

Dza vivyo, wafunde hawa wayume waḍoḍo wawe wantu wa kudzimiza.

Tito 2:9

Wambe hawa weo wahumwa, wawat̯ii maḅwana wao na wawatsakize kwa kula kintu. Ntawa ruhusa ya kwambukuyana nao

Waeburania 10:25

Nahutseyatsa kukaa na kutsanganika pfamodza kwa mayombo, dza vya wantu wangine wevyokuhendani. Ishinu ni kungizana mojo zaid̯i na zaid̯i, koro humakuonani kwamba Nsiku ya Ḅwana ya kudza imaawa hafufi.

Waeburania 13:22

D̯ubva wandugu zangu, nyakumuyombani mutsetsoka kusikiiya hivi vyuuwo vya kungiza mojo nivyokumwambiani. Koro hi hii ḅaruwa nimworeeyo si ndeya ya kwambadze.

Waeburania 3:13

Ishinu fundanani kula nansiku, chima cha “Nsiku ya yeo” ivyopfo, ili kutseewa hat̯a mumodza jwenu jwa kukulika-kulika na nabvise na auhendeze mojowe kuwa mumu.

1 Pet̯ero 5:12

Nyakumworeani hi hii ḅaruwa mfufi kwa ugijo wa Sila, nimuserefat̯ie dza ndugu. Nyakumworeani kumungiza mojo na nikishuhuḍia kwamba haya ndiyo matsako ya ḍugha ya Muungu. D̯ubva yagijeni na nguvu.

Yud̯a 1:20

Ela nywinywi waḅamu zangu, ni had̯i mugije kuyambaka maisha yenu dzuu ya hu musinji we faro yenu iyawiyeyo kwa Muungu, na mugije kuyomba kuuḅana na hiviḍe vya Ruhu Mudheru evyonamuyongowa.