1 Wakorint̯o 13:13 - Pokomo

¹³ Dza viivyo haya mambo mohahu, yani faro, madzikwat̯yo na matsako, ntaya mwiso. Na dzambo kuu ḍya mwiso ni matsako.

1 Wakorint̯o 13:13 Iomraidhean Croise

Luka 10:27

Huyuḍe muntu kamwamba, “Yamba umutsake Ḅwana Muungujo na mojowo wonse, na ruhu yako yonse, na nguvu zako zonse, na akili yako yonse, na umutsake mwenziwo dza udzitsakiyevyo mwenye.”

Luka 22:32

Ela wewe Simioni, nikuyombea ili faroyo itsekwaara kaḅisa. Na udzepfoniujia mimi, wangize nguvu hawa wanduguzo.”

Warumi 15:13

D̯ubva Muungu eyenamumpa madzikwat̯yo, namudzaze tsekea na kumumpa naghea muno huku mukigija kumuserefat̯a jeje. Na kwehii njia munagija kuwa na madzikwat̯yo makuu kwa nguvu za huyu Ruhu Mudheru huku mukiindiya kut̯imizwa kwa hizi ahad̯i za Muungu.

1 Wakorint̯o 14:1

Jwaniani zaid̯i kuwa na matsako na muyalache muno haya mat̯ola yeyonayawa kwa huyu Ruhu, na haswa hi t̯ola ya kusumwiiya Maagu ya Muungu.

1 Wakorint̯o 16:14

Yonse mwiyonahenda, yahendeni na matsako.

1 Wakorint̯o 3:14

Na cha muntu ambakiyecho nacho hapfa musinjini kikipfona na hu moho, anapfegwa t̯ubvo.

1 Wakorint̯o 8:1

Sasa, dzuu ya mambo ya vyakuḍya viyavijwevyo mvuugiya kwa masanamu, ni hidzaa: Humanya ya kwamba hwonse huna umanyi, dza mwivyonanena. Ela umanyi dzao unayeha kudziona, hali matsako yanambaka wantu.

1 Wakorint̯o 8:3

Ela muntu amutsakie Muungu, Muungu kamumanya.

2 Wakorint̯o 5:10

Koro hwonse ni had̯i hudzehusumame usoni ya *Kirist̯o, muhukumu jwehu. Jeje anahukumu kula mumodza jwehu na kumumpa t̯ubvo ambu adhaḅu dza evyonamala, akiyowa mahendo mema ambu mazuka ya muntu ahendeyeyo kuzimuni mwa maisha yakwe hapfa lumwenguni.

2 Wakorint̯o 5:15

Jeje kafwa kwa dzambo ḍya wantu wonse, ili kwamba hawaḍe weokuishini watseishi maisha yao wao wenye, ela wamuishie Kirist̯o. Koro iwa ni kwa dzambo ḍyao kwamba Kirist̯o kafwa kisa kafufujwa.

Wagalatia 5:6

Koro kuzimuni mwa Kirist̯o Yesu, kuhinywa ambu kutsahinywa kwa muntu ntaku maana yaḍeyonse. Cha mud̯a ni serefano yehu kwa Kirist̯o iyonaonekana kuchiiya na kwa haya matsako hwiyonayo.

Wafilipi 1:9

Na nyakumuyombeani kwamba, tsako ḍyenu kwa wangine ḍikuye zaid̯i na zaid̯i na muweze kumanya na kuimuka mambo ya kiruhu,

Wakolosai 1:27

Muungu kaona vyema kuiwapfenwiiya wantuwe hi hii ngadzi, ili waweze kumanya kwamba hu ni mupangowe mukuu, wiiwo na maana muno kwa hat̯a wantu wa vyeet̯i vingine. Na hu mupangowe ni kwamba Kirist̯o aishi myojoni mwenu, ili muweze kuwa na uhakika kwamba mudzawa pfamodza nae maremboni mwakwe.

Wakolosai 1:5

Nywinywi muwatsaka wantu wonse wa Muungu, kwa kwamba muna madzikwat̯yo ya kwamba, munayapata haya mambo mema muyawekeejweyo mbinguni. Haya haya madzikwat̯yo muyapata hangu mwipfosumwiijwa haya Maagu Mema ya hachi, yani hi Injili.

Wakolosai 3:14

Na dzuu ya vyonse hivi, tsakanani nywinywi na nywinywi. Koro matsako ndiyo yeyonahuweka hwonse kuwa dza kintu kimodza kaḅisa!

1 Watesalonike 1:3

Hunakaa hukimuyombea kwa Muungu Baba jwehu, hukimuhadzia wema wenu mwiwohenda kwa dzambo ḍya kuhikiza kwenu. Hunakaa hukamuhadzia namuna ya matsako yenu yamumpiyevyo kuhenda kazi na hiḍu, na namuna mugijiyevyo kuwa na madzikwat̯yo ya kwamba Ḅwana jwehu Yesu Kirist̯o anauja kawii.

1 Watesalonike 5:8

Ela kwa dzambo swiswi hu wantu hwiwokuishini muyangani, nahuwe wantu wa kudzimiza. Faro yehu na matsako yehu navihuchinge na mazuka dza hiviḍe vya ngao ivyonamuchinga asikari. Na madzikwat̯yo yehu ya kudzapfonywa na adhaḅu ya Muungu aiwawekeeyo wantu wazuka wonse, nayahuchinge na mazuka dza hiviḍe vya nkofia ya chuma ivyonamuchinga kitswa asikari.

1 Timoteo 1:5

Na maana ya hi hii amuri ni kuhuhendeza swiswi na swiswi hutsakane na mojo mumodza. Ni had̯i hutsakane na myojo iyo na faro ya ḍugha na iyonahuhendeza humanye yeyo mema na mazuka.

2 Timoteo 1:7

Koro Muungu nkakuhupfa Ruhu jwa woga hat̯a. Jeje kahupfa Ruhu jwa kuhungiza nguvu na eyenahupfa matsako na kuhupfa kudzimiza hutsehenda mazuka.

Waeburania 10:35

D̯ubva namutseefwa mojo, kwa kwamba hi serefano yenu inamuyehea t̯ubvo kuu.

Waeburania 10:39

Aswi le ntahukwaa wantu hwiwonaujia nyuma na hukaara. Humuserefat̯a Muungu nae anahupfonya.

Waeburania 6:11

Hamu yangu nkuu ni kwamba mugije kuwa wahiḍu mumpaka mwiso, ili haya mwiyokudzikwat̯yani muweze kuyapata.

Waeburania 6:19

Haya haya madzikwat̯yo ni dza nanga nziho ya kuikumiiza hi myojo yehu. Haya madzikwat̯yo yehu, yaa kwa huyuḍe achiiye na humu mwa huju yukangadzi jwa hi *Hekalu ya mbinguni, akinjia hapfaḍe pfantu pfadheru pfa mwiso pfe Hekalu.

1 Pet̯ero 1:21

Na kuchiiya na kwa Kirist̯o, mumuserefat̯a Muungu. Jeje ndiye amufufwiiye Kirist̯o kuyawa kwa wafu akimumpa marembo, ili nanywi muwe na faro na madzikwat̯yo kwa Muungu.

1 Yohana 2:10

Yuḍejwonse amutsakie ndugujwe, kakuishini muyangani, na ntaku kiḍechonse cha kumuhendeza agise wantu wangine.

1 Yohana 2:14

Nyakumworeani nywinywi wana, kwa kwamba mumumanya huyu Baba. Nyakumworeani nywinywi wantu wakuu, kwa kwamba mumumanya huyu eyekuwapfo hangu ḍabvu. Nyakumworeani nanywi nywinywi wayume waḍoḍo, kwa kwamba muna myojo ya ubaryed̯a. Muchiweka chuuwo cha Muungu myojoni mwenu na mumamushinda huyu Muzuka.

1 Yohana 2:24

D̯ubva chimizani, muyangize mojoni haya maagu musumwiijweyo hangu ḍabvu. Mukiyangiza mojoni haya maagu musikiiyeyo hangu ḍabvu, meshi munawa na uharia na huyu Mwana na huyu Baba.

1 Yohana 3:3

Kula muntu eyekudzikwat̯yani kumuona Kirist̯o, anadziweka udheruni, dza vya Kirist̯o aivyo Mudheru.

1 Yohana 3:9

Ntaku yuḍejwonse eyenawa mwana jwa Muungu kisa akakaiya kuhenda nabvise, kwa dzambo ḍya kwamba anawa na hali ya umuungu kuzimuye. Na kwa dzambo ḍya kwamba Muungu ni babajwe, nkawezi kugija kuhenda nabvise.