1 Wakorint̯o 12:11 - Pokomo

¹¹ Na hizi hizi zonse, ni kazi za yuyo Ruhu mumodza. Kula muntu anamumpa t̯ola yakwe dza evyonatsaka mwenye.

1 Wakorint̯o 12:11 Iomraidhean Croise

Matayo 11:26

Ndivyo Baaba, kuona vyema kuhenda hivi hivi koro vikutsakiza.”

Matayo 20:15

Munamba ami si hachi ya kuhenda aviḍe nitsakiyevyo na hali ezi fwedha nzangu? Ambu kwakuonani wivu kwamba nina mojo mwema?’ ”

Yohana 3:27

Yohana kawambukuya kamba, “Muntu nkawezi kuhenda kintu ikiwa kwamba nkakuwezeswa ni Muungu.

Yohana 3:8

Huyu Ruhu ndiye eyenahendeza wantu wavyajwe yupfii. Jeje ka dza hi mpepfo. Koro hi mpepfo inabiga kwenda kuḍekwonse ikonatsaka kwenda. Unaisikia t̯u ikwakubigani, ela nkumanye iyawiyeko wala ikokwendani.”

Yohana 5:21

Na dza hiviḍe vya huyu Baba evyonawafufuya wafu akawapfa maisha, huyu Mwana nae pia anawapfa maisha hawaḍe atsaniyeo.

Warumi 12:6

Ndookomu kwa kwamba Muungu kahupfa t̯ola garagara, ni had̯i huzitumiye kuuḅana na namuna ahuvodhyeyevyo. Muntu eye na t̯ola ya kuyavya maagu ya Muungu, ni akikaa na kuyayavya haya maagu akiwa na faro yonse kwamba kayapfegwa ni Muungu ḍugha.

Warumi 9:18

Ndookomu Muungu anamufwiya t̯ei yuḍejwonse eyenatsaka kumufwiya t̯ei, na huyuḍe eyenatsaka awe mut̯iriri, anamuhendeza kuwa mut̯iriri.

1 Wakorint̯o 12:18

Ela hivi viivyo ni kwamba, kula kiiriiri humu mwiini, Muungu kachiweka dza atsakiyevyo mwenye.

1 Wakorint̯o 12:4

Kuna mat̯ola garagara ya kiruhu, ela eyenayawapfa wantu ni yuyo Ruhu mumodza.

1 Wakorint̯o 12:6

Kuna uwezo garagara wa kuhenda kazi, ela yuyo Muungu mumodza ndiye eyenawezesa kula muntu kwa hi kaziye.

1 Wakorint̯o 7:17

Kula muntu naishi haya maisha ya Ḅwana amumpiyeyo kuishi, na akae dza viviḍe evyokuwa Muungu epfomuhana. Hi ndiyo amuri niwekeyeyo kwa matsanganiko yonse.

1 Wakorint̯o 7:7

Nindetsaka kula muntu akae dza hivi niivyo mimi. Ela kula muntu ana t̯ola yakwe aipfegejweyo ni Muungu. Muntu mumodza anawa na t̯ola hii, na yungine akawa na t̯ola ingine.

2 Wakorint̯o 10:13

Swiswi ntahuwezi kudzishad̯a na kintu husichokuwa na hachi ya kukidzishad̯ia. Chehu t̯u cha kudzishad̯ia, ni hi kazi ya Muungu ahupfiyeyo huihende, na ikihuyeha hat̯a kwenu.

Waefeso 1:11

Kula dzambo Muungu anaḍihenda dza evyonatsaka. Jeje kahuna kuhutsana hangu kae na kae huwe wantuwe kwa kuhungiza hariani mwa Kirist̯o.

Waefeso 4:7

Kula mumodza jwehu kapfegwa t̯ola ya kivyakwe kuuḅana na hiviḍe vya *Kirist̯o atsakiyevyo kumumpa.

Waeburania 2:4

Muungu nae kavihuyanga tswee kwamba ni ḍugha kwa kuhuyanga vihambwiizo, mambo ya mafara na mambo ya kumakisa menji na menji, pfamodza na kupfa wantu t̯ola ya Ruhu Mudheru dza atsakiyevyo mwenye.

Yakobo 1:18

Kwa miroye mwenye, kahupfa kuvyajwa upfya kuchiiya na kwa hichi chuuwoche cha hachi. Kahenda hivi ili kwamba, kahi ya vyonse aumbiyevyo, swiswi huwe ndiswi viumbe vya maana vya mwiso kwakwe.