1 Wakorint̯o 1:8 - Pokomo

⁸ Na jeje anamungiza nguvu hat̯a mwiso, ili mutsekudzaonekana na t̯amba zuka ḍiḍeḍyonse hiyo hiyo Nsiku ya Ḅwana jwehu Yesu Kirist̯o adzeyokudza yupfii.

1 Wakorint̯o 1:8 Iomraidhean Croise

Luka 17:24

Koro dza hiviḍe vya yupfepfe jwivyonamwala jukayangaza lumwengu yuzima, ndivyo vidzevyowa, mimi Mwana jwa Ad̯amu nidzepfokudza.

Luka 17:30

Hivyo ndivyo vya wantu wadzevyohenda hat̯a nsiku yangu mimi Mwana jwa Ad̯amu nidzepfokudza.

Warumi 14:4

Koro awe u ga, hat̯a uwaone hawa wahumisi wa Muungu kwamba wana matsowa? Ni dzuu ya huyu Ḅwana jwao kuhuna kwamba wakuhendani matsowa ambu hat̯a. Na wanawa sawa kwa kwamba Ḅwana ndiye jwa kuwawezesa kuhenda yeyo ya sawa.

Warumi 16:25

D̯ubva hwonse nahumushad̯eni Muungu! Jeje ndiye eyenaweza kuikumiiza hi faro yenu mwiyonayo kwa Kirist̯o. Haya *Maagu Mema dzuu ya Yesu Kirist̯o niyonakaa na kusumwiiya, ndiyo yeyonamumpa kukumiiya faro zenu. Kae haya haya yewa yafitswa dza ngadzi kwa myaka na myaka, ela sasa yayavigwa wekeani tswee.

Warumi 8:19

Koro kula kiumbe cha Muungu aumbiyecho chakuindiiyani na hamu muno hiyo hiyo nsiku ya Muungu adzeyowayanganya hawa wanawe.

1 Wakorint̯o 3:13

Na kuwa na maana ambu kutsowa maana kwa kazi ya muntu, vinamanyikana Nsiku ya Kirist̯o adzepfokudza, yadzepfoyangaa tswee. Koro hiyo hiyo Nsiku, hu moho ndiwo udzeoyanga kazi ya kula muntu. Kuwa na maana ambu kutsowa maana kwa kazi ya muntu kunapimwa na hu moho.

1 Wakorint̯o 5:5

huyu muntu ni mumungize mikononi mwa Shaat̯ani, ili hu mwiiwe upate kunangwa-nangwa, na apate kupfonywa ruhuye Nsiku ya Ḅwana Yesu adzeyokudza.

2 Wakorint̯o 1:13

Haya hwiyokumworeani ni hayaḍe t̯u mwiyonaweza kuyasoma na muyaimuke. Hi hii saasambi ntamudzahuimuka urembo, ela nyakudzikwat̯yani kwamba huko usoni mudzahuimuka urembo. Ndookomu Nsiku ya Ḅwana jwehu Yesu Kirist̯o ya kuuja, mudzadziona kwa dzambo ḍyehu, dza hudzevyodziona kwa dzambo ḍyenu.

2 Wakorint̯o 1:21

Muungu ndiye ahuhendeye swiswi nanywi huwe Wakirist̯o wa kuhikizika. Jeje mwenye kahutsana

Waefeso 5:27

Kahenda hivi apate kuḍipfa rembo ḍya kusumamia usoni kwakwe ḍikiwa ntaḍi uchafu wala t̯amba ambu zuka ḍingine ḍiḍeḍyonse. Ekitsaka hiḍi tsanganiko ḍiwe dheru na ḍitseewa na t̯amba zuka ḍiḍeḍyonse.

Wafilipi 1:10

ili kwamba muweze kutsana hayaḍe yeyo mema ya mwiso. Ndookomu nanywi ntamuwe na kat̯amba kaḍekonse wala alano hat̯a nsiku ya Kirist̯o adzepfokudza.

Wafilipi 1:6

Ndookomu nina uhakika kwamba, huyu Muungu aḍabvisiye kazi nyema myojoni mwenu, anagija kuihenda hat̯a idzepfosia Nsiku ya Kirist̯o Yesu adzepfokudza.

Wakolosai 1:22

Ela sasa, Muungu kangiza naghea kahi yakwe nanywi, kwa kumuyatsa Mwanawe awe mwanaad̯amu kisa afwe muhini mwa mpatsa. Kahenda hivi ili kwamba, mudzepfosumama usoni yakwe, amuone mu wadheru na musiwo nabvise, wala t̯amba zuka ḍiḍeḍyonse.

Wakolosai 2:7

Gijani kumuhikiza Kirist̯o na muyagije na nguvu haya *Maagu Mema muyayongweezejweyo, nanywi munapata kukuya kuzimuni mwakwe, dza hiviḍe vya muhi wivyonamea mizi na ukakuya. Na ni muwe wantu wa kumuyaviza ḍuḍa Muungu kut̯wa.

1 Watesalonike 3:13

Ḅwana jwehu Yesu namungize nguvu, mupate kuwa wadheru na musiwo na t̯amba zuka ḍiḍeḍyonse usoni kwa Muungu Baba, nsiku ya Ḅwana jwehu adzepfokudza na hawaḍe wonse weo wakwe.

1 Watesalonike 5:2

Koro nywinywi wenye mumanya tswee, kwamba, nsiku yakwe ya kudza, anakudza pfasipfo kumanyikana dza hiviḍe vya mwivi evyonakudza nasiku pfasipfo kumanyikana.

2 Watesalonike 2:2

mutseewa wapesi wa kugija vyuuwo vya kumwaarya mat̯aro yenu ambu vya kumuhusya kwamba, Nsiku ya kuuja kwa Ḅwana jwehu Yesu isakufika iiḍe. Na hat̯a kukidza muntu, akidzaakyamba kaviyangwa ni huyu Ruhu, ambu huvimusumwiiya, ambu humworea ḅaruwa dzuu ya hiḍi hiḍi dzambo, namutsemuhikiza.

2 Watesalonike 3:3

Ela Ḅwana jeje ni muhikizika. Anamungiza nguvu na kumuchinga na mazuka ya Shaat̯ani.

2 Timoteo 1:12

Ndiyo maana niyokukuntani d̯ina dzevihivi. Ela sidzafwa mojo, koro huyu nimuhikiziye nimumanya ya kwamba ni ga. Nina uhakika wa kwamba, ana uwezo wa kuyamia haya animpiyeyo, mumpaka nsiku ya mwiso.

2 Timoteo 1:18

Nawe kumanya urembo muno namuna animpiyevyo ugijo hukuḍe Efeso. Nyakumuyombani Ḅwana amufwiye t̯ei hiyo hiyo nsiku ya hukumu!

1 Pet̯ero 5:10

Muungu kamufwiya t̯ei kuchiiya na kwa Kirist̯o na kamuhana munjie maremboni mwakwe mudzemokaa maishi. Mukisa kukunta d̯ina kwa kat̯emo kachuchu, kadzamuhwaa na kumumbaka kipfya, kadzamut̯aragisa na kumukomeza faroni, na kumungiza nguvu kawii.

2 Pet̯ero 3:10

Nsiku ya Ḅwana ya kudza, anakudza dza hiviḍe vya mwivi evyonakudza pfasipfo kuḍama. Hiyo hiyo nsiku, hizi mbingu zinakwaara na kisindo chikuu, na vyonse vivyo kuzimu yakwe vinapfya moho wa bvibvibvibvi. Hat̯a huju lumwengu na vyonse vihendejwevyo kuzimuye, navyo pia vinatsomwa.

2 Pet̯ero 3:14

D̯ubva wandugu zangu, hali mwakuindiiyani hiyo hiyo nsiku, hendani kula mwichonaweza ili kwamba adzepfokudza amut̯onge mwakuishini maisha ya kutsaawa na tsowa, wala t̯amba ḍiḍeḍyonse, ela amut̯onge mwakuishini maisha ya naghea.