1 Wakorint̯o 1:30 - Pokomo

³⁰ Muungu ndiye ahungiziye hariani mwa Kirist̯o Yesu, huyu ahuyangiye mvidhyo ya Muungu. Kirist̯o ndiye ahupfiye kuhwajwa dza wantu wahachi ni Muungu. Ndiye ahupfiye kuwa wadheru na ndiye ahuwekeye huru.

1 Wakorint̯o 1:30 Iomraidhean Croise

Matayo 1:21

Maria kadzavyaa mwanamuyume nawe kudzamumpa sari, kudzamuhana Yesu. Koro jeje kadzawapfonya wantuwe kuyawana na nabvise zao.”

Luka 11:49

D̯ubva Muungu kanena mvidhyoni mwakwe kamba, ‘Nawahumia manabii na *ntumi. Wangine wao wanawayaga na wangine wao wanawakuntisa d̯ina.’

Luka 21:15

Koro nidzamumpa ud̯ubat̯a na karo wa kwamba hat̯a wazuka wenu ntawakudzaweza kuvidziza ambu kuvikana hivi mudzevyonena.

Yohana 1:18

Ntaku amuoneye Muungu lamud̯a huyu Mwana jwa Muungu jeje heket̯u ambaye jeje mwenye ni Muungu. Jeje na huyu Baba wana uhusiano wa hafufi muno, na ndiye amuhendezeye huyu Baba amanyikane aivyo.

Yohana 14:6

Yesu kamwamba, “Mimi ndimi njia, ndimi hachi na ndimi niyenawapfa wantu maisha ya kuunga na yuungo. Muntu nkawezi kwenda kwa Baba pfasipfo kuchiiya na kwangu.

Yohana 17:26

Mimi nikumanyisa kwao na nagija kukumanyisa kwao, ili wapate kuwatsaka wangine dza hivi vyako unitsakiyevyo mimi, nao wanawa na uharia nami.”

Yohana 17:8

Hi ḍaamisa uniḍamiyeyo, niiwapfa, nao waipfokea na mikono miwii. Wamanya hakika kwamba mimi niyawa kwako, na wahikiza ya kwamba wewe ndiwe unihumiye.

Yohana 8:12

Kisa Yesu kanena na hawa wantu kawii kawamba, “Mimi ndimi muyanga wa huju lumwengu. Muntu eyenaniuḅa mimi nkawezi kwenenda kizani meshi, ela anawa na hu muyanga wiwonapfa wantu maisha.”

Mahendo 26:18

Ni uwapfenuye matso yao na uwaperuye kuyawa kizani wauje muyangani, na wayawe ut̯awalani mwa Shaat̯ani wamuujie Muungu. Ili kwamba, kwa dzambo wanihikiza, Muungu anawayatsia nabvise zao na wadzakaa kuntu kwao kahi ya watsanwa wa Muungu.’

Warumi 1:17

Koro hi injili inahuyanga wazi tswee namuna ya Muungu evyonawahwaa wantu kuwa wahachi usoni kwakwe. Muungu anamuhwaa muntu kuwa muhachi kuuḅana na hiviḍe amuhikiziyevyo Muungu t̯u. Dza vya matsoro yaneneyevyo yakyamba, “Huyuḍe jwa Muungu eyenamuhwaa kuwa muhachi kwa dzambo ḍya faroye, huyo anaishi maisha ya ḍugha.”

Warumi 11:36

Koro Muungu ndiye aumbiye kula kintu, na ndiye eyenahendeza kula kintu kiwepfo. Na vyonse kaviumba kwa dzambo ḍyakwe. Ndookomu anamala kushad̯wa hat̯a pfasipfosia! Amina.

Warumi 16:11

Munikedhyeyeni na huyu Muyahud̯i mwenzangu eyenahanwa Herod̯ioni, na munikedhyeye wantu wa balabalani mwa Narikiso wamuhikiziyeo Ḅwana.

Warumi 16:7

Niyaviani na kedhya zingine kwa Andironiko na Yunia. Hawa ni Wayahud̯i wenzangu hwiwofungwa gerenzani pfamodza. Wewa wamuhikiza Kirist̯o d̯ura kaḅila mimi sidzamuhikiza, na wao wamanyikana muno kahi ya hawa *ntumi.

Warumi 4:25

Ḅwana Yesu kayavigwa apate kufwa kwa dzambo ḍya nabvise zehu, na kafufujwa kuyawa kwa wafu ili naswi huweze kuwa wantu wahachi usoni kwa Muungu.

Warumi 4:6

Hat̯a haju D̯aud̯i kanena dzuu yeḍihiḍi dzambo, epfonena dzuu ya tsekea ya muntu yuḍejwonse jwa Muungu eyenamuhwaa kuwa muhachi pfasipfo kuyowa mahendoye.

Warumi 5:19

Koro dza vya wantu wonse wagaliyevyo wanabvise usoni kwa Muungu kwa dzambo ḍya muntu mumodza kutsamut̯ii Muungu, ḅasi ndivyo vya Muungu adzevyowahendeza wantu wonse kuwa wahachi usoni kwakwe, kwa dzambo ḍya ut̯iifu wa muntu mumodza.

Warumi 5:21

Cha mwiso ni kwamba kae nabvise iwa ijut̯awala lumwengu kwa kuwangiza wantu kufwani. Ela sasa hi t̯ei ya Muungu ndiyo iyokuhut̯awalani kwa kuhuhendeza kuwa wahachi usoni kwa Muungu na kuhupfa maisha ya kuunga na yuungo. Na hivi hunavipata kuchiiya na kwa kumuhikiza Ḅwana jwehu Yesu Kirist̯o.

Warumi 8:1

Ndookomu sasa hawaḍe weokuishini hariani mwa Kirist̯o Yesu ntawawezi kuhukumigwa.

Warumi 8:23

Na si hivi viumbe t̯u, ela hat̯a swiswi hupfegejweo Ruhu Mudheru dza hakikisho ḍya haya marembo hudzeyopfegwa ḅaad̯aye, naswi pia hunakaa na kuuguya. Hwakuuguyani na kuindiiya na hamu muno hiyo hiyo nsiku ya Muungu adzeyohuhendeza wanawe kaḅisa, yani nsiku adzeyohuweka huru kuyawana na hi mii yehu.

Warumi 8:9

Ela nywinywi ntamukwakut̯awaligwani ni mambo ya kimwii. Ikiwa kwamba huyu Ruhu jwa Muungu ka kuzimuni mwenu, ḅasi ndiye eyekumuyongowani. Kumbukani kwamba muntu asiye Ruhu jwa Kirist̯o, huyo si jwa Kirist̯o.

1 Wakorint̯o 1:2

hwakumworeani nywinywi wantu wa tsanganiko ḍya Muungu ḍiiḍyo Korint̯o. Hwakumworeani nywinywi mudheresejweo hariani mwa Kirist̯o Yesu na mukitsanwa kuwa wantu wadheru. Hwakumworeani nywinywi pfamodza na hawaḍe wantu wonse, kula pfantu, weonamuyomba Ḅwana jwehu Yesu Kirist̯o, eye Ḅwana jwehu na jwao pia.

1 Wakorint̯o 1:24

Ela kwa hawaḍe wonse wa Muungu atsaniyeo kuwapfonya, hangu Wayahud̯i na wantu wasiokuwa Wayahud̯i, Kirist̯o ni mvidhyo na nguvu za Muungu za kupfonya wantu.

1 Wakorint̯o 12:18

Ela hivi viivyo ni kwamba, kula kiiriiri humu mwiini, Muungu kachiweka dza atsakiyevyo mwenye.

1 Wakorint̯o 12:27

D̯ubva nyonse pfamodza mu mwii wa Kirist̯o, na kula mumodza jwenu ni kiiriiri cha hu huu mwii.

1 Wakorint̯o 12:8

Huyu Ruhu anamumpa vyuuwo vya mvidhyo muntu huyu, na muntu yungine yuyo Ruhu mumodza anamumpa vyuuwo vya umanyi.

1 Wakorint̯o 4:15

Koro hat̯a mukiwa na wayezi elefu kumi kwa maisha yenu ya Kikirist̯o, muna baba mumodza t̯u. Maanaye, kwa maisha yenu hariani mwa Kirist̯o Yesu, mimi nihenda baba jwenu kwa kumusumwiiya haya *Maagu Mema.

1 Wakorint̯o 6:11

Na hivi ndivyo vya wangine wenu mwivyokuwa. Ela sasa mudhereswa nabvise zenu, mugala wadheru wa Muungu, na Muungu kakumuhwaani kuwa wantu wahachi kwa sari ḍya Ḅwana Yesu *Kirist̯o na kwa nguvu za Ruhu jwa Muungu jwehu.

2 Wakorint̯o 12:2

Nimanya muntu amuhikiziye *Kirist̯o ahwaijwe kwenda mbingu za dzuu myaka kumi na mine ichiiyeyo. Ela sidzi kwamba niwa nyenda kimwii ambu ni hi ruhu ḅasi. Muungu t̯u ndiye amanyiye.

2 Wakorint̯o 4:6

Huyu Muungu ambiye, “Nakuyangae muyanga humu kizani,” ndiye jeje ahendezeye muyangawe uhuyangaiye myojoni mwehu. Hu muyanga unahupfa kuyamanya haya marembo ya Muungu, yeyonayangaa humu usoni mwa Kirist̯o.

Wagalatia 1:4

Kirist̯o kadziyavya maishaye kahufwiya, apate kuhunwiiya nabvise zehu ili ahupfonye na mazuka ya wantu wa huju huju lumwengu. Hivi kavihenda kuuḅana na miro ya Muungu, eye Baba jwehu.

Wagalatia 3:13

Ela Kirist̯o kahukombowa kuyawana na hiḍi ḍuo ḍye Sharia epfoḍidzihwaiya kwa dzambo ḍyehu. Koro vyoregwa kwamba, “Yuḍejwonse apfatsikijwe muhini, Muungu kamuḍuwa.”

Waefeso 1:10

Kapanga kwamba ngeraye ikifika, anatsanganya kula kintu kiumbijwecho, chicho mbinguni na lumwenguni kiwe nsii ya mut̯awala mumodza, yani Kirist̯o.

Waefeso 1:14

Muungu kamuhupfa huyu huyu Ruhu dza dhamana ya kudzahupfa hayaḍe mema yonse ahuahid̯iiyeyo. Haya haya mema kadzayahupfa swiswi hwiwo wantuwe ngera adzeyohuweka huru kaḅisa. Na hivi vinawahendeza wantu wamushad̯e Muungu.

Waefeso 1:7

Muungu kahukombowa na mwazi wa Kirist̯o ehiyeo epfofwa muhini mwa mpatsa na kahuweka huru. Yani kahuyatsia nabvise zehu. Na kwa hi hii njia, Muungu kahuyanga namuna aivyo mut̯ei kwehu

Waefeso 2:10

Muungu ndiye ahuhendezeye kuwa kintu kimodza na Kirist̯o Yesu, ili hupate kukaa na kuhenda haya mema ahutsaniiyeyo kwamba huyahende.

Waefeso 4:30

Namutsemusikit̯isa huyu Ruhu jwa Muungu. Koro huyu Ruhu ndiyo alama ya Muungu amungiziyeyo kuyanga kwamba mu wantuwe. Anakaa kuzimuni mwenu hat̯a nsiku ya Muungu adzeyomuweka huru kaḅisa kuyawana na mazuka.

Waefeso 5:26

Kaḍifwiya ili apate kuḍihendeza ḍiwe dheru kwa kuḍit̯opya na madzi na kuchiiya na kwa chuuwoche.

Wafilipi 3:9

Mimi si haḍya kawii ya kudzihwaa kuwa muhachi kwa dzambo ḍya kuiuḅa hi Sharia, koro sasa nahwajwa kuwa muhachi kwa njia ya kumuhikiza Kirist̯o. Hivi ndivyo vya Muungu evyonahuhendeza wahachi kwa kuwa na faro.

Wakolosai 1:14

Kuchiiya na kwa mwazi wa huyu Mwanawe, Muungu kahukombowa kuyawana na uhumwa wa nabvise, na kahuyatsia nabvise zehu.

Wakolosai 3:16

Hichi chuuwo cha Kirist̯o nachikae myojoni mwenu meshi. Yongweezanani na kufundana na mvidhyo. Ikaani mukimuyaviza ḍuḍa Muungu kwa kumukwimbia meya ya zaburi na meya yangine ya kumushad̯a.

1 Watesalonike 5:23

Nyakumuyombani Muungu, eyenahupfa naghea, amudherese muwe wadheru kaḅisa! Jeje namuweke maisha yenu yonse, ya mwii na ruhu, yatseewa na t̯amba zuka ḍiḍeḍyonse, hat̯a nsiku ya Ḅwana jwehu Yesu Kirist̯o adzepfouja mweedha wa pfii.

Tito 2:14

Jeje kadziyavya maishaye kwa dzambo ḍyehu, ahupfonye na mazuka yonse na kuhudheresa na nabvise zehu, huwe wantuwe jeje heket̯u weo na hamu ya kuhenda mambo mema.

Waeburania 9:12

Na Kirist̯o kanjia hapfa Pfantu Pfadheru pfa Mwiso mweedha mumodza t̯u. Na nkakunjia na mwazi wa mbuzi wala wa ngombe, jeje kayavya maishaye mwenye na kahuhendeza huwe huru maishi na maishi.

Yakobo 1:5

Muntu akitsowa mvidhyo ya kumanya namuna ya Muungu evyonatsaka huishi, namuyombe Muungu, nae anaimumpa. Koro Muungu akwakumumpani muntu kintu, anakimumpa na mojo mumodza, wala nkawezi kumuajaisa.

1 Pet̯ero 1:2

Muungu Baba jwehu kamutsana hangu kae, na mut̯engwa ni Ruhu jwakwe. Nanywi mumut̯ii Yesu Kirist̯o nae kamudheresa na mwaziwe. Muungu namuvodhye na kumumpa nagheaye kwa winji.

2 Pet̯ero 1:1

Mimi Simioni Pet̯ero, niiye muhumisi na *ntumi jwa Yesu *Kirist̯o, nyakumworeani nywinywi nyonse mumuhikiziyeo Yesu Kirist̯o, eye Muungu na mupfonya jwehu. Yesu kamuhendeza muwe na faro iyo na thamani dza hi ahupfiyeyo swiswi kwa dzambo ḍya wemawe.

1 Yohana 5:6

Yesu *Kirist̯o mwenye ndiye adziye. Kadza kat̯opyegwa na madzi, na keha mwaziwe na kafwa. Na nkakut̯opyegwa t̯u, ela kat̯opyegwa na keha mwaziwe, kafwa. Na huyu Ruhu mwenye kashuhuḍia ya kwamba haya haya ni ḍugha, koro huyu Ruhu nkanene nsuwe.

Upfenuo wa Yohana 14:4

Hawa ni hawaḍe wadziwekeyeo wadheru wasiodzichafua na wake na wakiishi maisha ya udheru. Hawa wanamuuḅa huyu Mwana Mbuzi kula epfonakwenda. Wao wakombojwa kahi ya wanaad̯amu wa huju lumwengu wawe dza nsembuko kwa Muungu na huyu Mwana Mbuzi.

Upfenuo wa Yohana 5:9

Wamwimbia wiya mupfya wakyamba, “Wewe unamala kuchihwaa hichi chuo, uivunze hi mihuri yakwe. Koro wewe kuyagwa, na kwa mwaziwo, kumukombowea wantu Muungu. Wewe kumukombowea wantu, wa kuyawa kula nsi na kyeet̯i na lugha.