1 Wakorint̯o 1:23 - Pokomo

²³ Ela swiswi hwakusumwiiyani dzuu ya Kirist̯o, apfatsikijwe muhini mwa mpatsa. Na hiḍi hiḍi dzambo, kwa hawa Wayahud̯i ni t̯ukio, na kwa wantu wasiokuwa Wayahud̯i ni uḍyura muhupfu.

1 Wakorint̯o 1:23 Iomraidhean Croise

Matayo 11:6

Na kawii mwambeni, kula asiye kajela nami kavodhyegwa.”

Matayo 13:57

Ndookomu ntavikuwatsakiza na wadziza kumuhikiza. Nae Yesu epfoona hivyo kawamba, “Hangu d̯ura nabii anahilwa kula pfantu, isipfokuwa mudzini kwao na balabalani kwao!”

Luka 2:34

Makisa Simioni kawavodhya kisa kamwambia Maria, “Huyu mwana huyu kadzawahendeza wenji wa wantu wa Isiraeli wapfonyegwe na wangine waare. Kadzawa kihambwiizo cha Muungu, ela wantu wenji wadzamudziza.

1 Wakorint̯o 1:18

Kwa hawaḍe weokwaarani, haya maagu dzuu ya kufwa kwa Kirist̯o muhini mwa mpatsa wanaona kwamba ni upuudhi. Ela kwehu swiswi hwiwokupfonywani, haya maagu yakuyangani nguvu za Muungu.

1 Wakorint̯o 1:21

Koro Muungu, kwa mupangowe mwenye, kavihendeza vitsewezakana kwa wantu kumumanya kwa njia ya mvidhyo yao ya kilumwengu. Ishinu, Muungu kahuna kuwapfonya hawaḍe weonahikiza, kwa njia ya haya maagu hwiyonasumwiiya, ya wangine weyonakwamba nza uḍyura.

1 Wakorint̯o 1:28

Muungu kawatsana hawa weonabalifwa na kunyirwa ni lumwengu, wakionegwa dza kwamba ntawakwaa kintu, apate kuwatsovya maana hawa weonahwajwa ni lumwengu kuwa na maana.

1 Wakorint̯o 2:14

Ela muntu asiyekuwa na huyu Ruhu anazidziza hizi t̯ola zizonayawa kwa Ruhu jwa Muungu. Kwakwe haya haya ni uḍyura muhupfu, na nkayaimuke, kwa dzambo ḍya kwamba yanaimukika kwa ugijo wa Ruhu t̯u.

1 Wakorint̯o 2:2

Koro niihuna kutsasumwiiya ḍingine ḍiḍeḍyonse, lamud̯a ḍya Yesu *Kirist̯o na kufwakwe muhini mwa mpatsa.

1 Wakorint̯o 4:10

Swiswi, hunahwajwa dza maḍyura kwa dzambo ḍya Kirist̯o, ela anywi mu makaro hariani mwa Kirist̯o! Swiswi ntahu nguvu, ela anywi zimudzaa t̯ipu! Nywinywi mwakuhilwani, ela aswi hwakubalifigwani!

2 Wakorint̯o 4:5

Haya hwiyokusumwiiyani si dzuu yehu swiswi, ela hwakusumwiiyani dzuu ya Yesu Kirist̯o kwamba ni Ḅwana, na kwamba swiswi hu wahumisi wenu kwa dzambo ḍya Yesu.

Wagalatia 3:1

Kut̯i nywinywi Wagalatia mwakuhendekani dza maḍyura? Munamba azi akili zenu ziyogwa? Na hali niimusumwiiya wazi wazi tswee namuna ya Yesu *Kirist̯o afwiyevyo muhini mwa mpatsa kwa dzambo ḍyenu.

Wagalatia 5:11

Wandugu zangu, t̯ambere mimi nindeewa kusumwiiyani kwamba wantu ni had̯i wahinywe, sindeewa kukuntiswani d̯ina. Koro t̯ambere nindeewa kusumwiiyani hayo hayo ḅad̯ala ya kusumwiiya dzuu ya kufwa kwa Kirist̯o muhini mwa mpatsa, nindeewa sikuwatsowea hawa Wayahud̯i.

Wagalatia 6:14

Ami le, heri nitsedziona kwa dzambo ḍiḍeḍyonse, lamud̯a hiḍi ḍya kufwa muhini mwa mpatsa kwa Ḅwana jwehu Yesu Kirist̯o. Koro, kwa dzambo ḍya huko huko kufwakwe, mambo ya huju lumwengu sasa ntaya maana kwangu, nami si maana kwa huju lumwengu.

Waefeso 3:8

Na hali kahi ya wantu wonse wa Muungu, mimi ndimi nisiyekuwa na maana jwa mwiso. Ela hat̯a vivyo, Muungu kanimpa kazi ya maana ya kuwasumwiiya wantu wa vyeet̯i dzuu ya mema makuu na makuu ya Kirist̯o yasiyo chima.

Waeburania 12:2

Nahugije kumuyowa Yesu eye muḍabvisa na mut̯imiza jwe faro yehu. Jeje kabea kufwa kwa kinyaya hapfaḍe muhini mwa mpatsa pfasipfo kuviona dza kintu, kwa dzambo ḍya tsekea eyoakiyoweeya kudzawa nayo. Na sasa kakaa mukono kuyume Uhajuni mwa Muungu.

1 Pet̯ero 2:8

Na kawii yamba, “Ni iwe ḍiḍyonahendeza wantu wakolasike wagwe.” Wanakolasika, koro ntawat̯ii chuuwo cha Muungu, ndookomu Muungu kawapangia kwamba wakolasike na kugwa dzevihivi.