1 Wakorint̯o 1:1 - Pokomo

¹ Mimi Paulo nitsanijwee kuwa *ntumi jwa Yesu *Kirist̯o kwa miro ya Muungu, pfamodza na ndugu Sositene,

1 Wakorint̯o 1:1 Iomraidhean Croise

Luka 6:13

Chamukoche nsi ipfocha, Yesu kawahana wanafund̯iwe, katsana kumi na wawii kahi yao, ahaniyeo “*Ntumi.”

Yohana 15:16

Nywinywi sinywi munitsaniyeo, ela mimi ndimi nimutsaniyee nywinywi. Na nimuhuma mwende mukavyae matunda yadzeyoonekana, ili kwamba mukimuyomba Baba kiḍechonse kwa sari ḍyangu, anakimumpa.

Yohana 20:21

Kisa Yesu kawambia kawii, “Naghea iwe nanywi. Mimi nyakumuhumani nywinywi lumwenguni dza vya Baba evyonihuma mimi.”

Mahendo 1:15

Hizihiziḍe nsiku, kwiit̯ut̯aa wantu wamuhikiziyeo *Kirist̯o chima cha gana modza na miyongo miwii. Pet̯ero kasumama kunena kahi yao.

Mahendo 1:2

hat̯a nsiku adzeyoakihwajwa dzuu mbinguni. Asidzahwajwa dzuu mbinguni, kawaḍama kwa nguvu za Ruhu Mudheru hawa wantu atsaniyeo dza *ntumi wakwe.

Mahendo 18:17

Wonse wamugija Sositene, mukuu mupfya jwa sunagogi na wamubiga pfapfaḍe pfantu pfa hukumu. Naloo ntavikumumud̯a Galio hat̯a kachuchu.

Mahendo 22:21

Ela Ḅwana kanyamba, ‘Enda, nyakukuhumani kuye kwa hawa wantu wa vyeet̯i vingine.’ ”

Warumi 1:1

Mimi Paulo, niiye muhumisi jwa *Kirist̯o Yesu, nyakumworeani nywinywi wantu wa Rumi mwiwo wahikiza. Muungu kanitsana dza *ntumi jwa Kirist̯o na kanimpa kazi ya kusumwiiya *Maagu Mema yakwe.

Warumi 1:10

kula nikwakuyombani. Nakaa nikamuyomba Muungu kwamba, ikiwa kwamba ni miroye, nangaa sasa animpe namfasi niweze kumut̯embeeya huko kwenu.

Warumi 1:5

Kuchiiya na kwa Yesu, Muungu kanivodhya niwe ntumi jwakwe, ili kwa dzambo ḍyakwe niwahendeze wantu wonse wasiokuwa Wayahud̯i wamuhikize na kumut̯ii jeje.

1 Wakorint̯o 15:9

Koro kahi ya hawa ntumi wonse, ndimi muchuchu jwa mwiso. Na sinamala hat̯a kuhanwa ntumi, kwa kwamba niiḍikuntisa d̯ina hiḍi tsanganiko ḍya Muungu.

1 Wakorint̯o 3:9

Koro swiswi hu maḅamu hwiwokumuhumikiani Muungu pfamodza, nanywi ndinywi hi nkonde ya Muungu na mambako ya Muungu.

2 Wakorint̯o 1:1

Mimi Paulo, *ntumi jwa *Kirist̯o Yesu kwa miro ya Muungu, pfamodza na ndugu yehu Timoteo, hwakworani kwenu nywinywi tsanganiko ḍya Muungu ḍiiḍyo Korint̯o na kwa wantu wonse wa Muungu weo ḍyimbo ḍya Akaya.

2 Wakorint̯o 11:5

Nimanya ya kwamba mimi nina maana kuchia hawa ntumi wenu mwiwonawahwaa kuwa na maana muno.

2 Wakorint̯o 12:12

Mimi nihenda vihambwiizo, mambo ya kumakisa na mambo ya mafara kahi yenu, huku nikiit̯isa kuhenda hi kazi yangu. Na hayo yonse nihendeyeyo, yayanga wantu kwamba mimi ni *ntumi.

2 Wakorint̯o 8:5

Na haya wahendeeyo ni zaid̯i ya hivi hwivyohukiyoweeya. Nguzi d̯ura, wao wenye wadziyavya kwa Ḅwana, kisa wadziyavya na kwehu dza vya Muungu evyowatsaka wahende.

Wagalatia 1:1

Mimi Paulo, niiye *ntumi, pfamodza na hawa wandugu wonse weo pfamodza nami hapfa, hwakumworeani nywinywi wahikiza wa matsanganiko ya ḍyimbo ḍya Galatia. Humukedhya nto! Muungu Baba na Ḅwana jwehu Yesu Kirist̯o nawamuvodhye na kumumpa naghea nto. Ntaku benaad̯amu wala muntu yuḍejwonse anitsaniye mimi kuwa ntumi. Ela Yesu Kirist̯o na Muungu Baba, huyu amufufwiiye Yesu kuyawa kwa wafu, ndiye anitsaniye mimi kuwa ntumi.

Waefeso 1:1

Mimi Paulo nitsanijwee kwa miro ya Muungu kuwa *ntumi jwa *Kirist̯o Yesu, nyakumworeani nywinywi wantu wa Muungu mwiwo Efeso musumamiyeo imara kumuuḅa Kirist̯o Yesu.

Waefeso 4:11

Ndiye apfiye wantu mat̯ola ya kuwa *ntumi, wangine wawe manabii na wangine wawe wainjilisti. Wangine kawapfa mat̯ola ya kuwa wat̯ikisa na waalimu.

Wakolosai 1:1

Mimi Paulo nitsanijwee kwa miro ya Muungu kuwa *ntumi jwa *Kirist̯o Yesu, nyakumworeani nywinywi wahikiza mwiwo Kolosai. Ami na ndugu Timoteo hwakworani hi hii ḅaruwa kwenu nywinywi wantu wa Muungu mwiwo wahikizika hariani mwa Kirist̯o. Muungu Baba jwehu namuvodhye na kumumpa naghea nto.

1 Timoteo 1:1

Mimi Paulo, ni *ntumi jwa *Kirist̯o Yesu kwa amuri ya Muungu mupfonya jwehu na kwa amuri ya Kirist̯o Yesu, huyu hwiyekudzimukwat̯yani.

1 Timoteo 2:7

Ndiyo maana nitsanijweyo dza *ntumi na mwaalimu jwa wantu wa vyeet̯i vingine, niwasumwiiye haya maagu ye faro ya hachi. Na haya niyokunenani ni ḍugha, si nsuwe hat̯a!

2 Timoteo 1:1

Mimi Paulo, nitsanijwee *ntumi jwa Kirist̯o Yesu kwa miro ya Muungu, nisumwiiye dzuu ya hi ahad̯i ya maisha hwiyonayo, hukiishi hariani mwa *Kirist̯o Yesu,