1 Timoteo 3:6 - Pokomo

⁶ Ni had̯i atseewa Mukirist̯o mwanana. Ambu sivyo, anaweza kunjijwa ni kudziona na ahukumigwe ni Muungu, dza vya Shaat̯ani evyohukumigwa.

1 Timoteo 3:6 Iomraidhean Croise

Luka 10:18

Yesu kawamba, “Nimuona Shaat̯ani kagwa nsi kuyawa mbinguni dza yupfepfe.

1 Wakorint̯o 3:1

Wandugu zanguni, mimi sikuweza kunena nanywi dza wantu mwiwo na huyu Ruhu, ela iwa inimala kunena nanywi dza kwamba mu wantu wa huju huju lumwengu, mwiwo vilelehea faroni mwa *Kirist̯o.

1 Wakorint̯o 8:1

Sasa, dzuu ya mambo ya vyakuḍya viyavijwevyo mvuugiya kwa masanamu, ni hidzaa: Humanya ya kwamba hwonse huna umanyi, dza mwivyonanena. Ela umanyi dzao unayeha kudziona, hali matsako yanambaka wantu.

2 Wakorint̯o 12:7

Ela kwa kutsaka kunivingira nitsedziona muno kwa dzambo ḍya haya mambo menji makuu makuu aniyangiyeyo, Muungu kaningiza nd̯wari ya tsungu humu mwiini. Hi nd̯wari ikaa dza ntumi jwa Shaat̯ani jwa kunigisa chisa, kunivingira kutsadziona muno.

1 Timoteo 3:7

Pia muyongozi jwa tsanganiko ni had̯i awe muntu jwa kwamba anahilwa ni wantu wa nze ya hiḍi tsanganiko, ambu sivyo, anaajaiswa na anagwa mikononi mwa Shaat̯ani.

1 Timoteo 6:4

huyo kanjijwa ni kudziona na nka kintu amanyiyecho. Muntu dzae, ana yutsamutsamu yuzuka jwa kuheha na kuḍaat̯iana na wantu. Na hivi vinayeha kufwiana ḍea, kutsowana, kutsolana-tsolana, kukajelana kuzuka

2 Timoteo 3:4

Wadzawa wantu wasiohikizika, weo na musindiiyo na weo na kudziona kwinji. Wadzatsaka raha, zaid̯i ya kumutsaka Muungu.

1 Pet̯ero 2:2

Kamiani kuḍya chakuḍya cha kiruhu dza hiviḍe vya wana vilelehea wevyonakamia kununa, ili kwamba mugije kukuya kiruhu;

1 Pet̯ero 5:5

Nanywi wayume waḍoḍo ni had̯i muwat̯ii hawa wazee wenu. Na nyonse ni had̯i muwe wampowe, mukihumikiana nywinywi na nywinywi. Koro matsoro yamba, “Muungu anawafwia t̯ei hawaḍe weo wampowe, ela wavikodzo anat̯aragiana nao.”

2 Pet̯ero 2:4

Koro ikiwa kwamba malaika wagwiyeo nabviseni t̯u, Muungu nkakuwayatsa, ishinu kawafunga-funga na minyoro na kawafat̯ula simo ḍya kiza. Na humuhumuḍe ndimo wemokuindiiyani hi Nsiku yao ya kuhukumigwa.

Yud̯a 1:6

Na pia natsaka kumukumbusya kwamba hawaḍe malaika wayayatsiyeo haya mamulaka ya Muungu awapfiyeyo, na wakikuyatsa hukuḍe kuntu kwao wapangiijweko kukaa, Muungu kawafunga-funga na minyoro isiyohunika meshi. Kisa kawangiza simo ḍya kiza wemokuindiiyani Nsiku ya kuhukumigwa.