Na kwa sariḍye, haya Maagu ni had̯i yasumwiijwe kwa vyeet̯i vyonse vya lumwengu, yakiḍabva na Yerusalemi. Na haya maagu ni kwamba, wantu wapfyehuze mama na Muungu anawayatsia nabvise zao.
Yesu kamwamba, “Mimi ndimi njia, ndimi hachi na ndimi niyenawapfa wantu maisha ya kuunga na yuungo. Muntu nkawezi kwenda kwa Baba pfasipfo kuchiiya na kwangu.
Koro natsaka hawa Waisiraeli wenzangu wamuoneye wivu kwa hivi vya Muungu evyokumuhendeani nywinywi, ili wangine wao, nao waweze kupata mupfonyo kuchiiya na kwa hi kazi niyokuhendani.
Ndiyo maana hwiyokumuud̯amani na kuhenda kazi na hiḍu kwa kwamba hwakudzimukwat̯yani Muungu eye mojo. Jeje ndiye mupfonya jwa wantu wonse, na haswa jwa hawaḍe wahikiziyeo.
Mimi Paulo, muhumisi jwa Muungu na *ntumi jwa Yesu *Kirist̯o, nyakukworeani wewe Tito. Nihumigwa niwambake faroni watsanwa wa Muungu na niwayongoze kuimanya hi hachi iyonayongweezwa ni ḍini yehu.
Ela humu myojoni mukiwa na wivu mwinji na t̯amaa ya kudzikuzya nywinywi ḅasi, namutsedziona mwambe muna mvidhyo, na hali huku mwakuikanani hi hachi ya Muungu.
Si ya kwamba Ḅwana ni mumpompowe kut̯imiza ḍamanoḍye, dza vya wangine wevyonat̯ara hat̯a. Ela kakumuit̯isiani nywinywi ili muyatse nabvise zenu mupfyehuze mama, koro nkanatsaka hat̯a mumodza jwenu aare.
Mimi muzee, nyakukworeani wewe muke utsanijwee ni Muungu. Nyakukworeani wewe na wanao nimutsakiyeo muno. Simi t̯u nimutsakiyee, ela hat̯a na hawaḍe wonse waimanyiyeo hi hachi. Wamutsaka
