1 Timoteo 1:5 - Pokomo

⁵ Na maana ya hi hii amuri ni kuhuhendeza swiswi na swiswi hutsakane na mojo mumodza. Ni had̯i hutsakane na myojo iyo na faro ya ḍugha na iyonahuhendeza humanye yeyo mema na mazuka.

1 Timoteo 1:5 Iomraidhean Croise

Matayo 12:35

Muntu mwema ananena mambo mema yeyonayawana na ntaa ya wema wa mojowe. Na muntu muzuka ananena mambo mazuka yeyonayawana na ntaa ya uzuka wa mojowe.

Matayo 5:8

Mudzawa na tsekea iyodze nywinywi mwiwo na myojo misafi, koro mudzamuona Muungu.

Mahendo 15:9

Nkakuyanga ugaragara kahi yehu Wayahud̯i na wantu wa vyeet̯i vingine. Kaidheresa myojo yao kwa dzambo wahikiza.

Mahendo 23:1

Paulo kaid̯eḍea gu hi gasa na kawamba, “Wandugu zangu! Mojo wangu ntau kajela na maisha yangu yonse usoni kwa Muungu hat̯a hiḍi hiḍi yeo.”

Mahendo 24:16

Ndookomu nahenda kula nichonaweza kut̯wa, ili niweze kuwa na mojo mwema usoni kwa Muungu na kwa wantu.”

Warumi 10:4

Koro *Kirist̯o kaikamilisha hi *Sharia, ili kwamba kula amuhikiziye awe muhachi usoni kwa Muungu.

Warumi 12:9

Hiḍi tsako ḍyenu naḍiwe tsako ḍya ḍugha. Ni had̯i muwe wantu wa kukeva kuhenda mazuka, na meshi mujwanie kuhenda mambo mema.

Warumi 14:15

Ikiwa kwamba ndugu mwenziwo anakereka kwa dzambo ḍya hivi vyakuḍya wivyonaḍya, kisa nawe unaviḍya nangere usoni yakwe, ḅasi nkukwakuyangani matsako. Manyani hivi vyakuḍya mwivyonaḍya vitsekudzananga faro za wantu wangine ambao Kirist̯o kafwa kwa dzambo ḍyao pia.

Warumi 9:1

Haya niyokutsakani kunena nza ḍugha, koro mimi ni jwa *Kirist̯o na siwezi kunena nsuwe. Hat̯a haya mat̯aro yangu yeyokuyongojwani ni huyu Ruhu Mudheru, nayo pia yakunimpani uhakika kwamba sikwakunenani nsuwe.

1 Wakorint̯o 13:1

Njia nyema ya mwiso kuchia hizi zingine ni hii: Hat̯a ninkiwa na t̯ola ya kunena lugha garagara za wanaad̯amu na za malaika, na huku si matsako kwa wangine, ḅasi kunena kwangu kwaa dza muiyo wa d̯eḅe hupfu ambu wa mbui iyokubigwani.

2 Wakorint̯o 1:12

Hwichonadziona nacho na hwicho na uhakika nacho ni kwamba, maisha yehu humu lumwenguni na uhusiano wehu nanywi, wiwa mbwa kuhikizika na wa kwambiana dza vya Muungu evyonatsaka. Hivi hivi huvihenda kwa nguvu za matsako ya Muungu, na wala si kwa mvidhyo ya kibenaad̯amu.

Wagalatia 5:22

Ela huyu Ruhu anavyaza myojoni mwa wantu haya mambo haya: matsako, tsekea, naghea, kuit̯isa, ubalicha, wema, kuhikizika,

Wagalatia 5:6

Koro kuzimuni mwa Kirist̯o Yesu, kuhinywa ambu kutsahinywa kwa muntu ntaku maana yaḍeyonse. Cha mud̯a ni serefano yehu kwa Kirist̯o iyonaonekana kuchiiya na kwa haya matsako hwiyonayo.

1 Timoteo 1:18

Timoteo mwanangu, hi amuri nyakuikupfani wewe. Iuḅana na hivi vyuuwo vya unabii vinenejwevyo hangu kae na kae dzuuyo. Vigije hivi vyuuwo viwe dza vyeera vya kujwania ndwani nyema,

1 Timoteo 1:19

na ugije kumuhikiza Kirist̯o na uwe na mojo wa kukuhambwiiza mema na mazuka. Wantu wangine wayatsa kuuḅa mama zao nyema na wainanga hi faro yao.

1 Timoteo 3:9

Ni had̯i wagije kuihikiza hi faro ya Kikirist̯o iyanganyijweyo kwehu na wawe na mojo wa kumanya wechokuhendani.

2 Timoteo 1:3

Nyakumuyavizani ḍuḍa Muungu, niyekumuhumikiani na mojo mumodza, dza viviḍe vya wabibi zangu wevyowakihenda. Kula nikwaakuyombani, namuyaviza ḍuḍa siku na musikahi kwa dzamboḍyo.

2 Timoteo 1:5

Nyakukumbukani hi faro karit̯u wiyonayo, faro dze ya yaayejo Luise na mamajo Yunaisi weyokuwa nayo. Nina hakika ya kwamba hi hii faro unayo.

2 Timoteo 2:22

Timoteo, nkudzohekwe ni t̯amaa za uḍyana, ela jwania kuishi maisha mema, uwe muhikizika kwa Kirist̯o, na uwatsake Wakirist̯o wenziwo na kuwa na naghea nao. Wewe pfamodza na hawaḍe wonse weonamuyomba Ḅwana na mojo mumodza hendani dzevihivi.

Tito 1:15

Kwa hawaḍe weo wadheru, ntaku kisichokuwa kidheru. Ela kwa hawaḍe wanangijweo ni nabvise na wasiohikiza, ntaku chicho kidheru, koro akili zao na myojo yao inangwa ni nabvise.

Waeburania 10:22

D̯ubva nahutsegeeye hafufi na Muungu na mojo mumodza pfasipfo kuwa na kajela. Ni huwe na myojo idheresejweyo mazukaye na mii idheresejweyo na madzi masafi.

Waeburania 13:18

Namutseyatsa kuhuyombea. Myojo yehu ntai wasiwasi, maanaye hunatsaka kuhenda hi ya hachi kut̯wa.

Waeburania 9:14

D̯ubva, mwazi wa Kirist̯o una nguvu zaid̯i za kuidheresa myojo yehu, hutsekaiya kuhenda mazuka, ela hupate kuhenda miro ya Muungu eye mojo. Koro kwa nguvu za huyu Ruhu Mudheru eyenaishi maishi, Kirist̯o kadziyavya kwa Muungu dza mvuugiya isiyo kapet̯a.

Yakobo 4:8

Mudziyeni Muungu hafufi, nae anamudziya hafufi. Ela nywinywi wanabvise na mwiwo wambiimbii, yatsani mahendo yenu mazuka na muyavye mat̯aro mazuka myojoni mwenu!

1 Pet̯ero 1:22

Na sasa, kwa dzambo muit̯ii hi hachi, mudhereswa kuyawana na nabvise zenu, na muwatsaka na mojo hawa wahikiza wenzenu. D̯ubva tsakanani na mojo ḍugha,

1 Pet̯ero 3:16

Ela viwambieni na umpowe na kwa njia ya hila. Ni had̯i mukimanya mwichokuhendani ili kwamba kwa dzambo ḍya t̯aḅia zenu nyema za Kikirist̯o, muwagize yutswa hawaḍe weonamunenea mazuka.

1 Pet̯ero 3:21

Haya madzi ye zuruwa yayanga mufaano wa kut̯opyegwa kwenu kwa hizi hizi ngera. Kut̯opyegwa si kudheresa nongo ḍya mwii hat̯a; ela ni hukuḍe kuahid̯i na mojo mumodza kudziyavya kwa Muungu. Huku kut̯opyegwa kunamupfonya kuchiiya na kufufuka kwa Yesu Kirist̯o.

1 Pet̯ero 4:8

Zaid̯i ya vyonse, tsakanani na mojo, koro matsako yanayeha mayatsiyo ya nabvise nyinji.

2 Pet̯ero 1:7

Mukwakuishini maisha ya kumutsakiza Muungu, ni had̯i muwatsake na mojo mumodza hawa wahikiza wenzenu, na muwatsake wantu wonse pia.

1 Yohana 3:10

Ugaragara kahi ya wana wa Muungu na wana wa Shaat̯ani hunaumanya hidzaa: yuḍejwonse asiyehenda yeyo ya hachi, ambu yuḍejwonse asiyemutsaka ndugujwe, huyo si mwana jwa Muungu.

1 Yohana 3:23

Eyokuhuamuruni huhende ni kwamba, humuhikize Yesu Kirist̯o, huyu Mwanawe, na hutsakane dza vya Kirist̯o ahuamuriyevyo.

1 Yohana 3:3

Kula muntu eyekudzikwat̯yani kumuona Kirist̯o, anadziweka udheruni, dza vya Kirist̯o aivyo Mudheru.