1 Timoteo 1:17 - Pokomo

¹⁷ Huyu Haju eyenat̯awala maishi na kuunga na yuungo, asiyeonekana, na eye Muungu jeje heket̯u, hunamumpa shad̯u na hila maishi na maishi! Amina.

1 Timoteo 1:17 Iomraidhean Croise

Matayo 25:34

Makisa kadzanena na hawaḍe weo mukono wakwe wa kuyume kadzawamba, ‘Nywinywi muvodhyejweo ni Baba jwangu, nzoni. Nzoni munjie Uhajuni mwa Muungu muuelekanyizijweo hangu kuumbwa kwa lumwengu.

Matayo 28:20

Na pia muwayongweeze kuvigija hiviḍe vyonse nimuamuriyevyo nywinywi. Na hachi nyakumwambiani, mimi nya pfamodza nanywi nsiku zonse mumpaka mwiso wa lumwengu.”

Matayo 6:13

Nkudzohuyehe pfantu pfa kuḍemwa, ela uhupfonye mazukani. [Koro Uhaju mbwako, na nguvu na marembo, hat̯a pfasipfosia. Amina.’]”

Yohana 1:18

Ntaku amuoneye Muungu lamud̯a huyu Mwana jwa Muungu jeje heket̯u ambaye jeje mwenye ni Muungu. Jeje na huyu Baba wana uhusiano wa hafufi muno, na ndiye amuhendezeye huyu Baba amanyikane aivyo.

Yohana 5:44

Nywinywi mutsaka kushad̯ana nywinywi na nywinywi, na wala ntamulache kushad̯igwa ni huyu eye Muungu jeje heket̯u. Ndiyo maana ntamuwezi kunihikiza mimi.

Warumi 1:20

Hangu kuumbwa kwa lumwengu, wantu wesakuviona hiviḍe vyonse vya Muungu aumbiyevyo. Yani kuchiiya na kwa hivi aumbiyevyo, wanaad̯amu wesakuuona hu Umuunguwe na uwezowe usiwo chima, ingawa jeje mwenye nkaonekane na matso. Ndookomu ntawa kipfangizo kiḍechonse cha kutsamut̯ii Muungu!

Warumi 1:23

Ḅad̯ala ya kumuyomba huyu Muungu mwenye nguvu eyenaishi maishi, wananjia kuyombani miungu ya masanamu. Hi miungu yao ingine ni masanamu ya wanaad̯amu, na hali mwanaad̯amu ni kiumbe chichonafwa kikawowa! Miungu yao ingine ni masanamu ya nyuni ambu ya waḍondo wangine garagara.

Warumi 11:36

Koro Muungu ndiye aumbiye kula kintu, na ndiye eyenahendeza kula kintu kiwepfo. Na vyonse kaviumba kwa dzambo ḍyakwe. Ndookomu anamala kushad̯wa hat̯a pfasipfosia! Amina.

Warumi 16:27

Ndookomu nahumushad̯eni Muungu koro ndiye Muungu jeje heket̯u. Na ndiye amanyiye kula chicho cha sawa cha kuhenda. D̯ubva kwa dzambo ḍya hivi vya Yesu Kirist̯o ahuhendeeyevyo, hunamala kumushad̯a Muungu maishi na maishi! Amina.

Warumi 2:10

Kenge kwa hawaḍe wonse weonahenda mema, Muungu kadzawakuzya na kuwapfa hila nkuu na naghea. Na haya haya mambo kadzayawahendea hangu Wayahud̯i mumpaka wantu wa vyeet̯i vingine.

Warumi 2:7

Hawaḍe weonagija kuhenda mema na kulacha kwamba Muungu awakuzye na kuwahendeza wapfegwe hila na kuwa na maisha yasiyosia; wantu dzao, Muungu anawapfa maisha ya kuunga na yuungo.

Wakolosai 1:15

Muungu nkaonekane, ela kuzimuni mwa Kirist̯o hunaona namuna ya Muungu aivyo. Kirist̯o ana mamulaka dzuu ya kula kintu kiumbijwecho.

Waeburania 11:27

Kwa kwamba Musa ewa kamuserefat̯a Muungu, kanuka na Misiri pfasipfo kuwa na oga wa ngoro ya huyu haju. Jeje nkakukwira nyuma kawii, kagija kwenda t̯u, dza kwamba ewa kakumuonani huyu Muungu asiyeonekana.

Waeburania 2:7

Kumuweka nsii ya hawa malaika kwa muḍa, kisa kumumpa marembo na kumuhendeza ahilwe.

1 Pet̯ero 5:11

Muungu ndiye mwenye uwezo wonse, sasa na hat̯a pfasipfosia. Amina.

2 Pet̯ero 3:18

Ela gijani kudzikwat̯ya t̯ei ya Ḅwana na mupfonya jwehu Yesu *Kirist̯o na mugije kumumanya jeje zaid̯i na zaid̯i. Ḅwana napfegwe shad̯u hangu hi hii saasambi, na hat̯a pfasipfosia. Amina.

1 Yohana 4:12

Gula ntaku amuoneye Muungu meshi. Ela hukitsakana swiswi na swiswi, Muungu anawa na haria naswi na wangine wanaona matsakoye kuchiiya na kwehu.

Yud̯a 1:25

Muungu eye Mupfonya jwehu jeje heket̯u ashad̯we kuchiiya na kwa Ḅwana jwehu Yesu Kirist̯o. Marembo, nguvu, uhaju na mamulaka, mvyakwe hangu ngera zichiiyezo, sasa, na hat̯a pfasipfosia. Amina.

Upfenuo wa Yohana 15:3

Hawa hawa wantu wekikwimba wiya wa huyu Mwana Mbuzi na Musa muhumisi jwa Muungu. Hu wiya unakwamba, “E Ḅwana Muungu mwenye nguvu zonse, mahendoyo ni makuu na ya kumakisa! Wewe wiye Haju jwa vyeet̯i na vyeet̯i, njiazo zonse nza hachi na nza ḍugha!

Upfenuo wa Yohana 17:14

Yadzaungana pfamodza nae kujwana viha na huyu Mwana Mbuzi. Ela huyu Mwana Mbuzi na wantuwe kadzawashinda wonse, koro jeje ni Haju jwa mahaju na ni Ḅwana jwa maḅwana wonse. Na hawaḍe wonse weo wakwe ni wantu awatsaniyeo na akiwahana kuwa wakwe, na ni wahikizika.”

Upfenuo wa Yohana 19:1

Huyu malaika epfonena akisa, nisikia saut̯i iyokuwa dza madzwi ya t̯ut̯a nkuu ya wantu iyoikyamba, “Ḅwana ashad̯we! Mupfonyo unapatikana kwa Muungu jeje heket̯u. Jeje ndiye mwenye nguvu na eyenamala kushad̯wa.

Upfenuo wa Yohana 19:16

Na hapfa kiweoni pfakwe, hiḍi vwaziḍye ḍyoregwa hivi vyuuwo hivi: “Haju jwa mahaju na Ḅwana jwa maḅwana.”

Upfenuo wa Yohana 19:6

Kisa nisikia saut̯i zizokuwa dza madzwi ya wantu wenji zikaiyezo dza saut̯i ya mvuha ya madzi menji na maḅaḅat̯u. Hizi saut̯i zyamba, “Ḅwana ashad̯we! Koro Ḅwana Muungu jwehu mwenye nguvu zonse ndiye Haju!

Upfenuo wa Yohana 7:12

Wamba, “Amina. Muungu jwehu anamala kushad̯wa kwa dzambo ḍya uwezowe mukuu, mvidhyoye na nguvuze. Jeje anamala kukuzwa na kuyavizwa ḍuḍa na kuhilwa maishi na maishi. Amina.”