1 Timoteo 1:16 - Pokomo

¹⁶ Ela kwa hiḍi hiḍi dzambo, Muungu ewa mut̯ei kwangu. Na kanipfonya ili kwamba Kirist̯o Yesu aweze kuwayanga wantu wangine namuna aivyo mwema na mumpowe. Na kwa dzambo ḍya kwamba mimi ndimi niyekuwa munabvise mukuu jwa mwiso, nikaa dza mufaano wa kuyanga kula muntu, kwamba yuḍejwonse adzeyemuhikiza Kirist̯o anapata maisha ya kuunga na yuungo.

1 Timoteo 1:16 Iomraidhean Croise

Luka 15:10

Dza vivyo, malaika wa Muungu wanatsekea kwa dzambo ḍya munabvise mumodza apfyehuziye mama.”

Luka 23:43

Yesu kamwamba, “Hachi nyakukwambiani, yeo unawa pfamodza nami *Paradiso.”

Luka 7:47

D̯ubva nyakumwambiani, matsako makuu ya huyu muke ayangiyeo ni ushaahiḍi kwamba nabviseze ziizo nyinji kaziyatsijwa. Ela yuḍejwonse ayatsiijwe kachuchu anayanga matsako machuchu.”

Yohana 20:31

Ela haya yorejweyo, yoregwa ili mupate kuhikiza kwamba Yesu ni Mwana jwa Muungu na ndiye huyu *Masiya. Yoregwa ili kwamba, kwa kumuhikiza jeje muweze kuwa na maisha ya kuunga na yuungo.

Yohana 3:36

Kula amuhikiziye huyu Mwana ana maisha ya kuunga na yuungo. Ela kula asiyemut̯ii huyu Mwana, huyo nkawezi kuwa na maisha ya kuunga na yuungo, ishinu hukumu ya Muungu imukaiya.”

Yohana 5:24

Hachi nyakumwambiani, huyuḍe eyenasikiiya vyuuwo vyangu na akimuserefat̯a huyuḍe anihumiye, huyo ana maisha ya kuunga na yuungo. Muntu dzae nkawezi kuhukumigwa, koro kesakuyawa kufwani na kanjia kuishini maisha yasiyosia.

Yohana 6:37

Hat̯a vivyo, hawaḍe wonse wa Baba eonanimpa wanakudza kwangu. Nami hawaḍe wonse weonakudza kwangu siwezi kuwafat̯ula meshi!

Yohana 6:40

Koro Baba anatsaka kwamba, kula anihambwiiye mimi dza Mwana jwa Muungu na akinihikiza, huyo awe na maisha ya kuunga na yuungo. Nami nidzamufufuya nsiku ya mwiso.”

Yohana 6:54

Ela huyuḍe eyenaḍya hu mwii wangu na kunwa hu mwazi wangu, huyo anawa na maisha ya kuunga na yuungo, nami nidzamufufuya nsiku ya mwiso.

Warumi 15:4

Yonse yorejweyo matsoroni hangu kae na kae, yoregwa kuhuyongweeza swiswi. Haya haya matsoro yanahungiza mojo ili hugije kuindiiya hayaḍe ya Muungu ahuahid̯iyeyo, huku hukiit̯isa mad̯inani.

Warumi 6:23

Koro t̯ubvo ḍya kuhenda nabvise ni kufwa. Ela hi t̯ola ya Muungu ayaviyeyo ni maisha ya kuunga na yuungo kuchiiya na kwa Kirist̯o Yesu Ḅwana jwehu.

1 Wakorint̯o 7:25

Sasa, dzuu ya hawa wasiodzahwaa ambu wasiodzahwajwa, si amuri ya kumumpa kuyawa kwa Ḅwana, ela nyakumumpani mat̯aro yangu. Serefat̯ani nivyokunenani, maanaye mimi ni muntu nifwiijwe t̯ei ni Ḅwana na akinihendeza muntu jwa kuserefat̯ika.

2 Wakorint̯o 4:1

Muungu kahupfa hu huu uhumisi kwa t̯eiye, ndookomu naswi ntahufwe mojo kuuhenda.

Waefeso 1:12

Muungu kahenda hivi ili kwamba, swiswi Wayahud̯i, hwiwokuwa wa d̯ura wa kumuserefat̯a Kirist̯o, huwahendeze na wantu wangine wamushad̯e Muungu kwa dzambo ḍya wemawe.

Waefeso 1:6

D̯ubva nahumushad̯eni Muungu kwa dzambo ḍya namuna ahufwiiyevyo t̯ei muno kuchiiya na kwa huyu Mwanawe mutsakwa.

Waefeso 2:7

Muungu kahenda hivi ili kwamba, ngera zonse zidzezokudza, wantu waone namuna aivyo mut̯ei kuchia chima kuchiiya na kwa Kirist̯o Yesu.

2 Watesalonike 1:10

Haya yanahendeka nsiku ya Ḅwana adzeyokudza, kudzayanga maremboye kwa wantuwe wamuhikiziyeo. Wao wadzamumakia na kumushad̯a kwa dzambo ḍya maremboye. Nanywi pia mudzamushad̯a hiyo hiyo nsiku kwa kwamba muyahikiza haya huyamusumwiiyeyo dzuuye.

1 Timoteo 1:13

hat̯a ingawa hapfaḍe d̯ura niimunenea mazuka, niimukuntisa d̯ina na kumutsola. Ela Muungu kawa munanso kwangu, kwa dzambo ḍya kwamba niwa sidzamuhikiza Kirist̯o, na niwa sidzi niyonikihenda.

Waeburania 7:25

Ndookomu jeje anaweza kuwapfonya kut̯wa hawaḍe wonse weonamwendea Muungu kuchiiya kwakwe, kwa kwamba jeje anakaa maishi kuwayombea kwa Muungu.

1 Pet̯ero 3:20

Hizi ziwa ni ruhu za hawaḍe wadziziyeo kumut̯ii Muungu hangu kae, ngera za Nuhu. Nuhu epfoakielekanya hi safina, Muungu kawaindiiya muno wapfyehuze mama wapfone. Ela wantu wanjiiyeo humu safinani wewa ni wanane t̯u, nao ndiwo wapfoneyeo na hi zuruwa.

2 Pet̯ero 3:15

Huku kuit̯isa kwa Ḅwana ekokumuit̯isiani, kuhwaeni dza namfasi eyokumumpani mupate kupfonyegwa, dza vya ndugu yehu mutsakwa Paulo amworeevyo kwa mvidhyo aipfegejweyo ni Muungu.

2 Pet̯ero 3:9

Si ya kwamba Ḅwana ni mumpompowe kut̯imiza ḍamanoḍye, dza vya wangine wevyonat̯ara hat̯a. Ela kakumuit̯isiani nywinywi ili muyatse nabvise zenu mupfyehuze mama, koro nkanatsaka hat̯a mumodza jwenu aare.