1 Timoteo 1:15 - Pokomo

¹⁵ Hu muneno wambiyeo, Kirist̯o Yesu kadza lumwenguni adzeawapfonye wanabvise, ni muneno wa ḍugha wa kwamba wantu wauhikize. Nami mimi mwenye, niiwa ndimi munabvise mukuu jwa mwiso.

1 Timoteo 1:15 Iomraidhean Croise

Matayo 1:21

Maria kadzavyaa mwanamuyume nawe kudzamumpa sari, kudzamuhana Yesu. Koro jeje kadzawapfonya wantuwe kuyawana na nabvise zao.”

Matayo 18:10

D̯ubva manyani mutsebalifa hat̯a mumodza jwa hawa hawa wantu wanihikiziyeo, weo dza wana vichuchu. Koro hachi nyakumwambiani, hawa malaika wao saa zonse waa usoni pfa Baba jwangu jwa mbinguni.”

Matayo 20:28

Koro hat̯a nami mimi Mwana jwa Ad̯amu sikudzia kuhumikijwa, ela nidza dza muhumisi. Na pia nidzia kuyayavya maisha yangu yawe mupfonyo wa wenji.”

Matayo 9:13

Endani mukalache maana ya haya matsoro yambiiyeyo, ‘Mimi si haḍya ya mvuugiya zenu, ela natsaka mukifwiyana t̯ei nywinywi kwa nywinywi.’ Koro mimi sikudzia wantu weonadziona kwamba ni wahachi, ela nidzia wanabvise.”

Marko 2:17

Yesu epfowasikia, kawambukuya kawamba, “Weo na matsea ntawanalacha muriit̯a, weonalacha muriit̯a ni hawaḍe weo wajwazi. Mimi sikudzia wantu weonadziona kwamba ni wahachi, ela nidzia wanabvise.”

Luka 15:2

*Mafarisayo na waalimu wa *Sharia waḍabva kuḅuguma-ḅuguma wakyamba, “Huyu muntu huyu anakaa na kuwakaraḅisha wanabvise na kuḍya hat̯a nao le!”

Luka 19:10

Koro mimi *Mwana jwa Ad̯amu nidziya kuwalacha na kuwapfonya hawaḍe waariyeo.”

Luka 5:32

Mimi sikudzia wantu weonadziona kwamba ni wahachi, ela nidzia wanabvise wapfyehuze mama.”

Yohana 1:12

Ela hawaḍe wonse wamupfokeeyeo, yani hawaḍe wamuhikiziyeo, kawapfa hachi ya kuwa wana wa Muungu.

Yohana 1:29

Ḅaad̯a ya kuhumijwa hawaḍe wantu, chamukoche Yohana kamuona Yesu akwakumudziani, nae kamba, “Huyu ndiye huyu Mwana Mbuzi jwa Muungu adzeenuya nabvise za lumwengu!

Yohana 12:47

Muntu eyenasikia vyuuwo vyangu kisa akatsaviuḅa, huyo hi hii saasambi siwezi kumuhukumu. Koro mimi sikudzia kujuhukumu lumwengu, ela nidzia kujupfonya.

Yohana 3:36

Kula amuhikiziye huyu Mwana ana maisha ya kuunga na yuungo. Ela kula asiyemut̯ii huyu Mwana, huyo nkawezi kuwa na maisha ya kuunga na yuungo, ishinu hukumu ya Muungu imukaiya.”

Mahendo 11:1

Hawa *ntumi na wandugu weokuwa ḍyimbo ḍya Yud̯aya, wonse wasikia kwamba wangine wa hawa wantu wa vyeet̯i vingine nao wakipfokea chuuwo cha Muungu.

Mahendo 11:18

Wepfosikia hivi, wayatsa hizi alano zao na wamushad̯a Muungu wakyamba, “D̯ubva Muungu kawapfa kupfyehuza mama hat̯a na wantu wa vyeet̯i vingine wapate kukaa mojo!”

Mahendo 3:26

Ndookomu Muungu kamutsana na kumuhuma nguzi muhumisijwe kwenu Amuvodhye kwa kumuhendeza nyonse mupfyehuze njia zenu nzuka.”

Warumi 11:14

Koro natsaka hawa Waisiraeli wenzangu wamuoneye wivu kwa hivi vya Muungu evyokumuhendeani nywinywi, ili wangine wao, nao waweze kupata mupfonyo kuchiiya na kwa hi kazi niyokuhendani.

Warumi 5:6

Koro hwipfokuwa amaale ntahudziwezi hat̯a kachuchu, Kirist̯o kadza na wakati mwema ḍa, na kafwa kwa dzambo ḍyehu hwonse hwiwo wanabvise.

1 Wakorint̯o 15:9

Koro kahi ya hawa ntumi wonse, ndimi muchuchu jwa mwiso. Na sinamala hat̯a kuhanwa ntumi, kwa kwamba niiḍikuntisa d̯ina hiḍi tsanganiko ḍya Muungu.

Waefeso 3:8

Na hali kahi ya wantu wonse wa Muungu, mimi ndimi nisiyekuwa na maana jwa mwiso. Ela hat̯a vivyo, Muungu kanimpa kazi ya maana ya kuwasumwiiya wantu wa vyeet̯i dzuu ya mema makuu na makuu ya Kirist̯o yasiyo chima.

1 Timoteo 1:13

hat̯a ingawa hapfaḍe d̯ura niimunenea mazuka, niimukuntisa d̯ina na kumutsola. Ela Muungu kawa munanso kwangu, kwa dzambo ḍya kwamba niwa sidzamuhikiza Kirist̯o, na niwa sidzi niyonikihenda.

1 Timoteo 1:19

na ugije kumuhikiza Kirist̯o na uwe na mojo wa kukuhambwiiza mema na mazuka. Wantu wangine wayatsa kuuḅa mama zao nyema na wainanga hi faro yao.

1 Timoteo 3:1

Hu muneno huu ni muneno wa ḍugha: Yuḍejwonse eye na hamu ya kuwa muyongozi jwa tsanganiko kadzitsania kazi nyema.

1 Timoteo 4:9

Hivi vyuuwo nineneyevyo ni vyuuwo vya ḍugha vivyonamala kuhikizwa tswee.

1 Timoteo 6:13

Na nyakukuamuruni usoni kwa Muungu, eyenapfa viumbe vyonse maisha, na usoni ya Kirist̯o Yesu, ayaviye ushuhuḍa wa hachi usoni ya Pontio Pilato:

2 Timoteo 2:11

Hu muneno hu ni muneno wa ḍugha: Ikiwa kwamba hufwa na Kirist̯o, pia hudzaishi pfamodza nae.

Tito 3:8

Hivi ni vyuuwo vya ḍugha. Natsaka uyangizie hiḍu haya mambo, ili kwamba hawaḍe wamuhikiziyeo Muungu, wamuud̯amie kuhenda mambo mema. Wakihenda hivi ni urembo na vina maana kwa kula muntu.

Waeburania 7:25

Ndookomu jeje anaweza kuwapfonya kut̯wa hawaḍe wonse weonamwendea Muungu kuchiiya kwakwe, kwa kwamba jeje anakaa maishi kuwayombea kwa Muungu.

1 Yohana 3:5

Mumanya ya kwamba Kirist̯o kadzia kuhunwiiya nabvise zehu, na mumanya ya kwamba jeje nka nabvise.

1 Yohana 3:8

Ela kula agijiye kuhenda nabvise, huyo ni mwana jwa Shaat̯ani, kwa dzambo ḍya kwamba Shaat̯ani kaḍabva kuhenda nabvise hangu pfapfaḍe ḍabvu. D̯ubva maana ya huyu Mwana jwa Muungu adziiyeyo, ni kunanga-nanga hizi kazi za Shaat̯ani.

1 Yohana 5:11

Na hu ushaahiḍi hwiwo nao ni huu wa kwamba, Muungu kahupfa maisha ya kuunga na yuungo. Na haya haya maisha kayahupfa na kwa Mwanawe.

Upfenuo wa Yohana 21:5

Na huyuḍe akaiye hapfaḍe pfe kiti cha kihaju kamba, “T̯ayowa, nyakuyahendani mambo yonse kuwa mapfya.” Kisa kanyamba, “Vyore hivi nivyokukwambiani, koro ni vyuuwo vya kuhikizika na mvya ḍugha.”

Upfenuo wa Yohana 22:6

Kisa huyu malaika kanyamba, “Hivi ni vyuuwo vya kuhikizika na mvya ḍugha. Ḅwana Muungu ndiye eyenawawezesa hawa manabii kuyavya maagu yao kuchiiya na kwa huyu Ruhu jwakwe. Nae ndiye amuhumiye malaika jwakwe adzeawayange wahumisiwe haya ya kwamba ni had̯i yahendeke si hat̯a kae.”

Upfenuo wa Yohana 5:9

Wamwimbia wiya mupfya wakyamba, “Wewe unamala kuchihwaa hichi chuo, uivunze hi mihuri yakwe. Koro wewe kuyagwa, na kwa mwaziwo, kumukombowea wantu Muungu. Wewe kumukombowea wantu, wa kuyawa kula nsi na kyeet̯i na lugha.