1 Pet̯ero 5:8 - Pokomo

⁸ Pfyenuyani matso na muchimize! Koro huyu nyabva jwenu, Shaat̯ani, kakuzingani dza nsimba eyekuvumiizani, akilacha muntu jwa kumuḍya.

1 Pet̯ero 5:8 Iomraidhean Croise

Matayo 13:39

Huyu nyabva endeyeakishat̯a mbeju za pfaiya, ni Shaat̯ani. Hi ngera ya mavuno, maanaye ni mwiso wa lumwengu, na hawa wantu wa kuvuna ni malaika.

Matayo 24:42

Ndookomu nyakumwambiani mumire, koro ntamuidzi hi nsiku ya huyu Ḅwana jwenu adzeyokudza.

Matayo 25:41

Yesu kagija kunena kamba, “Makisa huyu haju kadzawaperukia hawaḍe weo mukono tsonso wakwe awambe, ‘Haya ninukiani hapfa nywinywi wantu muḍuijweo! Endani kwa moho usiozimika maishi, welekanyijweo kwa dzambo ḍya Shaat̯ani na malaikawe.

Matayo 4:1

Makisa Yesu kayongojwa ni Ruhu Mudheru kenda hat̯a yuwandani, endeyekoakiḍemegwa ni Shaat̯ani.

Matayo 4:11

D̯ubva Shaat̯ani kamuyatsa, na kudza malaika wakimuhumikia Yesu.

Marko 4:15

Wantu wangine waa dza hizi mbeju zigwiyezo njiani. Wanakisikia hichi chuuwo, ela iyo saa Shaat̯ani anakudza akachiwapfoka myojoni mwao.

Luka 21:34

D̯ubva manyani mutsehekwa ni kuḍya kwinji na kuruma, wala mirumiru za maisha ya lumwengu huju, ili hiyo hiyo nsiku itsemudzia na ḅwikira.

Luka 21:36

Mirani na kuyomba muno mupate nguvu za kuyachia na naghea haya haya mambo yonse yadzeyohendeka, ili mudze musumame usoni yangu mimi Mwana jwa Ad̯amu.”

Luka 22:31

Makisa Yesu kamuhana Simioni Pet̯ero kamwamba, “Simioni, Simioni! Shaat̯ani kayatsigwa amuḍeme nyonse, dza vya muntu evyonapfepfenta nganu akait̯anya na mapfapfi.

Yohana 8:44

Nywinywi mwa dza huyu baba jwenu Shaat̯ani. Mutsaka kuhenda haya mazuka ya huyu baba jwenu eyonahenda. Jeje Shaat̯ani, ni muyaji hangu ḍabvu na kaikeva hi hachi, koro jeje katsaka nsuwe meshi. Na epfonanena nsuwe anawa kakuyangani hivi aivyo, koro jeje ni munsuwe na ni baba jwa wansuwe.

2 Wakorint̯o 2:11

Nahenda hivi nipate kumutsovya Shaat̯ani nguvu dzuu yehu, koro malengoye huyamanya.

Waefeso 4:27

Nkudzomumpe Shaat̯ani namfasi ya kukuḍema akugise nabviseni.

Waefeso 6:11

Vwaani silaha zonse mupfegejwezo ni Muungu ili mupate kuid̯angara mipango mizuka ya Shaat̯ani.

1 Timoteo 2:15

Ela muke anapfonywa kuchiiya na kwa kuvyaa wana, ikiwa kwamba kait̯isa faroni mwa Yesu, akiwa na matsako na udheru, na wema wa t̯aḅia.

1 Timoteo 2:9

Na hawa wake natsaka wakae wakivwaa urembo. Ni wakae wakivwaa nguo za hila. Nawatsekaiya kurembosa nywii kuchia chima, ambu kudzifayat̯a na vija vya dhahaḅu, lulu na marinda ghali ghali.

1 Timoteo 3:11

Hawa wakazao nao, ni had̯i wawe wantu wa t̯aḅia nyema, na watseewa wantu wa nyano. Ni had̯i wawe wantu watuvu na weonahikizika kwa kula kintu.

1 Timoteo 3:2

Muyongozi jwa tsanganiko ni had̯i awe muntu asiyealat̯ika. Ni had̯i awe muyume jwa muke mumodza t̯u, awe mutuvu, awe na mvidhyo, awe muntu jwa kuhilwa, awe muntu jwa kukaraḅisha wageni nyumbani mwakwe na awe muntu eyenaweza kuyongweeza wantu.

2 Timoteo 4:17

Ela Ḅwana kanisumamia na kunimpa nguvu. Ndookomu haya Maagu Mema yonse niweza kuyasumwiiya yapate kusikijwa ni wantu wonse wa vyeet̯i vingine, na Muungu mwenye kanipfonya na kufwa.

Tito 1:8

Ishinu, ni had̯i awe muntu jwa kukaraḅisha wageni nyumbani mwakwe, na awe muntu atsakiye mema. Ni had̯i awe muntu jwa kudzimiza, muntu jwa kuhenda yeyo ya hachi, muntu mudheru na muntu jwa kuwa na chima.

Tito 2:12

Hayo hayo matsakoye, yakuhuyongweezani kwamba huyatse kuishi maisha mazuka na t̯amaa za kilumwengu, huishi maisha ya kudzimiza, yeyo madheru, na ya kimuungu humu humu lumwenguni,

Tito 2:2

Wambe hawa wazee wa kiyume wawe wantu watuvu, wantu wa t̯aḅia nyema, wantu wa mvidhyo, na wawe wantu wa faro, wantu wa matsako, na wantu wa kuit̯isa.

Tito 2:4

ili kwamba wake waḍoḍo wadziyongweeze kuwatsaka wayume wao na wana wao.

Tito 2:6

Dza vivyo, wafunde hawa wayume waḍoḍo wawe wantu wa kudzimiza.

Yakobo 4:7

D̯ubva nywinywi dziwekeni nsii ya mamulaka ya Muungu. T̯aragianani na Shaat̯ani, nae anamud̯arama.

1 Pet̯ero 1:13

D̯ubva pfenuyani matso muyat̯ariye haya haya urembo, na madzikwat̯yo yenu yonse yawe kwa hi t̯ei mudzeyofwijwa ni Yesu Kirist̯o, adzepfokudza.

1 Pet̯ero 4:7

Mwiso wa lumwengu umaawa hafufi. Ndookomu ni had̯i muzigwaze akili zenu na muwe wantu wa kudzimiza ili muweze kukaa na kuyomba.

Upfenuo wa Yohana 12:10

Kisa nisikia saut̯i nkuu kuyawa mbinguni ikyamba, “Ehe! Sasa Muungu jwehu kakuwapfonyani wantuwe na kamakut̯awalani na mamulaka makuu! Huyu Mutsanwa jwakwe sasa anayanga uwezowe eo nao! Koro huyu eyeakisumama usoni ya huyu Muungu jwehu na kuwasit̯aki hawa wenzehu siku na musikahi, sasa kamagiswa nsii na nkawezi kusumama awasit̯aki kawii!

Upfenuo wa Yohana 12:12

Ndookomu tsekeani muno nywinywi mwiwo kukaani mbinguni! Ela nywinywi mwiwokukaani lumwenguni na ḅaharini mujwakukunta d̯ina muno! Koro Shaat̯ani kamusukia na ngoro nkali muno akimanya ya kwamba nka muḍa muyeya wa kuihenda hi kaziye!”

Upfenuo wa Yohana 12:9

Ndookomu ḍifat̯ulwa nsii lumwenguni ḍiḍyo na malaikawe. Hiḍi hiḍi ḍyoka ni iiḍe nyoka ya hangu kae na kae, iyonahanwa Muzuka ambu Shaat̯ani. Na huyu ndiye eyekujwaaryani huju lumwengu jwonse.

Upfenuo wa Yohana 20:10

Huyu Shaat̯ani awaariye kafat̯ulwa humuḍe mwa hiḍi ziwa ḍiḍyonawaka moho wa maḅiliḅili. Humuḍe ndimo kufat̯ulijwemo huyuḍe binensa na huyu *nabii jwa nsuwe. Wadzakuntiswa d̯ina siku na musikahi, maishi na maishi.

Upfenuo wa Yohana 20:2

Kaḍigija hiḍiḍe ḍyoka, yani iiḍe nyoka ya hangu kae na kae iyonahanwa Muzuka ambu Shaat̯ani, na kamufunga kwa myaka elefu modza.