1 Pet̯ero 5:3 - Pokomo

³ Namutsedzihendeza wakuu kwa hawaḍe weo nsii yenu, kenge uyangeni hu mwona mufaano mwema wa maisha ya Kikirist̯o.

1 Pet̯ero 5:3 Iomraidhean Croise

Yohana 13:15

Mimi nisakumuyanga nywinywi mufaano wa kuuḅa ili mupate kuhendeana dza hivi nimuhendeeyevyo.

Mahendo 20:28

Dzit̯unzeni wenye na kuwat̯unza wahikiza wonse wayatsijweo mikononi mwenu ni Ruhu Mudheru. Wani wat̯ikisa wa tsanganiko ḍya Muungu, aḍidzigwiiyeḍyo kwa mwazi wa Mwanawe.

1 Wakorint̯o 11:11

Hat̯a vivyo, hukwaa hariani mwa Ḅwana, muke ni muhimu kwa muyume, na muyume ni muhimu kwa muke.

1 Wakorint̯o 3:5

Hivi ami na aḍe Apolo munamba hu aḍe ga? Swiswi hu wahumisi t̯u wa Muungu humuhendezeyeo mukihikiza. Kula mumodza jwehu kakuhendani hi kazi ya Ḅwana amumpiyeyo.

1 Wakorint̯o 3:9

Koro swiswi hu maḅamu hwiwokumuhumikiani Muungu pfamodza, nanywi ndinywi hi nkonde ya Muungu na mambako ya Muungu.

2 Wakorint̯o 1:24

Hamu yehu si kudzihendeza wakuu wa kumwambia haya mwiyonamala kuhikiza, koro faro yenu ni ngoru. Hwichonatsaka, ni kuhenda kazi nanywi mupate kuwa na tsekea.

2 Wakorint̯o 4:5

Haya hwiyokusumwiiyani si dzuu yehu swiswi, ela hwakusumwiiyani dzuu ya Yesu Kirist̯o kwamba ni Ḅwana, na kwamba swiswi hu wahumisi wenu kwa dzambo ḍya Yesu.

Wafilipi 3:17

Wandugu zangu, t̯aḅani hu mufaano wa haya maisha yangu. Hwisakumuyanga mufaano mwema, ndookomu dziyongweezeni kuyawana na hawaḍe weokuuḅani hu huu mufaano.

Wafilipi 4:9

Meshi ikaani mukiyahenda haya mudziyongweezeyeyo kuyawa kwangu. Hangu mambo munisikiiyeyo ninkinena, na hat̯a munioneyeyo ninkiyahenda. Na Muungu, huyu eyenahupfa naghea anawa nanywi.

1 Watesalonike 1:7

Ndookomu mukaa dza mufaano hangu kwa wahikiza weo ḍyimbo ḍya Makedonia hat̯a kwa hawaḍe weo Akaya.

2 Watesalonike 3:9

Huhenda kazi dza hivi, hupate kuwa mufaano kwenu wa kuuḅa, wala si kwa kwamba ntahwiiwa na hachi ya kumulacha nywinywi ugijo dzao.

1 Timoteo 4:12

Nkudzowayatse wantu wakubalife kwa dzambo ḍya kwamba u mwana, ela ikaa dza mufaano kwa hawa wahikiza, kwa kunena kwako, t̯aḅia yako, matsakoyo, na kwa kuhikizika kwako na uishi maisha yasiyo alano.

Tito 2:7

Wewe mwenye ni had̯i uwe mufaano wa mahendo mema kwao kwa kula dzambo udzeḍyohenda. Waa muntu jwa kuhikizika na wiyenamuud̯ama ukwakuyongweezani.

1 Pet̯ero 2:9

Kenge nywinywi mu kyeet̯i kidheru cha wantu watsanijweo ni Muungu. Kamuyavya kizani kamungiza muyangani muwe wakohani wa hila nkuu, ili muweze kulalabva haya mafara yakwe ya kumakisa.