1 Pet̯ero 5:12 - Pokomo

¹² Nyakumworeani hi hii ḅaruwa mfufi kwa ugijo wa Sila, nimuserefat̯ie dza ndugu. Nyakumworeani kumungiza mojo na nikishuhuḍia kwamba haya ndiyo matsako ya ḍugha ya Muungu. D̯ubva yagijeni na nguvu.

1 Pet̯ero 5:12 Iomraidhean Croise

Yohana 21:21

Pet̯ero epfomuona, kamuuza Yesu kamwamba, “Ḅwana, ehe ayu?”

Mahendo 11:23

Epfokwenda akiona hiviḍe vya Muungu awahendeeyevyo mema hawa wantu, katsekea na kawafunda wonse wagije kumuserefat̯a Ḅwana na mojo mumodza.

Mahendo 15:22

D̯ubva, hawa ntumi na wazee, pfamodza na tsanganiko ḍyonse, wahuna kutsana wantu kahi yao wa kuwahuma Antiokia pfamodza na Paulo na Baranaba. Ndookomu wamutsana Sila na Yud̯a ahanijwe Barisaba. Hawa wantu wowii wewa wayongozi kahi ya hawa wandugu.

Mahendo 20:24

Kenge hat̯a vivyo haya maisha yangu sikwakuyaonani na maana muno kwangu. Cha mud̯a kwangu ni kwisa hi kazi ya Ḅwana Yesu animpiyeyo kuhenda. Yani kazi ya kulalabva *Maagu Mema ya t̯ei ya Muungu.”

Warumi 5:2

Kirist̯o kahupfa njia ya kuifikia hi hii t̯ei ya Muungu huipatiyeyo hi hii saasambi kwa dzambo ḍya faro zehu. Ndookomu naswi hunatsekea kwa haya madzikwat̯yo hwiyonayo, ya kwamba Muungu kadzahungiza maremboni mwakwe.

1 Wakorint̯o 15:1

Sasa wandugu zangu, natsaka kumukumbusya haya *Maagu Mema nimusumwiiyeyo, muyapfokeeyeyo na yamusumamisiyeyo kiruhu.

2 Wakorint̯o 1:19

Koro Yesu Kirist̯o Mwana jwa Muungu, huyu humumusumwiyee mimi, na Sila na Timoteo, si muntu jwa kwamba iyo saa anakwamba, “Ndivyo,” na iyo saa akamba, “Sivyo.” Ishinu jeje ndiye hi “Ndivyo” ya Muungu.

2 Wakorint̯o 1:24

Hamu yehu si kudzihendeza wakuu wa kumwambia haya mwiyonamala kuhikiza, koro faro yenu ni ngoru. Hwichonatsaka, ni kuhenda kazi nanywi mupate kuwa na tsekea.

Waefeso 3:3

Muungu kainipfenwiiya hi ngadziye iyofitsika kwa wantu. Nami nisakumworea kwa uchuchu dzuu ya hi hii ngadzi.

Waefeso 6:21

Nyakumuhumani Tukiko kwenu amuyeheye maagu dzuu ya hali yangu na haya niyokuhendani huku. Jeje ni muhumisi muhikizika jwa Ḅwana na ni ndugu humutsakiyee muno. D̯ubva nyakumuhumani kwenu adzeamumpe maagu, mumanye hali huiyo na apate kumungiza mojo.

Wakolosai 1:7

dza mwivyosumwiijwa ni mutsakwa jwehu Epafuro. Jeje nae ni muhumisi mwenzehu. Ni muhumisi muhikizika jwa Kirist̯o, na kakuhumikani kwa dzambo ḍyenu.

Wakolosai 4:7

Nyakumuhumani Tukiko kwenu adzeamumpe maagu dzuu yangu. Jeje ni ndugu muhikizika humutsakiyee muno. Ni muhumisi mwenzehu eyekunigijiijani kuhenda kazi ya Ḅwana. Nimuhuma byeka adzeamungize mojo na amumpe maagu dzuu ya hali yehu huku huiko.

Wakolosai 4:9

Nyakumuhumani jeje na Onesimo. Onesimo ni ndugu muhikizika humutsakiyee muno, eye mumodza jwenu. Jeje na Tukiko wanamumpa maagu dzuu ya kula kintu.

1 Watesalonike 1:1

Mimi Paulo, pfamodza na Sila na Timoteo, hwakumworeani nywinywi wantu wa tsanganiko ḍya Muungu Baba na Ḅwana jwehu Yesu *Kirist̯o, ḍiḍyo Tesalonike. Hwakumuyombeani Muungu amuvodhye na kumumpa naghea nto.

2 Watesalonike 1:1

Mimi Paulo, pfamodza na Sila na Timoteo, hwakumworeani nywinywi wantu wa tsanganiko ḍya Muungu Baba na Ḅwana jwehu Yesu *Kirist̯o, ḍiḍyo Tesalonike.

Waeburania 13:22

D̯ubva wandugu zangu, nyakumuyombani mutsetsoka kusikiiya hivi vyuuwo vya kungiza mojo nivyokumwambiani. Koro hi hii ḅaruwa nimworeeyo si ndeya ya kwambadze.

1 Pet̯ero 1:13

D̯ubva pfenuyani matso muyat̯ariye haya haya urembo, na madzikwat̯yo yenu yonse yawe kwa hi t̯ei mudzeyofwijwa ni Yesu Kirist̯o, adzepfokudza.

1 Pet̯ero 4:10

Kula mumodza ni had̯i awahumikie wangine na haya mat̯ola ya kiruhu apfegejweyo ni Muungu. Haya haya mat̯ola garagara muyapfokeeyo kwa t̯eiye ni had̯i muyatumie urembo.

2 Pet̯ero 1:12

Ndiyo maana nisiyoyatsa kumukumbusya kawii na kawii dzuu ya haya haya mambo, ingawa muyamanya, na muigija na mikono miwii hi hachi muisumwiijweyo.

2 Pet̯ero 2:15

Waiyatsa hi njia nyema na wagija njia zao waara; koro wauḅa hi njia ya Balamu mwana jwa Beori, eyekuwa t̯ayari kuhenda mazuka apate kuipfwa fwedha.

3 Yohana 1:12

Wantu wonse wakunenani wema wa Demetirio. Na hat̯a namuna eyonakigija hichi chuuwo cha hachi, vinayanga kwamba ni muntu mwema. Naswi hwakwongezani na ushaahiḍi wehu, nawe mwenye kumanya ya kwamba hwichokunenani swiswi ni ḍugha.

Yud̯a 1:3

Watsakwa, gula ninkitsaka muno kwamba nimworeye dzuu ya hu mupfonyo huupatiyeo hwonse. Ela niona kwamba ni urembo nimworeye kwamba muyaheheye haya *Maagu Mema muyahikiziyeyo. Hi hachi ya haya haya Maagu Mema, Muungu kaiyavya kwa hawaḍe wonse weo wakwe na ntaiperuke meshi.