1 Pet̯ero 3:21 - Pokomo

²¹ Haya madzi ye zuruwa yayanga mufaano wa kut̯opyegwa kwenu kwa hizi hizi ngera. Kut̯opyegwa si kudheresa nongo ḍya mwii hat̯a; ela ni hukuḍe kuahid̯i na mojo mumodza kudziyavya kwa Muungu. Huku kut̯opyegwa kunamupfonya kuchiiya na kufufuka kwa Yesu Kirist̯o.

1 Pet̯ero 3:21 Iomraidhean Croise

Matayo 28:19

D̯ubva endani kwa wantu wa vyeet̯i vyonse mukawahendeze kuwa wanafund̯i wangu, mukiwat̯opya kwa sari ḍya Baba na Mwana na Ruhu Mudheru.

Marko 16:16

Huyuḍe adzeyehikiza na akit̯opyegwa anapfonywa, ela asiyehikiza anahukumigwa.

Yohana 13:9

D̯ubva Pet̯ero kamwamba, “Ḅasi ikiwa kwamba ni hivyo, nkudzonikose maguu t̯u, ela nikosa ne mikono ne kitswa pia!”

Mahendo 16:33

Huyu mwamia kamuhwaa Paulo na Sila iiḍe saa ya uo siku, kenda kawosa mad̯a zao. Na iyo saa jeje na nyumbaye yonse wat̯opyegwa.

Mahendo 2:38

Pet̯ero kawambukuya kamba, “Pfyehuzani mama, kula mumodza jwenu, na mut̯opyegwe kwa sari ḍya Yesu Kirist̯o ili mupate kuyatsijwa nabvise zenu. Nae Muungu anamumpa t̯olaye ya Ruhu Mudheru.

Mahendo 22:16

D̯ubva, kwakuindani? Nawe nuka umuyombe Ḅwana akuyatsie nabvisezo upate kut̯opyegwa!’ ”

Mahendo 8:36

Wepfokuwa charoni amaale, wenda wakumpwiiya pfantu pfepfo na kibwola cha madzi. Na huyuḍe mukuu kamba, “Hayano madzi. Ni kintu ga cha kunit̯iidhya nitset̯opyegwa?”

Warumi 5:14

Ingawa hangu ngera ya Ad̯amu hat̯a ngera ya Musa apfegejweyo hi Sharia wantu wekifwa, ntawekifwa kwa dzambo ḍya kuvunza amuri ya Muungu dza hiviḍe vya Ad̯amu ahendeevyo. Ad̯amu ewa ni dza kivwii cha huyuḍe adzeekudza, yani Kirist̯o.

1 Wakorint̯o 12:13

Koro hwonse hut̯opyegwa ni Ruhu mumodza na hugala mwii mumodza. Hangu Wayahud̯i na wantu wasiokuwa Wayahud̯i, hangu wahumwa na wantu wasiokuwa wahumwa, hwonse humupfegwa yuyo Ruhu mumodza myojoni mwehu.

1 Wakorint̯o 4:6

Wandugu zanguni, haya yonse nineneyeyo dzuu ya Apolo nami, ni kwa manufaa yenu. Nimuhwaa Apolo nami dza mufaano mupate kuimuka maana ya hu muneno hu: “Gijani haya yorejweyo.” Nakutseewa muntu jwa kudziona kwa dzambo ḍya muntu huyu na kubalifa hawaḍe wangine.

2 Wakorint̯o 1:12

Hwichonadziona nacho na hwicho na uhakika nacho ni kwamba, maisha yehu humu lumwenguni na uhusiano wehu nanywi, wiwa mbwa kuhikizika na wa kwambiana dza vya Muungu evyonatsaka. Hivi hivi huvihenda kwa nguvu za matsako ya Muungu, na wala si kwa mvidhyo ya kibenaad̯amu.

2 Wakorint̯o 7:1

Watsakwa, hizi hizi ahad̯i Muungu kazihuwekea swiswi. D̯ubva nahudzidherese kwa kuyatsa kula kintu chichonaihendeza mii yehu na ruhu zehu kutsaawa nd̯eru. Nahuishi maisha ya udheru muhupfu kwa dzambo ḍya kushooga kumutsowea Muungu.

Wagalatia 3:27

Koro mwipfot̯opyegwa kuzimuni mwa Kirist̯o, mumuvwaa Kirist̯o.

Waefeso 5:26

Kaḍifwiya ili apate kuḍihendeza ḍiwe dheru kwa kuḍit̯opya na madzi na kuchiiya na kwa chuuwoche.

Wakolosai 2:12

Koro mwipfot̯opyegwa mwiiwa dza kwamba muzikwa pfamodza na Kirist̯o na mufufujwa pfamodza nae. Mupata maisha mapfya kwa dzambo mumuserefat̯a Muungu mwenye nguvu zonse, amufufwiiye Kirist̯o kuyawa kwa wafu.

1 Timoteo 1:5

Na maana ya hi hii amuri ni kuhuhendeza swiswi na swiswi hutsakane na mojo mumodza. Ni had̯i hutsakane na myojo iyo na faro ya ḍugha na iyonahuhendeza humanye yeyo mema na mazuka.

1 Timoteo 6:12

Dza vya muntu jwa mbio evyonamuud̯ama akiwa kud̯aramani, nawe henda mala wiyonaweza uwe Mukirist̯o wiyenahikizika, upate kupata t̯ubvo ḍya maisha ya kuunga na yuungo. Koro ndiyo maisha ya Muungu akuhaniiyeyo, wipfot̯ima faro yako usoni ya mashaahiḍi wenji na wenji.

Waeburania 10:22

D̯ubva nahutsegeeye hafufi na Muungu na mojo mumodza pfasipfo kuwa na kajela. Ni huwe na myojo idheresejweyo mazukaye na mii idheresejweyo na madzi masafi.

Waeburania 11:19

Iburahimu ewa kahikiza kwamba, Muungu ana uwezo wa kufufuya hat̯a muntu afwiye. D̯ubva hivi vya Iburahimu amupfegejwevyo mwenye huyu mwanawe, ni dza kwamba huyu mwana ewa kafwa kisa kafufujwa kuyawa kwa wafu.

Waeburania 13:18

Namutseyatsa kuhuyombea. Myojo yehu ntai wasiwasi, maanaye hunatsaka kuhenda hi ya hachi kut̯wa.

Waeburania 9:14

D̯ubva, mwazi wa Kirist̯o una nguvu zaid̯i za kuidheresa myojo yehu, hutsekaiya kuhenda mazuka, ela hupate kuhenda miro ya Muungu eye mojo. Koro kwa nguvu za huyu Ruhu Mudheru eyenaishi maishi, Kirist̯o kadziyavya kwa Muungu dza mvuugiya isiyo kapet̯a.

Waeburania 9:24

Koro Kirist̯o nkakunjia pfantu pfadheru pfaelekanyijwepfo ni wanaad̯amu na pfepfo mufaano wa hapfaḍe pfantu pfenye, ela kanjia mbinguni kwenye. Na hukuḍe, kenda kasumama usoni kwa Muungu kwa dzambo ḍyehu.

1 Pet̯ero 1:3

Nahumuyavizeni ḍuḍa Muungu, eye Baba jwa Ḅwana jwehu Yesu Kirist̯o; koro kahufwiya t̯ei muno, hat̯a kahupfa maisha mapfya. Kwa dzambo ḍya kwamba kamufufuya Yesu Kirist̯o kuyawa kwa wafu, kahupfa madzikwat̯yo makuu.

1 Pet̯ero 3:16

Ela viwambieni na umpowe na kwa njia ya hila. Ni had̯i mukimanya mwichokuhendani ili kwamba kwa dzambo ḍya t̯aḅia zenu nyema za Kikirist̯o, muwagize yutswa hawaḍe weonamunenea mazuka.