1 Pet̯ero 3:17 - Pokomo

¹⁷ Koro ikiwa kwamba ni miro ya Muungu kwamba mukunte d̯ina, d̯ubva ni heri kukunta d̯ina kwa dzambo ḍya kuhenda mema, kuliko kukunta d̯ina kwa dzambo ḍya kuhenda mazuka.

1 Pet̯ero 3:17 Iomraidhean Croise

Matayo 26:39

Kisa kenda kausoni kachuchu, kadzigisa funama mutsangani na kayomba kamba, “E Baba jwangu, nakuyomba ikiwezekana ukininwiiye hichi chikombe cha tsungu wa haya mad̯ina nidzeyokunta. Kenge si kwa miro yangu, ela miroyo naihendeke.”

Matayo 26:42

Kisa Yesu kanuka kawii ende akayombe mweedha wa pfii. Na kayomba kamba, “Baaba, ikiwa kwamba hichi hichi chikombe cha tsungu wa mad̯ina ntachiwezi kuninukia lamud̯a nikinwe, ḅasi Baba, miroyo naihendeke.”

Mahendo 18:21

Ishinu akwakunukani kawamba, “Muungu akitsaka, namuujia kawii.” Makisa kanjia chomboni kanuka Efeso.

Mahendo 21:14

Hwipfodhimwa kumuyomba atsekwenda, hwamba, “Hunayomba ya kwamba miro ya Ḅwana ihendeke.”

1 Pet̯ero 1:6

Kwa dzambo ḍyevihivi, tsekeani muno ingawa hi saasambi ni had̯i mupatwe ni kula namuna ya maḍemo kwa muḍa.

1 Pet̯ero 2:15

Koro miro ya Muungu ni kwamba, mukihenda mema, munawasumisa hawa wantu maḍyura weonadzibobochea vyuuwo ḅasi pfasipfo kuimuka.

1 Pet̯ero 2:20

Koro kuna d̯aha ga, muntu akibigwa kwa dzambo ḍya tsowa ahendeeḍyo ḍugha kisa akait̯isa? Ikiwa kwamba muntu kakunta d̯ina kwa dzambo ḍya kuhenda mema, na kait̯isa, Muungu anatsakizwa nae.

1 Pet̯ero 3:14

Kenge hat̯a ikiwa kwamba mukuntiswa d̯ina kwa dzambo ḍya kuhenda mema, tsekeani muno! Namutseshooga kiḍechonse, nolawe kuhangaika myojoni mwenu.

1 Pet̯ero 4:15

Mukwakukuntiswani d̯ina, ntamu ruhusa ya kukuntiswa d̯ina kwa dzambo ḍya uyaji, wivi, kuvunza sharia, ambu untuntu.

1 Pet̯ero 4:19

D̯ubva ikiwa kwamba Muungu kaona vyema kwamba mukunte d̯ina, ḅasi gijani kuhenda yeyo ya hachi na kumuserefat̯a jeje, koro ndiye amuumbiye, nae ni muhikizika.