1 Pet̯ero 3:16 - Pokomo

¹⁶ Ela viwambieni na umpowe na kwa njia ya hila. Ni had̯i mukimanya mwichokuhendani ili kwamba kwa dzambo ḍya t̯aḅia zenu nyema za Kikirist̯o, muwagize yutswa hawaḍe weonamunenea mazuka.

1 Pet̯ero 3:16 Iomraidhean Croise

Matayo 5:11

Mudzawa na tsekea iyodze, nywinywi mukitsolwa ni wantu, na kukuntiswa d̯ina na kunenejwa kula aina ya nsuwe kwa dzambo ḍyangu.

Mahendo 24:16

Ndookomu nahenda kula nichonaweza kut̯wa, ili niweze kuwa na mojo mwema usoni kwa Muungu na kwa wantu.”

Mahendo 28:22

Ela hundetsaka kusikiiya mat̯aroyo. Koro humanya ya kwamba kula pfantu wantu ntawakit̯aki hichi kit̯aro uicho.”

Warumi 9:1

Haya niyokutsakani kunena nza ḍugha, koro mimi ni jwa *Kirist̯o na siwezi kunena nsuwe. Hat̯a haya mat̯aro yangu yeyokuyongojwani ni huyu Ruhu Mudheru, nayo pia yakunimpani uhakika kwamba sikwakunenani nsuwe.

2 Wakorint̯o 1:12

Hwichonadziona nacho na hwicho na uhakika nacho ni kwamba, maisha yehu humu lumwenguni na uhusiano wehu nanywi, wiwa mbwa kuhikizika na wa kwambiana dza vya Muungu evyonatsaka. Hivi hivi huvihenda kwa nguvu za matsako ya Muungu, na wala si kwa mvidhyo ya kibenaad̯amu.

2 Wakorint̯o 4:2

Mambo ya yutswa yeyonahendwa kisiri-siri, swiswi huyadziza. Ntahukwaa wantu wa makulekule wala wantu weonakiperuya chuuwo cha Muungu kinene nsuwe. Swiswi hi hachi ya haya *Maagu Mema, hunainena wekeani tswee na Muungu akiwa shaahiḍi. Hunahenda hivi, hukidzikwat̯ya kwamba kula muntu anaona kwamba haya hwiyokuhendani ni mambo ya sawa.

1 Timoteo 1:19

na ugije kumuhikiza Kirist̯o na uwe na mojo wa kukuhambwiiza mema na mazuka. Wantu wangine wayatsa kuuḅa mama zao nyema na wainanga hi faro yao.

1 Timoteo 1:5

Na maana ya hi hii amuri ni kuhuhendeza swiswi na swiswi hutsakane na mojo mumodza. Ni had̯i hutsakane na myojo iyo na faro ya ḍugha na iyonahuhendeza humanye yeyo mema na mazuka.

2 Timoteo 1:3

Nyakumuyavizani ḍuḍa Muungu, niyekumuhumikiani na mojo mumodza, dza viviḍe vya wabibi zangu wevyowakihenda. Kula nikwaakuyombani, namuyaviza ḍuḍa siku na musikahi kwa dzamboḍyo.

Tito 2:8

Ikaa ukiyongweeza mambo yeyo sawa kaḅisa, ya kwamba ntayawezi kukungiza kualat̯wani, ili upate kuwakanyera hawa nyabvao, watseepata kintu kizuka kiḍechonse cha kunena dzuu yehu.

Waeburania 13:18

Namutseyatsa kuhuyombea. Myojo yehu ntai wasiwasi, maanaye hunatsaka kuhenda hi ya hachi kut̯wa.

Waeburania 9:14

D̯ubva, mwazi wa Kirist̯o una nguvu zaid̯i za kuidheresa myojo yehu, hutsekaiya kuhenda mazuka, ela hupate kuhenda miro ya Muungu eye mojo. Koro kwa nguvu za huyu Ruhu Mudheru eyenaishi maishi, Kirist̯o kadziyavya kwa Muungu dza mvuugiya isiyo kapet̯a.

1 Pet̯ero 2:12

Ikaani na t̯aḅia nyema kahi ya hawa walumwengu, ili kwamba hat̯a wakimunenea mazuka, wayaone haya mahendo yenu mema na waweze kumushad̯a Muungu nsiku adzeyokudza.

1 Pet̯ero 2:15

Koro miro ya Muungu ni kwamba, mukihenda mema, munawasumisa hawa wantu maḍyura weonadzibobochea vyuuwo ḅasi pfasipfo kuimuka.

1 Pet̯ero 2:19

Muungu anatsakizwa nanywi, ikiwa kwamba muit̯isa mad̯ina yasiyomumala kukunta, kwa dzambo ḍya kwamba muimanya miroye.

1 Pet̯ero 3:21

Haya madzi ye zuruwa yayanga mufaano wa kut̯opyegwa kwenu kwa hizi hizi ngera. Kut̯opyegwa si kudheresa nongo ḍya mwii hat̯a; ela ni hukuḍe kuahid̯i na mojo mumodza kudziyavya kwa Muungu. Huku kut̯opyegwa kunamupfonya kuchiiya na kufufuka kwa Yesu Kirist̯o.

1 Pet̯ero 4:4

Na sasa hawa walumwengu wakumakani, wakimuona kwamba ntamukwakugijanani nao na kuhenda haya mambo mazuka mazuka weyonahenda; ndookomu wanjia kumutsezeani.