1 Pet̯ero 3:14 - Pokomo

¹⁴ Kenge hat̯a ikiwa kwamba mukuntiswa d̯ina kwa dzambo ḍya kuhenda mema, tsekeani muno! Namutseshooga kiḍechonse, nolawe kuhangaika myojoni mwenu.

1 Pet̯ero 3:14 Iomraidhean Croise

Matayo 10:28

Namutsewashooga hawaḍe weonaweza kumuyaga mii ḅasi na hali ntawa uwezo wa kuziyaga ruhu zenu. Ela mushoogeni Muungu, koro jeje ana uwezo wa kungiza *mohoni mwii na ruhu ya muntu, na avinange-nange tswee.

Matayo 10:31

Ndookomu namutseshooga kiḍechonse, koro kwa Muungu nywinywi muna maana zaid̯i kuchia hat̯a kumbi zima ḍya nsongo.

Matayo 10:39

Yuḍejwonse atsakiye kuyapfonya maishaye ya hapfa lumwenguni anadzitsovya maisha ya kuunga na yuungo. Ela huyuḍe eye t̯ayari kudzitsovya maishaye ya lumwenguni kwa dzambo ḍyangu, huyo anapata maisha ya kuunga na yuungo.

Matayo 16:25

Yuḍejwonse atsakiye kuyapfonya maishaye ya hapfa lumwenguni, anadzitsovya maisha ya kuunga na yuungo. Ela huyuḍe eye t̯ayari kudzitsovya maishaye ya hapfa lumwenguni kwa dzambo ḍyangu, huyo anapata maisha ya kuunga na yuungo.

Matayo 19:29

Na kula amuyatsiye ise na nina ambu wanduguzwe, wanawe, madzumbaye ambu hat̯a makondeye kwa dzambo ḍyangu, huyo anapfokea myeedha gana zaid̯i na anapata maisha ya kuunga na yuungo.

Marko 10:29

Yesu kamwamba, “Hachi nyakumwambiani, kula ayatsiye nyumbaye, wanduguzwe, wavyaziwe, wanawe ambu makondeye kwa dzambo ḍyangu na haya *Maagu Mema niyonayongweeza,

Marko 8:35

Koro yuḍejwonse atsakiye kuyapfonya maishaye ya hapfa lumwenguni, anadzitsovya maisha ya kuunga na yuungo. Ela huyuḍe eye t̯ayari kudzitsovya maishaye ya hapfa lumwenguni kwa dzambo ḍyangu na haya Maagu Mema yangu, huyo anapata maisha ya kuunga na yuungo.

Yohana 14:1

Yesu kanena na wanafund̯iwe kawamba, “Namutsesukusika myojo! Nywinywi muserefat̯eni Muungu na muniserefat̯e nami.

Yohana 14:27

Nichokumuyatsiani ni naghea ya myojo. Na hi hii naghea niyonamumpa mimi siyo hi naghea ya lumwengu iyonaweza kumumpa. D̯ubva namutsesukusika myojo na wala namutseewa na oga.

Mahendo 9:16

Na mimi mwenye namuyanga menji yadzeyomumala kukuntiswa d̯ina kwa dzambo ḍyangu.”

2 Wakorint̯o 12:10

Ndookomu natsekea kukunta d̯ina kwa dzambo ḍya Kirist̯o. Sione viwi nikiwa mudhaifu ambu nikihendejwa mazuka, ninkiwa na t̯uri ambu nikiteswa na kukuntiswa d̯ina. Koro nipfonasiijwa ni nguvu zangu ndipfo nipfonapata nguvu za Kirist̯o.

Wafilipi 1:29

Koro hi hii namfasi maalumu mupfegejweyo, ntamukuipfegwa kwa kumuhikiza Kirist̯o t̯u, ela hat̯a na kwa kukuntiswa d̯ina kwa dzambo ḍyakwe.

Yakobo 1:12

Heri muntu eyenapatwa ni maḍemo na akait̯isa! Koro akiit̯isa hat̯a akiyashinda, Muungu anamumpa t̯ubvo ḍya maisha ya kuunga na yuungo. Hiḍi ni t̯ubvo ḍya Muungu aahid̯iyeḍyo kuḍiwapfa hawaḍe wonse wamutsakiyeo.

Yakobo 5:11

Hwonse, wantu wait̯isiyeo hunawahwaa kwamba ni wavodhyegwa. Na nywinywi wenye musikia namuna ya Ayubi ait̯isiyevyo mad̯inani na mumanya hayaḍe ya Muungu adzeyoakimuhendea mwisoni. Hakika Muungu ni Muungu mut̯ei na munanso.

1 Pet̯ero 3:6

Hat̯a Sara ewa dzevihivi. Kamuhila Iburahimu hat̯a ekimuhana “Ḅwana jwangu.” Nanywi yeo, ikiwa kwamba muhenda hachi pfasipfo kushooga kiḍechonse, munawa dzae.