1 Pet̯ero 3:11 - Pokomo

¹¹ Ni had̯i ayatse kuhenda mazuka na ahende mambo mema. Ni had̯i alache naghea na ailache na hiḍu.

1 Pet̯ero 3:11 Iomraidhean Croise

Matayo 5:45

Mukihenda hivi, munawa wana wa huyuḍe Baba jwenu jwa yuwinguni. Koro jeje anaḍiwaza hiḍi dzuwa kwa wantu wema na wazuka pia. Ananyesa mvuya kwa wantu weonahenda miro ya Muungu na hat̯a kwa hawaḍe wasiohenda miro ya Muungu.

Matayo 5:9

Mudzawa na tsekea iyodze nywinywi mwiwonangiza naghea, koro mudzahanigwa wana wa Muungu.

Matayo 6:13

Nkudzohuyehe pfantu pfa kuḍemwa, ela uhupfonye mazukani. [Koro Uhaju mbwako, na nguvu na marembo, hat̯a pfasipfosia. Amina.’]”

Marko 14:7

Wantu masikini munao na mujwakuwa nao nsiku zonse, na kula mutsakiyepfo munaweza kuwahendea mema. Ela mimi sikwakuwa pfamodza nanywi nsiku zonse.

Luka 1:79

Ḍiwayangaiye wantu wonse, waringijweo ni kiza cha kufwa, ili ahuyongowe kwiko machiyo ya naghea.”

Luka 6:35

Ela mimi nyakumwambiani, watsakeni nyabva wenu na muwahendeye mema. Wapfaseni pfasipfo kuyoweeya kugalichizwa. Mukihenda dzavyo Muungu anamumpa t̯ubvo kuu. Nanywi munawa wana wa Muungu awee dzuu. Jeje ni mwema kwa hawaḍe wasio ḍuḍa na hat̯a kwa wazuka.

Luka 6:9

Makisa Yesu kawauza, kawamba, “Sharia yehu inahumala kuhenda kintu ga na nsiku ya Sabato? Kuhenda dzambo dzema, ambu kuhenda dzambo zuka? Kupfonya ambu kuyaga?”

Yohana 17:15

Mimi sikwakuyombani kwamba uwanuye lumwenguni, ela nyakukuyombani uwachinge na Muzuka Shaat̯ani.

Warumi 12:18

Kwa yupfande jwenu, ḍemani kula mwivyonaweza ili muishi na naghea na kula muntu.

Warumi 14:17

Koro Uhaju wa Muungu ntau cha kwamba hwakuḍyani vyakuḍya gani ambu hwakunwani kintu ga. Cha maana ni kwamba hunamala kuwa wahachi na kukaiyana na naghea na tsekea. Haya haya ni mambo hwiyonayapfegwa ni Ruhu Mudheru.

Warumi 14:19

Ndookomu meshi nahuḍemeni kula hwivyonaweza ili huhende hayaḍe mambo yeyonayeha naghea na yeyonahuwezesa kumbakana swiswi na swiswi.

Warumi 5:1

Na kwa kwamba Muungu anahuhwaa kuwa wahachi usoni kwakwe kwa dzambo ḍya faro zehu, ḅasi huna naghea na Muungu kuchiiya na kwa Ḅwana jwehu Yesu *Kirist̯o.

Warumi 7:19

Haya mema niyonakaa na kutsaka kuyahenda siyahende, ishinu nahenda haya mazuka nisiyotsaka kuyahenda.

Warumi 7:21

Ndookomu naona kwamba vinikaiya dza sharia ya kwamba kula ninkitsaka kuhenda mema, haya mazuka ndiyo niyonatsana kuhenda.

Warumi 8:6

Huyuḍe eyenaiyatsa hi akili yakwe ikat̯aria mambo ya kimwii, anadziyeheya kufwa. Ela huyuḍe eyenadziyatsia kuyongojwa ni huyu Ruhu jwa Muungu, Muungu anamumpa maisha mapfya na naghea.

Wagalatia 5:22

Ela huyu Ruhu anavyaza myojoni mwa wantu haya mambo haya: matsako, tsekea, naghea, kuit̯isa, ubalicha, wema, kuhikizika,

Wagalatia 6:10

D̯ubva, nahuhende mambo mema kwa wantu wonse kula hwipfonapata namfasi. Na haswa nahuwahendeye mema hawaḍe weo wahikiza wenzehu.

Wakolosai 3:15

Kula mumodza jwenu ni dza kiiriiri cha hu mwii wa Kirist̯o, na Muungu kamutsana muwe wantuwe na mupate kukaiyana na naghea. D̯ubva hi myojo yenu nait̯awaligwe ni hi naghea ya Kirist̯o amumpiyeyo, na meshi muwe wantu wa kumuyaviza ḍuḍa Muungu.

1 Timoteo 6:18

Waamuru wahende mema, wawe majabva wa mahendo mema, wawe wabalicha na wawe wantu wa kugeana wevyonavyo.

Waeburania 12:14

Ḍemani kukaiyana na naghea na wantu wonse na muishi maisha ya udheru, maanaye ntaku adzeyemuona Ḅwana pfasipfo kuishi maisha madheru.

Waeburania 13:16

Namutseyatsa kuwahendea mema wangine. Gijiijanani na hiviḍe mwivyonavyo, maanaye mukihenda hivyo, ni dza kuyavya mvuugiya zizonamutsakiza Muungu.

Yakobo 4:17

D̯ubva, muntu amanyiye hi ya hachi ya kuhenda kisa akatsaihenda, huyo kakuhendani nabvise.

1 Pet̯ero 3:12

Koro matso ya Ḅwana yanawaona hawaḍe weo wadheru, na masikiyoye yanasikia mayombo yao. Ela weonahenda mazuka jeje anat̯aragiana nao.”

3 Yohana 1:11

Mutsakwa, nkudzot̯aḅe myenendo mizuka, t̯aḅa myenendo myema. Kula eyenahenda mema huyo njwa Muungu. Ela kula eyenahenda mazuka nkadzamumanya Muungu.