1 Pet̯ero 2:25 - Pokomo

²⁵ Koro mwiiwa dza mbuzi ziariyezo, ela sasa mumagala kwa huyu Mut̯ikisa eyenazit̯ikisa hizi ruhu zenu.

1 Pet̯ero 2:25 Iomraidhean Croise

Matayo 18:12

Yesu kawauza hawa wanafund̯iwe kawamba, “Ikiwa kwamba muntu ana mbuzi gana, na mbuzi modza yaara maisoni, anahendadze? Nkaaziyatsa aziḍe mbuzi miyongo kenda na kenda kukuḍe maisoni na anaḍabva kuilacha aiḍe mbuzi modza yaarieyo?

Matayo 9:36

Epfoona hivi vit̯aro vya wantu vivyovikimwendea, kawasikit̯ikia muno. Koro kawaona dza mbuzi zisizokuwa na mut̯unga. Kawaona kwamba wekihangaika na ntaweewa na madzikwat̯yo yaḍeyonse.

Mahendo 20:28

Dzit̯unzeni wenye na kuwat̯unza wahikiza wonse wayatsijweo mikononi mwenu ni Ruhu Mudheru. Wani wat̯ikisa wa tsanganiko ḍya Muungu, aḍidzigwiiyeḍyo kwa mwazi wa Mwanawe.

Waeburania 13:20

Muungu ndiye amufufwiiye Ḅwana jwehu Yesu, eye Mut̯ikisa Mukuu jwa hizi mbuzi. Jeje ni mut̯ikisa mukuu kwa dzambo ḍya kudziyavya kwakwe dza mvuugiya akifwa. Hu mwaziwe uwa ndiwo mwazi wa hiḍi ḍamano ḍya maishi kahi ya Muungu na wanaad̯amu.

Waeburania 3:1

D̯ubva nywinywi wandugu zangu watsakwa, muhanijweo ni Muungu na mwiwo wantuwe, muyoweni Yesu. Jeje ndiye huyu *ntumi na *Mukohani Mukuu jwa hi faro yehu hwiyonat̯ima.

Waeburania 5:2

Na kwa kwamba nae ana udhaifu wa kibenaad̯amu, anawahwaiya na umpowe hawaḍe weonahenda mazuka pfasipfo kumanya.

1 Pet̯ero 3:20

Hizi ziwa ni ruhu za hawaḍe wadziziyeo kumut̯ii Muungu hangu kae, ngera za Nuhu. Nuhu epfoakielekanya hi safina, Muungu kawaindiiya muno wapfyehuze mama wapfone. Ela wantu wanjiiyeo humu safinani wewa ni wanane t̯u, nao ndiwo wapfoneyeo na hi zuruwa.

1 Pet̯ero 5:4

Makisa ngera ya huyu Mut̯ikisa Mukuu adzeyokudza, munapfegwa t̯ubvo ḍya d̯aha ḍisiḍyonangika maishi.