1 Pet̯ero 2:2 - Pokomo

² Kamiani kuḍya chakuḍya cha kiruhu dza hiviḍe vya wana vilelehea wevyonakamia kununa, ili kwamba mugije kukuya kiruhu;

1 Pet̯ero 2:2 Iomraidhean Croise

Matayo 18:3

na kanena nao kawamba, “Hachi nyakumwambiani, ntamuwezi kuunjia Uhaju wa Mbingu, musidzaperuka muwe dza vyana vichuchu.

Matayo 19:14

Ela Yesu kawamba, “Wayatseni hao wana wadze kwangu. Namutsewavingira, koro Uhaju wa Mbinguni mbwa wantu weo dzao.”

Marko 10:15

Hachi nyakumwambiani, yuḍejwonse asiyeupfokea Uhaju wa Muungu dza mwana kachuchu, huyo nkawezi kuunjia meshi.”

Luka 18:17

Hachi nyakumwambiani, yuḍejwonse asiyeupfokea Uhaju wa Muungu dza mwana kachuchu, huyo nkawezi kuunjia meshi.”

Warumi 6:4

Hwipfot̯opyegwa, ni dza kwamba hufwa na huzikwa pfamodza na Kirist̯o. Hivi vihendeka ili kwamba naswi huweze kuishi maisha mapfya, dza vya Muungu Baba jwehu amufufwiiyevyo Kirist̯o kuyawa kwa wafu kwa uwezowe mukuu.

1 Wakorint̯o 14:20

Wandugu zanguni, mat̯aro yenu nayatseewa ya kiḍyana. Dzuu ya mazuka, wani dza wana wasiomanya kintu, ela mat̯aro yenu nayawe mat̯aro ya kiuntu ukuu.

Waefeso 2:21

Na kwa dzambo ḍyakwe, hiḍi mbako ḍyonse ḍigijana gu. Kakuḍihendezani ḍikuye na ḍiwe Hekalu nd̯eru ya Ḅwana.

Waefeso 4:15

Ishinu hunagija kuiuḅa hi hachi huku hukiwa na mojo wa kutsakana. Ndookomu kwa kula njia, hunakuya hunawa dza Kirist̯o, eye kitswa cha hiḍi tsanganiko.

2 Watesalonike 1:3

Wandugu zangu, swiswi hunamala kumuyaviza ḍuḍa Muungu kut̯wa kwa dzambo ḍyenu. Ni hachi kwehu kuhenda hivi, kwa dzambo ḍya kwamba faro yenu igija kukuya zaid̯i na zaid̯i na mwakugijani kutsakana zaid̯i na zaid̯i.

1 Pet̯ero 1:23

koro mumaavyajwa yupfii, kuchiiya na kwa chuuwo cha Muungu, chichonapfa wantu maisha ya kuunga na yuungo. Huku kuvyajwa kwenu yupfii si kuvyajwa kimwii ni benaad̯amu hat̯a, ela ni kuvyajwa kiruhu kuchiiya na kwa chuuwo cha Muungu chichonakaa maishi.

2 Pet̯ero 3:18

Ela gijani kudzikwat̯ya t̯ei ya Ḅwana na mupfonya jwehu Yesu *Kirist̯o na mugije kumumanya jeje zaid̯i na zaid̯i. Ḅwana napfegwe shad̯u hangu hi hii saasambi, na hat̯a pfasipfosia. Amina.