1 Pet̯ero 2:11 - Pokomo

¹¹ Wandugu zangu mwiwokukaani dza wageni humu lumwenguni, nyakumuyombani mudzichinge na t̯amaa nzuka nzuka za kimwii zizokujwanani na hizi ruhu zenu kut̯wa.

1 Pet̯ero 2:11 Iomraidhean Croise

Luka 21:34

D̯ubva manyani mutsehekwa ni kuḍya kwinji na kuruma, wala mirumiru za maisha ya lumwengu huju, ili hiyo hiyo nsiku itsemudzia na ḅwikira.

Mahendo 15:20

Ishinu, nahuworeye ḅaruwa ya kuwamba wakwiye chakuḍya kiḍechonse kisichomala kuḍigwa kwa dzambo kiyavigwa mvuugiya kwa miungu; watseevunza ukwe, watseeḍya muḍondo ayagijwe kwa kuhuḍwa, na wala kunwa mwazi.

Mahendo 15:29

Mutseeḍya chakuḍya kiyavijwecho mvuugiya kwa miungu, mutseeḍya muḍondo ayagijwe kwa kulikidhwa ot̯i, wala namutseenwa mwazi. Na manyani mutsenjia rangani. Munawa muhenda dzambo dzema mukidzikanya na haya mambo. Ikaani naghea.”

Warumi 12:1

D̯ubva wandugu zanguni, kwa dzambo ḍya hivi vya Muungu ahufwiiyevyo t̯ei, nyakumuyombani muno kwamba mudziyavye kwakwe kaḅisa kaḅisa. Dziyavyeni kwa Muungu dza mvuugiya nd̯eru iyo mojo na iyonatsakiza usoni kwakwe. Hendani hivi kwa kwamba hi ndiyo njia halisi ya kiruhu ya kumuyomba Muungu.

Warumi 7:23

Ela nyakuonani kwamba kuna sharia ingine iyokuhendani kazi mwiini mwangu. Ni sharia iyokuipfingani hi sharia ya hi akili yangu ibarat̯iyeyo, na inakaa na kunihendeza mufungwa jwa hi sharia ya nabvise iyokuhendani kazi mwiini mwangu.

Warumi 8:13

Koro mukiishi maisha ya kut̯awaligwa ni mambo ya kimwii, hachi munafwa. Ela ikiwa kwamba kwa nguvu za Ruhu Mudheru muyatsa kuhenda mambo mazuka kaḅisa, ḅasi munaishi.

2 Wakorint̯o 5:20

D̯ubva swiswi hu maḅalozi wa Kirist̯o, na Muungu mwenye kakuhutumiani swiswi kunena nanywi. Kwa sari ḍya Kirist̯o, hwakumuyombani mumuyatse Muungu amuhendeze muwe waḅamuzwe kawii.

2 Wakorint̯o 6:1

Swiswi hu wahenda kazi pfamodza na Muungu, ndookomu hwakumuyombani mutseyayatsa haya matsako ya Muungu amuyangiyeyo, yende ḅasi.

2 Wakorint̯o 7:1

Watsakwa, hizi hizi ahad̯i Muungu kazihuwekea swiswi. D̯ubva nahudzidherese kwa kuyatsa kula kintu chichonaihendeza mii yehu na ruhu zehu kutsaawa nd̯eru. Nahuishi maisha ya udheru muhupfu kwa dzambo ḍya kushooga kumutsowea Muungu.

Wagalatia 5:24

Hawaḍe weo wa Kirist̯o Yesu waupfatsika untu wao muzuka wa kibenaad̯amu pfamodza na hamuze na t̯amaaze nzuka nzuka.

Waefeso 2:19

D̯ubva, nywinywi musiokuwa Wayahud̯i, sasa ntamukwaa wageni ambu wantu wa nze kawii. Mugala wantu wa nyumba modza ya wantu wonse wa Muungu.

Waefeso 4:1

D̯ubva mimi niye mufungwa kwa dzambo ḍya kumuhumikia Ḅwana, nyakumuyombani muishi maisha ya kuyanga kwamba mu wantu wa Muungu ahaniyeo ḍugha!

2 Timoteo 2:22

Timoteo, nkudzohekwe ni t̯amaa za uḍyana, ela jwania kuishi maisha mema, uwe muhikizika kwa Kirist̯o, na uwatsake Wakirist̯o wenziwo na kuwa na naghea nao. Wewe pfamodza na hawaḍe wonse weonamuyomba Ḅwana na mojo mumodza hendani dzevihivi.

Waeburania 11:13

Hawa hawa wantu wonse wafwa wakiwa na serefano kwa Muungu, hat̯a ingawa ntawakuvipata hiviḍe vya Muungu aahid̯iyevyo. Haya ya kudzayahendeke wayaona na kuye na watsekea muno. Wawasumwiiya wantu pfasipfo yutswa kwamba wao ni wageni wa hiḍe nsi na humu lumwenguni wao ni wadzokudza.

Waeburania 6:9

Hat̯a ingawa nyakunenani dza hivi, nywinywi le si shaka nanywi waḅamu zangu watsakwa. Nimanya ya kwamba, muna haya mema yeyonayawana na hu mupfonyo mupatiyeo.

Yakobo 4:1

Aya matsowano na nkondo za kut̯wa kahi yenu, vyakuyehegwani ni kintu ga? Ntavikwakuyehegwani ni azi t̯amaa zenu nzuka nzuka zizokujwanani kuzimuni mwenu hat̯a?

1 Pet̯ero 1:1

Mimi Pet̯ero niiye *ntumi jwa Yesu *Kirist̯o, nyakumworeani nywinywi wantu wonse wa Muungu mwiwokukaani nsi garagara za ugenini, za Ponto, Galatia, Kapadokia, Asia na Bitinia.

1 Pet̯ero 1:17

Muungu anahukumu kula muntu kuuḅana na mahendoye pfasipfo kumuhendea kind̯eḍi. D̯ubva ikiwa kwamba Muungu munakaa na kumuhana Baba, ḅasi ni had̯i hapfa lumwenguni mwipfokukaani dza wageni, muishi kwa kumuhila.

1 Pet̯ero 4:12

Wandugu zangu watsakwa, namutsemaka dza kwamba haya mad̯ina mwiyokukuntani mwakuhendekejwani ni dzambo geni.

1 Pet̯ero 4:2

Ndookomu ntamuwezi kuishi maisha ya kunuhwa ni t̯amaa za kibenaad̯amu kawii, ela munaishi maisha ya kuwa na hamu ya kuhenda miro ya Muungu.

2 Pet̯ero 3:1

Wandugu zangu, hii ni ḅaruwa yangu ya pfii ya kumworea. Kuzimuni mwa ḅaruwa zangu zombii, nimworea kumukumbusya haya mambo muyamanyiyeyo hangu iiḍe ili kwamba muweze kuwa na mat̯aro mema.