1 Pet̯ero 2:1 - Pokomo

¹ D̯ubva, dzikanyeni na kula namuna ya mazuka. Dzikanyeni na makulekule na umbiimbii, na muyatse nyano na kufwiyana ḍea.

1 Pet̯ero 2:1 Iomraidhean Croise

Matayo 15:7

E nywinywi mu wambiimbii t̯i! *Nabii Isaya kanena hachi dzuu ya wantu dzanywi, epfot̯aḅiri akyamba,

Matayo 23:28

Nywinywi nanze munaonekana dza wantu wahachi muno, ela katsi kuzimuni mwenu mudzaa kula aina ya mazuka na umbiimbii mwinji.

Matayo 24:51

Hachi hukumu adzeyomumpa anamuḅaaḅaa kafu, na anamuhenda dza hiviḍe vya wantu wambiimbii wevyonahendegwa! Huko huko adzekowekwa kadzaiya na kurhigha magego.”

Matayo 7:5

Wewe mumbiimbii! Yavya nguzi hichi kipfalepfale chicho humu dzitsoni mwako, ndipfo unapata kuona urembo, na unakiyavya hichi kifusi chicho humu dzitsoni mwa huyu mwenziwo.

Marko 12:15

Huipfe ambu hutseipfa?” Ela Yesu ewa kesakuuhambuya umbiimbii wao. D̯ubva kawamba, “Yani mwakuḍemani kunilevya mimi? Haya nimpani kuruḅembe niḍiyowe.”

Luka 11:44

Mudzawa na d̯ina iyodze nywinywi! Mwaa dza mbeera zisizohambujwa na zizonarangwa-rangwa ni wantu pfasipfo kuvimanya.”

Luka 12:1

Maelefu ya wantu wewa wakuundukizikani hat̯a waḍabva kurangana-rangana. Yesu kaḍabva kunena na wanafund̯iwe kawamba, “Dzit̯unzeni muno na hamira ya *Mafarisayo, yani umbiimbii wao.

Luka 6:42

Ambu unawezadze kumwamba mwenziwo, ‘T̯aḅee nguzi nikuyavye hicho kifusi hicho,’ na hali wewe mwenye nkukwakukionani hichi kipfalepfale chicho humu dzitsoni mwako! Wewe mumbiimbii! Yavya nguzi hichi kipfalepfale chicho humu dzitsoni mwako, ndipfo unapata kuona urembo, na unakiyavya hichi kifusi chicho humu dzitsoni mwa huyu mwenziwo.”

Yohana 1:47

Yesu epfomuona Natanaeli kakumudziani, kamba, “Huyu ni Muisiraeli kindindi. Jeje nka makulekule yaḍeyonse!”

Warumi 1:29

Myojo yao idzaa kula aina ya mazuka, kind̯eḍi, hamile na ugiḍifa. Wadzaa murit̯i wa uyaji na kufwia wantu ḍea. Kazi yao ni nkondo na winji wa makulekule na myojo mizuka mizuka kwa wantu. Wao wabarat̯a nyano t̯u

1 Wakorint̯o 14:20

Wandugu zanguni, mat̯aro yenu nayatseewa ya kiḍyana. Dzuu ya mazuka, wani dza wana wasiomanya kintu, ela mat̯aro yenu nayawe mat̯aro ya kiuntu ukuu.

1 Wakorint̯o 5:8

D̯ubva, hi hii jila ni kutsaihenda na mikahe ingizijweyo hamira ya kae, yani hamira ya nabvise na uzuka, ela ni kuihenda na mukahe usiwongizwa hamira, mukahe wa udheru na hachi.

2 Wakorint̯o 12:20

Nyakushoogeani kwamba nidzepfokudza kwenu, sikudzatsakizwa na hi hali nidzeyomut̯onga nayo, nami idzanimala kuhenda mambo yasiyomutsakiza nywinywi. Nyakushoogeani kwamba nidzamut̯onga mwakuhehani, mwakufwiyanani ḍea, mwakuwekeanani ngoro, na kuwa na umimi, pfamodza na kuwa na nyano, kamba na ambigwa, kudziona, na kuwa na kutsasikiana.

Waefeso 4:31

Yatsani kuwekeana ngooko, yatsani mambo ya ngoro, yatsani mambo ya kuheha na vitsolo. Na wala namutseewa na kevo kwa yuḍejwonse.

1 Watesalonike 2:3

Swiswi kusumwiiya kwehu ntahukumusumwiiya mambo ya nsuwe, wala ntahwiiwa na nia nzuka ambu hutsake kukulakula muntu.

1 Timoteo 3:11

Hawa wakazao nao, ni had̯i wawe wantu wa t̯aḅia nyema, na watseewa wantu wa nyano. Ni had̯i wawe wantu watuvu na weonahikizika kwa kula kintu.

Tito 2:3

Na dza vivyo, wambe hawa wake wakuu waishi maisha ya udheru na watsekaiya mambo ya nyano ambu wawe wahumwa wa mvinyo. Ni had̯i wayongweeze yeyo mema,

Waeburania 12:1

D̯ubva, kwa kwamba hwakuyojwani ni wingu kuu na kuu ḍya mashaahiḍi wayangiyeo faro zao, nahuyekeze kula chichonahugija-gija na huiyatse hi nabvise iyonatsaka kuhuhabvaka. Nahud̯arame na d̯iḍa hizi mbio hungizijwezo.

Yakobo 1:21

Ndookomu nanywi, dzyapfuseni na kula aina ya hendo zuka na mambo yasiyokuwa mema. Ipfokeyeni na umpowe hi mbeju ya chuuwo cha Muungu ihodzejweyo myojoni mwenu. Koro ndicho chuuwo chichonaweza kumupfonya.

Yakobo 3:14

Ela humu myojoni mukiwa na wivu mwinji na t̯amaa ya kudzikuzya nywinywi ḅasi, namutsedziona mwambe muna mvidhyo, na hali huku mwakuikanani hi hachi ya Muungu.

Yakobo 4:11

Wandugu zangu, yatsani kuneneana mazuka. Koro yuḍejwonse eyenamunenea mazuka muhikiza mwenziwe na kumukizia hukumu, huyo kakuineneani mazuka *Sharia ya Muungu na kakuiyavyani matsowa. Wewe ukwakuiyavyani matsowa hi Sharia, nkukwakuiuḅani! Kwakudzihendezani muntu jwa kuiyavya matsowa t̯u.

Yakobo 4:5

Ambu avi vya aya matsoro yaneneyevyo yakyamba, “Huyu Ruhu jwa Muungu amuwekeye kuzimuni mwehu ni mwivu,” mwakut̯arani kwamba ni vyuuwo vya ḅasi?

Yakobo 5:9

Wandugu zangu, namutsekaiya kuwawakiana nywinywi na nywinywi mutsekudzahukumigwa. Manyani, huyu Muhukumu Mukuu kamaawa hafufi kudza!

1 Pet̯ero 2:16

Ikaani dza wantu weo huru. Ela namutseutumia hu uhuru wenu kuhenda mazuka; kenge ikaani dza wahumisi wa Muungu.

1 Pet̯ero 2:22

Jeje nka nabvise ahendeeyo, na wala ntaku hat̯a nsiku modza akuliyeokuliyeo muntu.

1 Pet̯ero 3:10

Dza vya matsoro yaneneyevyo yakyamba, “Yuḍejwonse atsakiye kuḍya raha wa maisha, na kuishi maisha ya tsekea, ni had̯i adzikanye kunena mazuka, na ayatse kunena nsuwe.

1 Pet̯ero 4:2

Ndookomu ntamuwezi kuishi maisha ya kunuhwa ni t̯amaa za kibenaad̯amu kawii, ela munaishi maisha ya kuwa na hamu ya kuhenda miro ya Muungu.

1 Pet̯ero 4:4

Na sasa hawa walumwengu wakumakani, wakimuona kwamba ntamukwakugijanani nao na kuhenda haya mambo mazuka mazuka weyonahenda; ndookomu wanjia kumutsezeani.

Upfenuo wa Yohana 14:5

Manwani mwao ntawakusikijwa wakinena nsuwe, na ntawa alano iḍeyonse.