1 Pet̯ero 1:8 - Pokomo

⁸ Ingawa ntamukumuona Yesu na matso, mumutsaka. Na ingawa hi hii saasambi ntamukwakumuonani, mumuhikiza. Mwakutsekeani na tsaiko kuu muno, ḍisiḍyoweza hat̯a kuneneka,

1 Pet̯ero 1:8 Iomraidhean Croise

Matayo 10:37

Ikiwa kwamba muntu kamutsaka babajwe na mamajwe zaid̯i, kuliko kunitsaka mimi, ḅasi muntu dzae nkafae kuwa jwangu. Na muntu akimutsaka muuraniwe ambu mwanamukewe zaid̯i, kuliko kunitsaka mimi, nae pia huyo muntu nkafae kuwa jwangu.

Yohana 14:15

Yesu kawamba wanafund̯iwe, “Ikiwa kwamba nywinywi munitsaka, munahenda hivi nimuamuriyevyo.

Yohana 14:21

Huyuḍe eyenahenda hayaḍe nimuamuriyeyo, huyo ndiye anitsakiye. Na kwa dzambo ḍya kwamba kanitsaka, Baba nae anamutsaka. Nami pia namutsaka, na nadziyanganya kwakwe.”

Yohana 14:24

Muntu asiyenitsaka nkawezi kuyagija haya mayongweezo yangu. Kenge kumbukani kwamba haya mayongweezo yangu si yangu mimi mwenye, ela yayawa kwa Baba, huyu anihumiye.

Yohana 16:22

Na hat̯a nanywi, hi hii saasambi muna masikit̯iko. Ela nidzamuona kawii na mudzawa na tsekea muno, na wala ntakuwe jwa kuimutsovya hiyo hiyo tsekea.

Yohana 20:29

Yesu kamwamba, “Wewe kuhikiza kwa dzambo ḍya kwamba kuniona. Heri hawaḍe wahikiziyeo pfasipfo kuniona.”

Yohana 8:42

Ela Yesu kawamba, “T̯ambere Muungu andeewa ni Baba jwenu ḍugha, nywinywi mundeewa munitsaka, koro mimi nidza hapfa kuyawa kwa Muungu. Sikudziyeha mimi, jeje ndiye anihumiye.

Mahendo 16:34

Makisa kamuhwaa Paulo na Sila kenda nao nyumbani kwakwe na kawapfa chakuḍya waḍye. Jeje na nyumbaye wanjijwa ni tsekea kwa dzambo ḍya kwamba sasa ewa kamuhikiza Muungu.

Warumi 14:17

Koro Uhaju wa Muungu ntau cha kwamba hwakuḍyani vyakuḍya gani ambu hwakunwani kintu ga. Cha maana ni kwamba hunamala kuwa wahachi na kukaiyana na naghea na tsekea. Haya haya ni mambo hwiyonayapfegwa ni Ruhu Mudheru.

Warumi 15:13

D̯ubva Muungu eyenamumpa madzikwat̯yo, namudzaze tsekea na kumumpa naghea muno huku mukigija kumuserefat̯a jeje. Na kwehii njia munagija kuwa na madzikwat̯yo makuu kwa nguvu za huyu Ruhu Mudheru huku mukiindiya kut̯imizwa kwa hizi ahad̯i za Muungu.

1 Wakorint̯o 16:22

Yuḍejwonse asiyemutsaka Ḅwana, huyo kaḍujwa. Ḅwana jwehu, nzoo!

2 Wakorint̯o 1:22

na kahungiza gubva ya kuyanga kwamba hu wakwe, na kamuhungiza huyu Ruhu jwakwe myojoni mwehu, dza hakikisho ḍya haya adzeyohuhendea.

2 Wakorint̯o 4:18

Haya hwiyokuyoweeyani si mambo hwiyonaona na matso, ela ni mambo yasiyoonekana. Haya yeyonaonekana na matso nza muḍa t̯u, ela haya yasiyoonekana na matso yanakaa maishi.

2 Wakorint̯o 5:7

Koro haya maisha yehu hunaishi kwa kumuserefat̯a jeje, si kwa haya hwiyonaona na matso.

2 Wakorint̯o 9:15

Hunamuyaviza Muungu ḍuḍa kwa hi nt̯unu yakwe ahupfiyeyo, husiyoweza kuipara na vyuuwo.

Wagalatia 5:22

Ela huyu Ruhu anavyaza myojoni mwa wantu haya mambo haya: matsako, tsekea, naghea, kuit̯isa, ubalicha, wema, kuhikizika,

Wagalatia 5:6

Koro kuzimuni mwa Kirist̯o Yesu, kuhinywa ambu kutsahinywa kwa muntu ntaku maana yaḍeyonse. Cha mud̯a ni serefano yehu kwa Kirist̯o iyonaonekana kuchiiya na kwa haya matsako hwiyonayo.

Waefeso 3:19

Nyakumuyombeani kwamba muweze kuḍiimuka hiḍi hiḍi tsako ḍya Kirist̯o ḍichiiyeḍyo kuimuka kwa wanaad̯amu, ili kwa kula namuna muweze kuwa na hu ukamilifu wa Muungu eo nao.

Waefeso 6:24

Muungu nawavodhye hawaḍe wonse wamutsakiyeo Ḅwana jwehu Yesu Kirist̯o na tsako ḍisiḍyosia.

Wafilipi 1:25

Nina uhakika weḍihiḍi dzambo, ndookomu nimanya kwamba nagija kuishi pfamodza nanywi nyonse ili mupate kukuya kiruhu na kutsekea zaid̯i kwa dzambo ḍya kuhikiza kwenu.

Wafilipi 3:3

Ela swiswi hwiwonakaa na kumuyomba Muungu kwa njia ya huyu Ruhu jwakwe, ndiswi huhinyijweo ḍugha, siwo. Swiswi hunadzivunia haya ya *Kirist̯o Yesu ahuhendeeyo. Mambo ya kuuḅa adha zizonahwajwa kuwa muhimu ni wanaad̯amu ntahu nayo.

Wafilipi 4:4

Meshi tsekeani muno kwa kwamba mwaa hariani mwa Ḅwana. Makisa nyakuvimwambiani kawii, tsekeani!

Waeburania 11:1

Kuwa na faro ni kuwa na uhakika wa haya madzikwat̯yo yehu. Hunawa na uhakika wa hayaḍe husiyoona na matso.

Waeburania 11:27

Kwa kwamba Musa ewa kamuserefat̯a Muungu, kanuka na Misiri pfasipfo kuwa na oga wa ngoro ya huyu haju. Jeje nkakukwira nyuma kawii, kagija kwenda t̯u, dza kwamba ewa kakumuonani huyu Muungu asiyeonekana.

1 Pet̯ero 1:6

Kwa dzambo ḍyevihivi, tsekeani muno ingawa hi saasambi ni had̯i mupatwe ni kula namuna ya maḍemo kwa muḍa.

1 Pet̯ero 2:7

Huyu eye dza iwe ḍya musinji, njwa thamani kwenu nywinywi mumuhikiziyeo. Ela kwa hawaḍe wasiomuhikiza, haya matsoro yamba, “Hiḍi iwe ḍidzizijweḍyo ni wambaka, ndiḍyo ḍigaliyeḍyo iwe muhimu ḍya kumbakia.”

1 Pet̯ero 5:4

Makisa ngera ya huyu Mut̯ikisa Mukuu adzeyokudza, munapfegwa t̯ubvo ḍya d̯aha ḍisiḍyonangika maishi.