1 Pet̯ero 1:25 - Pokomo

²⁵ Ela chuuwo cha Muungu kinakaa maishi.” Na hichi ndicho chuuwo kisumwiijwecho kwenu.

1 Pet̯ero 1:25 Iomraidhean Croise

Matayo 5:18

Koro hachi nyakumwambiani, chima cha mbingu na nsi zivyopfo, ndicho chima cha hi Sharia idzevyowa muhimu kwenu. Koro ntaku chuuwo hat̯a kimodza wala katsoro kaḍekonse ka hi Sharia kadzekotsowa maana, mumpaka hiḍe saḅaḅu haswa haswa ye Sharia idzepfot̯imia.

Luka 16:17

Ni vivodho kwa mbingu na nsi kusia, kuliko hat̯a katsoro kamodza ka hi Sharia kwaara.

Yohana 1:1

Hangu hapfaḍe ḍabvu lumwengu jusidzaumbwa, huyu eyeakihanwa Chuuwo ewa yupfo. Jeje ewa pfamodza na Muungu na ewa ni Muungu.

Yohana 1:14

Huyu eyeakihanwa Chuuwo kawa mwanaad̯amu na kaishi kahi yehu. Huuona uwezowe mukuu, yani uwezo eo nao dza Mwana jeje heket̯u jwa huyu Baba. Kahuyanga winji wa matsakoye kwehu na kahupfa kumanya kula kintu dzuu ya Muungu.

1 Wakorint̯o 2:2

Koro niihuna kutsasumwiiya ḍingine ḍiḍeḍyonse, lamud̯a ḍya Yesu *Kirist̯o na kufwakwe muhini mwa mpatsa.

Waefeso 2:17

Kirist̯o kadza lumwenguni, na kasumwiiya *Maagu Mema ya naghea kwenu nywinywi mwiwokuwa kuye na Muungu na kwehu swiswi Wayahud̯i hwiwokuwa hafufi na Muungu.

Waefeso 3:8

Na hali kahi ya wantu wonse wa Muungu, mimi ndimi nisiyekuwa na maana jwa mwiso. Ela hat̯a vivyo, Muungu kanimpa kazi ya maana ya kuwasumwiiya wantu wa vyeet̯i dzuu ya mema makuu na makuu ya Kirist̯o yasiyo chima.

Tito 1:3

Muungu mupfonya jwehu kayahuyanga haya haya *Maagu Mema kwa wakati mwema. Kayanimpa haya haya Maagu Mema niyasumwiiye, nami ndivyo nivyokuhendani.

Waeburania 6:5

Wedzionea wao wenye hu wema wa chuuwo cha Muungu, na weziona hizi nguvu za ut̯awala wa Muungu.

1 Pet̯ero 1:12

Muungu kawapfenuiya hawa manabii kwamba haya haya mambo ntayakwakuhendeka ngera zao, ela yadzahendeka ngera zenu. Na sasa, haya *Maagu Mema yesakusumwiijwa kwenu ni wantu wayongowejweo ni Ruhu Mudheru asusijwe na yuwinguni. Haya ni mambo ambayo kwamba hat̯a malaika wakuyakamiani wayamanye.

1 Pet̯ero 1:23

koro mumaavyajwa yupfii, kuchiiya na kwa chuuwo cha Muungu, chichonapfa wantu maisha ya kuunga na yuungo. Huku kuvyajwa kwenu yupfii si kuvyajwa kimwii ni benaad̯amu hat̯a, ela ni kuvyajwa kiruhu kuchiiya na kwa chuuwo cha Muungu chichonakaa maishi.

1 Pet̯ero 2:2

Kamiani kuḍya chakuḍya cha kiruhu dza hiviḍe vya wana vilelehea wevyonakamia kununa, ili kwamba mugije kukuya kiruhu;

2 Pet̯ero 1:19

Ndookomu huna uhakika kwamba hivi vyuuwo vya hawa manabii waneneyevyo dzuu ya Kirist̯o mvya ḍugha. Na ni urembo kwamba muvigije na mojo koro vyaa dza tsaa iyonayangaa kizani hat̯a nsi ikacha. Vigijeni na mikono miwii mumpaka saa ya hu muyanga wa Kirist̯o, huyu eye dza nyoha ya magura udzepfomuyangaiya.

1 Yohana 1:1

Hwakumworeani dzuu ya huyu eyenahanwa Chuuwo cha Mojo. Ewapfo hangu ḍabvu. Humusikia na kumuona na matso yehu wenye. Ndivyo, humuona na hat̯a humuhora-hora na mikono yehu.

1 Yohana 1:3

Na haya huoneyeyo na kusikia, hwakuyamusumwiiyani nanywi. Hwakuyamusumwiiyani mupate kuwa wamodza naswi hariani mwa Baba na Mwanawe Yesu *Kirist̯o.

Upfenuo wa Yohana 14:6

Kisa niona malaika yungine eyeakiguuka huku yuwinguni dzuu. Ewa ekiwalalabvia wantu wonse wa lumwenguni *Maagu Mema yasiyo na mwiso. Kawalalabvia wantu wonse wa kuyawa kula nsi, na kula kyeet̯i na kula lugha.