1 Pet̯ero 1:22 - Pokomo

²² Na sasa, kwa dzambo muit̯ii hi hachi, mudhereswa kuyawana na nabvise zenu, na muwatsaka na mojo hawa wahikiza wenzenu. D̯ubva tsakanani na mojo ḍugha,

1 Pet̯ero 1:22 Iomraidhean Croise

Yohana 15:17

Nichokumuamuruni ni kwamba, mutsakane.”

Yohana 15:3

Nywinywi mwa dza mahambi yapfeejweyo, koro mwisakudhereswa ni hichi chuuwo nimwambiiyecho.

Yohana 17:17

Chuuwocho ndiyo hi hachi. Na hi hii hachi naiwahendeze wadziyavye kwako kaḅisa kaḅisa!

Yohana 17:19

Mimi nyakudziyavyani jwonse kwako kwa dzambo ḍyao, ili nao wapate kudziyavya wawe wako kaḅisa.

Mahendo 15:9

Nkakuyanga ugaragara kahi yehu Wayahud̯i na wantu wa vyeet̯i vingine. Kaidheresa myojo yao kwa dzambo wahikiza.

Mahendo 6:7

Ndookomu chuuwo cha Muungu kigija kud̯achaa kula pfantu. Chima cha wahikiza huko Yerusalemi chongezeka muno, na wakohani wenji wayahikiza haya *Maagu Mema.

Warumi 1:5

Kuchiiya na kwa Yesu, Muungu kanivodhya niwe ntumi jwakwe, ili kwa dzambo ḍyakwe niwahendeze wantu wonse wasiokuwa Wayahud̯i wamuhikize na kumut̯ii jeje.

Warumi 2:8

Ela hawaḍe weo na umimi, weonayatsa haya mambo ya hachi wakauḅa mazuka, ngoro ya Muungu idzawasukia.

Warumi 8:13

Koro mukiishi maisha ya kut̯awaligwa ni mambo ya kimwii, hachi munafwa. Ela ikiwa kwamba kwa nguvu za Ruhu Mudheru muyatsa kuhenda mambo mazuka kaḅisa, ḅasi munaishi.

2 Wakorint̯o 6:6

Swiswi hudziyanga kuwa wahumisi wa Muungu kwa udheru wehu, kwa namuna huimanyiyevyo hi hachi, kwa kuit̯isa kwehu na kwa wema wehu. Na pia hudziyanga kuwa wahumisi wa Muungu kwa kupfegwa huyu Ruhu Mudheru, kwa tsako ḍyehu ḍya ḍugha kwa wangine,

Wagalatia 3:1

Kut̯i nywinywi Wagalatia mwakuhendekani dza maḍyura? Munamba azi akili zenu ziyogwa? Na hali niimusumwiiya wazi wazi tswee namuna ya Yesu *Kirist̯o afwiyevyo muhini mwa mpatsa kwa dzambo ḍyenu.

Wagalatia 5:5

Ela aswi, huyu Ruhu anahupfa uhakika wa kwamba Muungu anahuhwaa kuwa wahachi kwa dzambo ḍya faro yehu kwa Kirist̯o.

Wagalatia 5:7

Dzaambia mwikyenda ureembo! Ayu adziyeakimunjia na kahi akimuhendeza muiyatse hi njia ya hachi ni ga?

Waefeso 4:3

Huyu Ruhu kamuunganya mugala dza kintu kimodza. D̯ubva ḍemani muno kuishiana na naghea mupate kukaa dza kintu kimodza.

Wafilipi 1:9

Na nyakumuyombeani kwamba, tsako ḍyenu kwa wangine ḍikuye zaid̯i na zaid̯i na muweze kumanya na kuimuka mambo ya kiruhu,

1 Watesalonike 3:12

Hwakumuyombeani nanywi, Ḅwana jwehu amwinjipfisiye matsako, muwe na matsako makuu kwenu nywinywi na nywinywi na kwa wantu wangine, dza vya matsako yehu kwenu yevyokwinjipfani na kuwa makuu.

2 Watesalonike 1:3

Wandugu zangu, swiswi hunamala kumuyaviza ḍuḍa Muungu kut̯wa kwa dzambo ḍyenu. Ni hachi kwehu kuhenda hivi, kwa dzambo ḍya kwamba faro yenu igija kukuya zaid̯i na zaid̯i na mwakugijani kutsakana zaid̯i na zaid̯i.

2 Watesalonike 2:13

Nywinywi wandugu mwiwo watsakwa wa Ḅwana, hunatsaka kumwambia ya kwamba, swiswi hunamala kumuyaviza ḍuḍa Muungu kut̯wa kwa dzambo ḍyenu. Muungu kamutsana hangu ḍabvu ili aweze kumupfonya kuchiiya na kwa kudhereswa ni Ruhu Mudheru na kwa kuihikiza hi hachi.

1 Timoteo 1:3

Dza nivyokwambia nipfonikyenḍa Makedonia, natsaka ukae kuko Efeso. Huko huko, kuna wantu weokuyongweezani mayongweezo ya nsuwe, na ni had̯i uwambe wayatse haya mayongweezo yao ya nsuwe.

1 Timoteo 1:5

Na maana ya hi hii amuri ni kuhuhendeza swiswi na swiswi hutsakane na mojo mumodza. Ni had̯i hutsakane na myojo iyo na faro ya ḍugha na iyonahuhendeza humanye yeyo mema na mazuka.

1 Timoteo 4:12

Nkudzowayatse wantu wakubalife kwa dzambo ḍya kwamba u mwana, ela ikaa dza mufaano kwa hawa wahikiza, kwa kunena kwako, t̯aḅia yako, matsakoyo, na kwa kuhikizika kwako na uishi maisha yasiyo alano.

1 Timoteo 5:2

hawa wake wazee uwahwae dza wamamazo, na hawa wake waḍoḍo wahwae dza waimbuzo pfasipfo kuwa na mat̯aro mazuka nao.

2 Timoteo 1:14

It̯unze hi nkandi ya maana ya haya Maagu Mema uipfegejweyo ni Muungu. It̯unze kwa nguvu za Ruhu Mudheru, huyu eyenaishi kuzimuni mwehu.

Waeburania 11:8

Kwa kwamba Iburahimu ewa kamuserefat̯a Muungu, Muungu epfomwamba anuke na kwao ende hiḍe nsi aahid̯iyeyo kuimumpa, Iburahimu kat̯ii na kenda, hat̯a ingawa ewa nkaidzi hiḍe nsi.

Waeburania 13:1

Gijani kutsakana dza ndugu Wakirist̯o.

Waeburania 5:9

Na epfoit̯imiza hi kaziye kawa ndiye muntu jwa kuwapfonya maishi hawaḍe wantu wonse weonamut̯ii jeje.

Waeburania 6:10

Muungu anahendea wantu hiḍe ya hachi. Nkawezi kwaarerwa hi kazi yenu muhendeyeyo ambu matsako mumuyangiyeyo kwa namuna mwivyowagijiija na mwivyokuwagijiijani hawa Wakirist̯o wenzenu.

Waeburania 9:14

D̯ubva, mwazi wa Kirist̯o una nguvu zaid̯i za kuidheresa myojo yehu, hutsekaiya kuhenda mazuka, ela hupate kuhenda miro ya Muungu eye mojo. Koro kwa nguvu za huyu Ruhu Mudheru eyenaishi maishi, Kirist̯o kadziyavya kwa Muungu dza mvuugiya isiyo kapet̯a.

Yakobo 1:21

Ndookomu nanywi, dzyapfuseni na kula aina ya hendo zuka na mambo yasiyokuwa mema. Ipfokeyeni na umpowe hi mbeju ya chuuwo cha Muungu ihodzejweyo myojoni mwenu. Koro ndicho chuuwo chichonaweza kumupfonya.

Yakobo 4:8

Mudziyeni Muungu hafufi, nae anamudziya hafufi. Ela nywinywi wanabvise na mwiwo wambiimbii, yatsani mahendo yenu mazuka na muyavye mat̯aro mazuka myojoni mwenu!

1 Pet̯ero 1:2

Muungu Baba jwehu kamutsana hangu kae, na mut̯engwa ni Ruhu jwakwe. Nanywi mumut̯ii Yesu Kirist̯o nae kamudheresa na mwaziwe. Muungu namuvodhye na kumumpa nagheaye kwa winji.

1 Pet̯ero 2:17

Wahileni wantu wonse, na muwatsake hawa wahikiza wenzenu. Mushoogeni Muungu na mumuhile huyu haju.

1 Pet̯ero 3:1

Dza vivyo, nywinywi wake, ni had̯i mudziweke nsii ya mamulaka ya wayume wenu, hat̯a ikiwa kwamba wangine wao si wahikiza wa chuuwo cha Muungu. Koro wakiona namuna mwiivyo kukaani nao na hila na kuwahendea mahendo mema, wananuhika kuwa wahikiza, hat̯a pfasipfo nywinywi kuwambukuya chuuwo.

1 Pet̯ero 3:20

Hizi ziwa ni ruhu za hawaḍe wadziziyeo kumut̯ii Muungu hangu kae, ngera za Nuhu. Nuhu epfoakielekanya hi safina, Muungu kawaindiiya muno wapfyehuze mama wapfone. Ela wantu wanjiiyeo humu safinani wewa ni wanane t̯u, nao ndiwo wapfoneyeo na hi zuruwa.

1 Pet̯ero 3:8

Mwiso nyakumwambiani nywinywi nyonse mwiwo Wakirist̯o, ikaiyanani urembo, mukifwiyana t̯ei na kutsakana dza ndugu. Wani wampowe kahi yenu nywinywi na nywinywi.

1 Pet̯ero 4:17

Koro ngera ya hukumu imafika, na hawa wantu wa Muungu ndiwo wa kuḍabva kuhukumigwa d̯ura. D̯ubva ikiwa kwamba ijwakuḍabva naswi, au mwiso unawadze kwa hawaḍe wasiohikiza aya Maagu Mema ya Muungu?

1 Pet̯ero 4:8

Zaid̯i ya vyonse, tsakanani na mojo, koro matsako yanayeha mayatsiyo ya nabvise nyinji.

2 Pet̯ero 1:7

Mukwakuishini maisha ya kumutsakiza Muungu, ni had̯i muwatsake na mojo mumodza hawa wahikiza wenzenu, na muwatsake wantu wonse pia.

1 Yohana 3:11

Haya maagu mwiyosumwiijwa hangu ḍabvu ni kwamba, ni had̯i hutsakane.

1 Yohana 3:23

Eyokuhuamuruni huhende ni kwamba, humuhikize Yesu Kirist̯o, huyu Mwanawe, na hutsakane dza vya Kirist̯o ahuamuriyevyo.

1 Yohana 4:12

Gula ntaku amuoneye Muungu meshi. Ela hukitsakana swiswi na swiswi, Muungu anawa na haria naswi na wangine wanaona matsakoye kuchiiya na kwehu.

1 Yohana 4:20

Ikiwa kwamba muntu kamba kamutsaka Muungu, na huku kamukeva ndugujwe, huyo ni munsuwe. Kwa dzambo ḍya kwamba, muntu nkawezi kumukeva ndugujwe eyenamuona na matso, kisa amutsake Muungu asiyemuona na matso.

1 Yohana 4:7

Watsakwa, nahutsakane swiswi na swiswi kwa dzambo ḍya kwamba matsako yanayawa kwa Muungu. Na yuḍejwonse eye na matsako anayanga kwamba jeje ni mwana jwa Muungu na kamumanya Muungu.

Upfenuo wa Yohana 2:4

Ela kuna dzambo modza ḍisiḍyonitsakiza. Naḍyo ni hiḍi ḍya kwamba, hiḍiḍe tsako mwiḍyokuwa naḍyo d̯ura, sasa ntamu naḍyo kawii.