1 Pet̯ero 1:1 - Pokomo

¹ Mimi Pet̯ero niiye *ntumi jwa Yesu *Kirist̯o, nyakumworeani nywinywi wantu wonse wa Muungu mwiwokukaani nsi garagara za ugenini, za Ponto, Galatia, Kapadokia, Asia na Bitinia.

1 Pet̯ero 1:1 Iomraidhean Croise

Matayo 10:2

Na haya ndiyo masari ya hawa *ntumi kumi na wawii: Jwa d̯ura ni Simioni eyeakihanigwa Pet̯ero, na ndugujwe eyeakihanigwa And̯erea. Wangine ni Yakobo na Yohana wana wa Zebed̯ayo.

Matayo 24:22

T̯ambere hizo hizo nsiku ntazindehendezwa mfufi, ntakundeewa jwa kupfona. Ela kwa dzambo ḍya watsanwa wa Muungu, hizo nsiku zihendezwa mfufi.

Matayo 4:18

Nsiku modza Yesu epfoakyenenda geri ya ziwa ḍya Galilaya, kaona ndugu wawii. Wewa ni Simioni eyeakihanigwa Pet̯ero na huyu ndugujwe ekihanigwa And̯erea. Hawa wandugu wowii wekilowa na nyavu koro wewa wantu wa kulowa.

Luka 18:7

Jeje t̯u akihenda dzavyo, ehe fat̯i Muungu, nkanawahendea hachi hat̯a awa wantuwe weonamuyomba siku na musikahi? Anawa mumpompowe kwambukuya viiyo vyao?

Yohana 11:52

Na nkakut̯aḅiri kwamba Yesu anafwa kwa dzambo ḍya Wayahud̯i t̯u, ela pia kwa dzambo ḍya wana wa Muungu wonse wat̯amisaiyeo-t̯amisaiyeo ili awahendeze kuwa kintu kimodza.

Yohana 7:35

D̯ubva hawa wakuu wa Kiyahud̯i kudzasikia hivi, waḍabva kuuzana wakyamba, “Munamba huyu huyu muntu anatsaka kwenda ku hat̯a ambe hunamulacha ela ntahumuone? Munamba anatsaka kwenda kwa awa wantu wehu wat̯amisaiyeo nsi zingine ende akayongweeze wantu wa vyeet̯i vingine?

Mahendo 18:2

Hukuḍe kenda kat̯ongana na Muyahud̯i avyaijwe Ponto eyenahanwa Akwila. Jeje na mukaziwe Pirisila wewa ndiko kudza kuyawa Ut̯aliano, kwa dzambo ḍya kwamba Kaisari Kilaudio ewa kaamuru kwamba Wayahud̯i wonse wauyawe mudzi wa Rumi. Paulo kendea kuwad̯oya,

Mahendo 18:23

Epfokaa hukuḍe kwa nsiku kachuchu kagonzowa kawii. Kachia ḍanda za Galatia na Furugia akiwangiza mojo hawa wahikiza.

Mahendo 19:10

Paulo kahenda hivi kwa myaka miwii, hat̯a wantu wonse weowakikaa ḍyimbo ḍya Asia, hangu Wayahud̯i hat̯a Wayunani, wakisikia hichi chuuwo cha Ḅwana.

Mahendo 6:9

Ela wantu wangine washindana nae. Wewa wantu wa *sunagogi ḍihanijweḍyo “Sunagogi ḍya wantu huru,” ḍiḍyokuwa na Wayahud̯i wa Ukirene na Alekizandaria. Wao na Wayahud̯i wangine kuyawa Kilikia na Asia waḍabva kuḍaat̯iana na Sit̯efano.

Mahendo 8:4

Hawa wahikiza wat̯amisaiyeo, wenda kula pfantu wakisumwiiya hichi chuuwo.

1 Wakorint̯o 16:19

Matsanganiko ya ḍyimbo ḍya Asia yamukedhya. Akwila na Pirisila, na hiḍi tsanganiko ḍiḍyonayomba humu nyumbani mwao, wamukedhya nto hariani mwa Ḅwana.

2 Wakorint̯o 1:8

Wandugu zanguni, hunatsaka mutsekwaarerwa hizi d̯ina hukuntiyezo ḍyimbo ḍya Asia. Ziwa d̯ina nkuu za kwamba huyavya hat̯a t̯amaa ya kuishi.

Waefeso 2:12

Kumbukani kwamba mwiiwa ntamumudzi Kirist̯o kwamba ni ga. Na ntamwiiwa wantu wa kyeet̯i cha Muungu atsaniyecho, mwiiwa dza wageni. Ntamwiiwapfo kwa haya maḍamano ya Muungu ahendeyeyo na wantuwe akiwapfa ahad̯i ya kuwapfonya. Muishi humu lumwenguni pfasipfo madzikwat̯yo yaḍeyonse, na wala ntamwimumanya Muungu.

Waefeso 2:19

D̯ubva, nywinywi musiokuwa Wayahud̯i, sasa ntamukwaa wageni ambu wantu wa nze kawii. Mugala wantu wa nyumba modza ya wantu wonse wa Muungu.

2 Timoteo 1:15

Dza umanyiyevyo, wantu wonse wa ḍyimbo ḍya Asia wanifat̯ula. Na wangine wao ni aḍe Figelo na Hamogene.

Waeburania 11:13

Hawa hawa wantu wonse wafwa wakiwa na serefano kwa Muungu, hat̯a ingawa ntawakuvipata hiviḍe vya Muungu aahid̯iyevyo. Haya ya kudzayahendeke wayaona na kuye na watsekea muno. Wawasumwiiya wantu pfasipfo yutswa kwamba wao ni wageni wa hiḍe nsi na humu lumwenguni wao ni wadzokudza.

Yakobo 1:1

Mimi Yakobo, niiye muhumisi jwa Muungu na jwa Ḅwana Yesu *Kirist̯o, nyakumworeani nywinywi wahikiza mwiwo wa vyeet̯i kumi na viwii vya Wayahud̯i mut̯amisaiyeo nsi garagara. Nyonse nimukedhya nto! Ntamu untu?

1 Pet̯ero 2:11

Wandugu zangu mwiwokukaani dza wageni humu lumwenguni, nyakumuyombani mudzichinge na t̯amaa nzuka nzuka za kimwii zizokujwanani na hizi ruhu zenu kut̯wa.

2 Pet̯ero 1:1

Mimi Simioni Pet̯ero, niiye muhumisi na *ntumi jwa Yesu *Kirist̯o, nyakumworeani nywinywi nyonse mumuhikiziyeo Yesu Kirist̯o, eye Muungu na mupfonya jwehu. Yesu kamuhendeza muwe na faro iyo na thamani dza hi ahupfiyeyo swiswi kwa dzambo ḍya wemawe.

Upfenuo wa Yohana 1:11

Hi saut̯i inyamba, “Haya wiyokuyaonani, yore uyapfiike kwa haya matsanganiko mafungahe yeyo ḍyimbo ḍya Asia. Yapfiike kwa tsanganiko ḍya Efeso, Simirina, Pagamo, Thiatira, Saridi, Filadelifia na Laodekia.”