Psalm 8:2 - Tjukurpa Palya

² Kaya tjitjingku iṯingku kuḻu nyakula inma inkara nyuntunya mirawaṉipai. Ka nyuntumpa kuraringkupai tjuṯangku nyuntunya puṯu analpai nyuntu witulya puḻkangku markunnyangka.

Psalm 8:2 Iomraidhean Croise

Psalm 46:10

Munu paluṟu wangkapai, “Wiyariwaya munu pilunarira kulila ngayunya, panya ngayulu kutju God Mayatja Puḻkanya uwankarangka waintarinytja manta winkingka.”

Exodus 11:7

Palu Israelkunu tjuṯa pukuḻpa mulapa nyinaku katja tjuṯa wankaṟu kanyiṟa, kuka tjuṯa kuḻu, panya palunya tjananya kutjupa kutjupangku pampuntja wiya alatjiṯu. Ka nyura nintiringkula kulilku panya ngayulu Israelkunu tjuṯaku mukuringkula tjananya wankaṟu kanyilpai, munuṉa nyuranya Itjipanya ngura tjuṯa wantipai.’ ” Alatji Moselu tjakultjunangi Piiṟala Godalu wangkanytja uwankara.

Exodus 15:16

Uwa, mulapa paluṟu tjana uwankara puḻkaṟa nguḻuringkuku nyuntu witulya puḻkangku palyannyangka nyakula. Tjana tjititingkula nguḻungku pakaṟa ngaṟala nyakuku nyuntumpa aṉangu tjuṯa wati-pitjanyangka. Panya aṉangu nyanga tjananya nyuntunku mantjiṟa katingu Itjipala puḻkaṟa waṟkarinyangka.

Aitjayaku 40:31

Palu aṉangu Mayatja Godaku mulamularingkunyangka kutju Godalu palunya piṟuku kuṉpulku, ka tjana kuṉpuringkula pakuringkuwiya para-ngaṟaku, panya waḻawuru ilkaṟingka katuringkula nyaḻpi urinytja wiya para-ngaṟapai, palu puṟunypa. Munuya pakuringkunytja wiya wirtjapakalku, munuya tiṯutjara paṟa-ngaṟaku paku wiya alatjiṯu.

Aitjayaku 6:3

Munuyanku mirara ngaparku wangkangi alatji, “Miḻmiḻpa wiṟunya Godanya Mayatja puḻka mulapa, panya paluṟu manta winki witulya puḻkangku kanyini.”

Matthew-ku 11:25

Munu palulanguṟu Jesulu palumpa mamangka wangkangi alatji, “Uwa Mama, nyuntun mayatja puḻka mulapa nyinanyi ilkaṟiku mantaku aṉangu uwankaraku kuḻu, munun ilkaṟitja uwankaraku kuḻu mayatja puḻka nyinanyi. Kaṉa nyuntunya kuwari mirawaṉira waḻkuṉi, panya nyuntun tjukurpa nyanga wiṟu utinu aṉangu ngurpa tjuṯangka munu panyan nintipuka tjuṯangka utintja wiyangku kumpilpa wantingu.

Matthew-ku 21:16

Munuya Jesula wangkangu, “Nyuntun kulini tjitji nyanga tjuṯangku wangkanyangka?” Ka Jesulu wangkangu, “Uwa-maṉṯu, kuliniṉa. Palu nyura wanyu nyiringka nyakunytja wiyaṯu? Panya alatji ngaṟanyi, ‘Mama God, nyuntu tjitji tjuṯa iṯi tjuṯa kuḻu nintinu nyuntunya tjukaṟurungku mirawaṉira waḻkuntjaku.’ ”

Luke-aku 10:21

Munu palulanguṟu Jesulu Kurunpa Miḻmiḻngatjarangku puḻkaṟa pukuḻarira palumpa mamangka wangkangu alatji, “Uwa Mama, nyuntun Mayatja puḻka mulapa nyinanyi ilkaṟiku mantaku aṉangu uwankaraku munu ilkaṟitja uwankaraku kuḻu. Kaṉa nyuntunya kuwari mirawaṉira waḻkuṉi, panya nyuntun tjukurpa nyanga wiṟu utinu aṉangu ngurpa tjuṯangka munun nintipuka tjuṯangka utintja wiyangku kutitjuṟa wantingu. Uwa Mama, mulapa panyan nyanga palunya alatji palyaṉu nyuntu mukuringkula.”

1 Kaṟintjaku 1:27

Panya Godalu nyuranya ngurpa tjuṯa ngurkantanu ninti puḻka tjuṯangku nyakula tjananku walytjangku kuliṟa kuṉṯaringkunytjaku. Paluṟu nyuranya tjukutjuku tjuṯa ngurkantanu puḻka tjuṯangku nyakula kuliṟa kuṉṯaringkunytjaku.